| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. адтасад̇асуд̇д̇ам̣
2. Aṭṭhasatasuttaṃ
270. ‘‘адтасад̇абарияааяам̣ во, бхигкавз, д̇хаммабарияааяам̣ д̣̇зсзссаами. д̇ам̣ сун̣аат̇а. гад̇амо жа, бхигкавз, адтасад̇абарияааяо, д̇хаммабарияааяо? д̣̇взби маяаа, бхигкавз, взд̣̇анаа вуд̇д̇аа барияааязна; д̇иссоби маяаа взд̣̇анаа вуд̇д̇аа барияааязна; бан̃жаби маяаа взд̣̇анаа вуд̇д̇аа барияааязна; чаби маяаа взд̣̇анаа вуд̇д̇аа барияааязна; адтаарасааби маяаа взд̣̇анаа вуд̇д̇аа барияааязна; чад̇д̇им̣сааби маяаа взд̣̇анаа вуд̇д̇аа барияааязна; адтасад̇амби маяаа взд̣̇анаа вуд̇д̇аа барияааязна. ‘‘гад̇амаа жа, бхигкавз, д̣̇вз взд̣̇анаа? гааяигаа жа жзд̇асигаа жа – имаа вужжанд̇и, бхигкавз, д̣̇вз взд̣̇анаа. гад̇амаа жа, бхигкавз, д̇иссо взд̣̇анаа? сукаа взд̣̇анаа, д̣̇угкаа взд̣̇анаа, ад̣̇угкамасукаа взд̣̇анаа – имаа вужжанд̇и, бхигкавз, д̇иссо взд̣̇анаа. гад̇амаа жа, бхигкавз, бан̃жа взд̣̇анаа? сукинд̣̇рияам̣, д̣̇угкинд̣̇рияам̣, соманассинд̣̇рияам̣, д̣̇оманассинд̣̇рияам̣, убзгкинд̣̇рияам̣ – имаа вужжанд̇и, бхигкавз, бан̃жа взд̣̇анаа. гад̇амаа жа, бхигкавз, ча взд̣̇анаа? жагкусампассаж̇аа взд̣̇анаа…бз… маносампассаж̇аа взд̣̇анаа – имаа вужжанд̇и, бхигкавз, ча взд̣̇анаа. гад̇амаа жа, бхигкавз, адтаараса взд̣̇анаа? ча соманассуубавижаараа, ча д̣̇оманассуубавижаараа, ча убзгкуубавижаараа – имаа вужжанд̇и, бхигкавз, адтаараса взд̣̇анаа. гад̇амаа жа, бхигкавз, чад̇д̇им̣са взд̣̇анаа? ча г̇зхасид̇аани 1 соманассаани, ча нзгкаммасид̇аани 2 соманассаани, ча г̇зхасид̇аани д̣̇оманассаани, ча нзгкаммасид̇аани д̣̇оманассаани, ча г̇зхасид̇аа убзгкаа , ча нзгкаммасид̇аа убзгкаа – имаа вужжанд̇и, бхигкавз, чад̇д̇им̣са взд̣̇анаа. гад̇аман̃жа, бхигкавз, адтасад̇ам̣ взд̣̇анаа? ад̇ийд̇аа чад̇д̇им̣са взд̣̇анаа, анааг̇ад̇аа чад̇д̇им̣са взд̣̇анаа, бажжуббаннаа чад̇д̇им̣са взд̣̇анаа – имаа вужжанд̇и, бхигкавз, адтасад̇ам̣ взд̣̇анаа. аяам̣, бхигкавз, адтасад̇абарияааяо д̇хаммабарияааяо’’д̇и. д̣̇уд̇ияам̣.
270. ‘‘Aṭṭhasatapariyāyaṃ vo, bhikkhave, dhammapariyāyaṃ desessāmi. Taṃ suṇātha. Katamo ca, bhikkhave, aṭṭhasatapariyāyo, dhammapariyāyo? Dvepi mayā, bhikkhave, vedanā vuttā pariyāyena; tissopi mayā vedanā vuttā pariyāyena; pañcapi mayā vedanā vuttā pariyāyena; chapi mayā vedanā vuttā pariyāyena; aṭṭhārasāpi mayā vedanā vuttā pariyāyena; chattiṃsāpi mayā vedanā vuttā pariyāyena; aṭṭhasatampi mayā vedanā vuttā pariyāyena. ‘‘Katamā ca, bhikkhave, dve vedanā? Kāyikā ca cetasikā ca – imā vuccanti, bhikkhave, dve vedanā. Katamā ca, bhikkhave, tisso vedanā? Sukhā vedanā, dukkhā vedanā, adukkhamasukhā vedanā – imā vuccanti, bhikkhave, tisso vedanā. Katamā ca, bhikkhave, pañca vedanā? Sukhindriyaṃ, dukkhindriyaṃ, somanassindriyaṃ, domanassindriyaṃ, upekkhindriyaṃ – imā vuccanti, bhikkhave, pañca vedanā. Katamā ca, bhikkhave, cha vedanā? Cakkhusamphassajā vedanā…pe… manosamphassajā vedanā – imā vuccanti, bhikkhave, cha vedanā. Katamā ca, bhikkhave, aṭṭhārasa vedanā? Cha somanassūpavicārā, cha domanassūpavicārā, cha upekkhūpavicārā – imā vuccanti, bhikkhave, aṭṭhārasa vedanā. Katamā ca, bhikkhave, chattiṃsa vedanā? Cha gehasitāni 3 somanassāni, cha nekkhammasitāni 4 somanassāni, cha gehasitāni domanassāni, cha nekkhammasitāni domanassāni, cha gehasitā upekkhā , cha nekkhammasitā upekkhā – imā vuccanti, bhikkhave, chattiṃsa vedanā. Katamañca, bhikkhave, aṭṭhasataṃ vedanā? Atītā chattiṃsa vedanā, anāgatā chattiṃsa vedanā, paccuppannā chattiṃsa vedanā – imā vuccanti, bhikkhave, aṭṭhasataṃ vedanā. Ayaṃ, bhikkhave, aṭṭhasatapariyāyo dhammapariyāyo’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2-10. адтасад̇асуд̇д̇аад̣̇иван̣н̣анаа • 2-10. Aṭṭhasatasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2-10. адтасад̇асуд̇д̇аад̣̇иван̣н̣анаа • 2-10. Aṭṭhasatasuttādivaṇṇanā
