| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
உபோஸதா²தி³புச்சா²விஸ்ஸஜ்ஜனாவண்ணனா
Uposathādipucchāvissajjanāvaṇṇanā
332. ‘‘ஸங்க⁴ங், ப⁴ந்தே, பவாரேமீதிஆதி³ பவாரணாகதா² நாமா’’தி க³ண்டி²பதே³ஸு வுத்தங்.
332. ‘‘Saṅghaṃ, bhante, pavāremītiādi pavāraṇākathā nāmā’’ti gaṇṭhipadesu vuttaṃ.
அத்த²வஸபகரணவண்ணனா
Atthavasapakaraṇavaṇṇanā
334. பட²மