| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[84] 4. ад̇т̇ассад̣̇ваараж̇аад̇агаван̣н̣анаа
[84] 4. Atthassadvārajātakavaṇṇanā
аарог̇яамижчз бараман̃жа лаабханд̇и ид̣̇ам̣ сад̇т̇аа ж̇зд̇аванз вихаранд̇о згам̣ ад̇т̇агусалам̣ гулабуд̇д̇ам̣ аараб̣бха гат̇зси. саавад̇т̇ияан̃хи згасса махаавибхавасса сздтино буд̇д̇о ж̇аад̇ияаа сад̇д̇авассо бан̃н̃аваа ад̇т̇агусало. со згад̣̇ивасам̣ бид̇арам̣ убасан̇гамид̇ваа ад̇т̇асса д̣̇ваарабан̃хам̣ наама бужчи, со д̇ам̣ на ж̇аанаад̇и. ат̇асса зд̇ад̣̇ахоси ‘‘аяам̣ бан̃хо ад̇исукумо, табзд̇ваа саб̣б̣ан̃н̃уб̣уд̣̇д̇хам̣ ан̃н̃о убари бхаваг̇г̇зна, хздтаа жа авийжинаа барижчиннз логасанниваасз зд̇ам̣ бан̃хам̣ гат̇зд̇ум̣ самад̇т̇о наама над̇т̇ий’’д̇и. со буд̇д̇амаад̣̇ааяа б̣ахум̣ маалааг̇анд̇хавилзбанам̣ г̇аахаабзд̇ваа ж̇зд̇аванам̣ г̇анд̇ваа сад̇т̇аарам̣ бууж̇зд̇ваа ванд̣̇ид̇ваа згаманд̇ам̣ нисинно бхаг̇аванд̇ам̣ зд̇ад̣̇авожа ‘‘аяам̣, бханд̇з, д̣̇аараго бан̃н̃аваа ад̇т̇агусало мам̣ ад̇т̇асса д̣̇ваарабан̃хам̣ наама бужчи, ахам̣ д̇ам̣ бан̃хам̣ аж̇аананд̇о д̇умхаагам̣ санд̇игам̣ ааг̇ад̇о, саад̇ху мз, бханд̇з, бхаг̇аваа д̇ам̣ бан̃хам̣ гат̇зд̇уу’’д̇и. сад̇т̇аа ‘‘буб̣б̣збаахам̣, убаасага, иминаа гумаарагзнзд̇ам̣ бан̃хам̣ будто, маяаа жасса гат̇ид̇о, д̇ад̣̇аа нам̣ зса ж̇аанаад̇и, ид̣̇аани бана бхавасан̇кзбаг̇ад̇ад̇д̇аа на саллагкзд̇ий’’д̇и вад̇ваа д̇зна яаажид̇о ад̇ийд̇ам̣ аахари.
Ārogyamiccheparamañca lābhanti idaṃ satthā jetavane viharanto ekaṃ atthakusalaṃ kulaputtaṃ ārabbha kathesi. Sāvatthiyañhi ekassa mahāvibhavassa seṭṭhino putto jātiyā sattavasso paññavā atthakusalo. So ekadivasaṃ pitaraṃ upasaṅkamitvā atthassa dvārapañhaṃ nāma pucchi, so taṃ na jānāti. Athassa etadahosi ‘‘ayaṃ pañho atisukhumo, ṭhapetvā sabbaññubuddhaṃ añño upari bhavaggena, heṭṭhā ca avīcinā paricchinne lokasannivāse etaṃ pañhaṃ kathetuṃ samattho nāma natthī’’ti. So puttamādāya bahuṃ mālāgandhavilepanaṃ gāhāpetvā jetavanaṃ gantvā satthāraṃ pūjetvā vanditvā ekamantaṃ nisinno bhagavantaṃ etadavoca ‘‘ayaṃ, bhante, dārako paññavā atthakusalo maṃ atthassa dvārapañhaṃ nāma pucchi, ahaṃ taṃ pañhaṃ ajānanto tumhākaṃ santikaṃ āgato, sādhu me, bhante, bhagavā taṃ pañhaṃ kathetū’’ti. Satthā ‘‘pubbepāhaṃ, upāsaka, iminā kumārakenetaṃ pañhaṃ puṭṭho, mayā cassa kathito, tadā naṃ esa jānāti, idāni pana bhavasaṅkhepagatattā na sallakkhetī’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о махаавибхаво сздти ахоси. ат̇асса буд̇д̇о сад̇д̇авассиго ж̇аад̇ияаа бан̃н̃аваа ад̇т̇агусало. со згад̣̇ивасам̣ бид̇арам̣ убасан̇гамид̇ваа ‘‘д̇аад̇а, ад̇т̇асса д̣̇ваарам̣ наама ги’’нд̇и ад̇т̇асса д̣̇ваарабан̃хам̣ бужчи. ат̇асса бид̇аа д̇ам̣ бан̃хам̣ гат̇знд̇о имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto mahāvibhavo seṭṭhi ahosi. Athassa putto sattavassiko jātiyā paññavā atthakusalo. So ekadivasaṃ pitaraṃ upasaṅkamitvā ‘‘tāta, atthassa dvāraṃ nāma ki’’nti atthassa dvārapañhaṃ pucchi. Athassa pitā taṃ pañhaṃ kathento imaṃ gāthamāha –
84.
84.
‘‘аарог̇яамижчз бараман̃жа лаабхам̣, сийлан̃жа вуд̣̇д̇хаанумад̇ам̣ суд̇ан̃жа;
‘‘Ārogyamicche paramañca lābhaṃ, sīlañca vuddhānumataṃ sutañca;
д̇хаммаанувад̇д̇ий жа алийнад̇аа жа, ад̇т̇асса д̣̇ваараа бамукаа чал̣зд̇з’’д̇и.
Dhammānuvattī ca alīnatā ca, atthassa dvārā pamukhā chaḷete’’ti.
д̇ад̇т̇а аарог̇яамижчз бараман̃жа лаабханд̇и жа-гааро нибаад̇амад̇д̇ам̣. д̇аад̇а, батамамзва аарог̇яасан̇каад̇ам̣ барамам̣ лаабхам̣ ижчзяяаад̇и имамад̇т̇ам̣ д̣̇ийбзнд̇о звамааха. д̇ад̇т̇а аарог̇яам̣ наама сарийрасса жзва жид̇д̇асса жа арог̇абхааво анаад̇урад̇аа. сарийрз хи рог̇аад̇урз нзва алад̣̇д̇хам̣ бхог̇алаабхам̣ уббаад̣̇зд̇ум̣ саггод̇и, на лад̣̇д̇хам̣ барибхун̃ж̇ид̇ум̣, анаад̇урз бана убхаяамбзд̇ам̣ саггод̇и. жид̇д̇з жа гилзсаад̇урз нзва алад̣̇д̇хам̣ жхаанаад̣̇ибхзд̣̇ам̣ лаабхам̣ уббаад̣̇зд̇ум̣ саггод̇и, на лад̣̇д̇хам̣ буна самаабад̇д̇ивасзна барибхун̃ж̇ид̇ум̣. зд̇асмим̣ анаарог̇яз сад̇и алад̣̇д̇хоби лаабхо на лаб̣бхад̇и, лад̣̇д̇хоби нирад̇т̇аго ход̇и, асад̇и банзд̇асмим̣ алад̣̇д̇хоби лаабхо лаб̣бхад̇и, лад̣̇д̇хоби саад̇т̇аго ход̇ийд̇и аарог̇яам̣ барамо лаабхо наама. д̇ам̣ саб̣б̣абатамам̣ ижчид̇аб̣б̣ам̣. ид̣̇амзгам̣ ад̇т̇асса д̣̇вааранд̇и аяамзд̇т̇а ад̇т̇о. сийлан̃жаад̇и аажаарасийлам̣. иминаа логажаарид̇д̇ам̣ д̣̇ассзд̇и. вуд̣̇д̇хаанумад̇анд̇и г̇ун̣авуд̣̇д̇хаанам̣ бан̣д̣ид̇аанам̣ анумад̇ам̣. иминаа н̃аан̣асамбаннаанам̣ г̇аруунам̣ оваад̣̇ам̣ д̣̇ассзд̇и. суд̇ан̃жаад̇и гааран̣аниссид̇ам̣ суд̇ам̣. иминаа имасмим̣ логз ад̇т̇аниссид̇ам̣ б̣аахусажжам̣ д̣̇ассзд̇и. д̇хаммаанувад̇д̇ий жаад̇и д̇ивид̇хасса сужарид̇ад̇хаммасса анувад̇д̇анам̣. иминаа д̣̇ужжарид̇ад̇хаммам̣ важ̇ж̇зд̇ваа сужарид̇ад̇хаммасса анувад̇д̇анабхаавам̣ д̣̇ассзд̇и. алийнад̇аа жаад̇и жид̇д̇асса алийнад̇аа анийжад̇аа. иминаа жид̇д̇асса асан̇гожад̇ам̣ бан̣ийд̇абхаавам̣ уд̇д̇амабхаавам̣ д̣̇ассзд̇и. ад̇т̇асса д̣̇ваараа бамукаа чал̣зд̇зд̇и ад̇т̇о наама вуд̣дхи, д̇асса вуд̣дхисан̇каад̇асса логияалогуд̇д̇арасса ад̇т̇асса зд̇з бамукаа уд̇д̇амаа ча д̣̇ваараа убааяаа ад̇хиг̇амамукаанийд̇и.
Tattha ārogyamicche paramañca lābhanti ca-kāro nipātamattaṃ. Tāta, paṭhamameva ārogyasaṅkhātaṃ paramaṃ lābhaṃ iccheyyāti imamatthaṃ dīpento evamāha. Tattha ārogyaṃ nāma sarīrassa ceva cittassa ca arogabhāvo anāturatā. Sarīre hi rogāture neva aladdhaṃ bhogalābhaṃ uppādetuṃ sakkoti, na laddhaṃ paribhuñjituṃ, anāture pana ubhayampetaṃ sakkoti. Citte ca kilesāture neva aladdhaṃ jhānādibhedaṃ lābhaṃ uppādetuṃ sakkoti, na laddhaṃ puna samāpattivasena paribhuñjituṃ. Etasmiṃ anārogye sati aladdhopi lābho na labbhati, laddhopi niratthako hoti, asati panetasmiṃ aladdhopi lābho labbhati, laddhopi sātthako hotīti ārogyaṃ paramo lābho nāma. Taṃ sabbapaṭhamaṃ icchitabbaṃ. Idamekaṃ atthassa dvāranti ayamettha attho. Sīlañcāti ācārasīlaṃ. Iminā lokacārittaṃ dasseti. Vuddhānumatanti guṇavuddhānaṃ paṇḍitānaṃ anumataṃ. Iminā ñāṇasampannānaṃ garūnaṃ ovādaṃ dasseti. Sutañcāti kāraṇanissitaṃ sutaṃ. Iminā imasmiṃ loke atthanissitaṃ bāhusaccaṃ dasseti. Dhammānuvattī cāti tividhassa sucaritadhammassa anuvattanaṃ. Iminā duccaritadhammaṃ vajjetvā sucaritadhammassa anuvattanabhāvaṃ dasseti. Alīnatā cāti cittassa alīnatā anīcatā. Iminā cittassa asaṅkocataṃ paṇītabhāvaṃ uttamabhāvaṃ dasseti. Atthassa dvārā pamukhā chaḷeteti attho nāma vuḍḍhi, tassa vuḍḍhisaṅkhātassa lokiyalokuttarassa atthassa ete pamukhā uttamā cha dvārā upāyā adhigamamukhānīti.
звам̣ б̣од̇хисад̇д̇о буд̇д̇асса ад̇т̇асса д̣̇ваарабан̃хам̣ гат̇зси. со д̇ад̇о бадтааяа д̇зсу часу д̇хаммзсу вад̇д̇и. б̣од̇хисад̇д̇оби д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Evaṃ bodhisatto puttassa atthassa dvārapañhaṃ kathesi. So tato paṭṭhāya tesu chasu dhammesu vatti. Bodhisattopi dānādīni puññāni katvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа буд̇д̇ова бажжуббаннабуд̇д̇о, махаасздти бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā puttova paccuppannaputto, mahāseṭṭhi pana ahameva ahosi’’nti.
ад̇т̇ассад̣̇ваараж̇аад̇агаван̣н̣анаа жад̇уд̇т̇аа.
Atthassadvārajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 84. ад̇т̇ассад̣̇ваараж̇аад̇агам̣ • 84. Atthassadvārajātakaṃ
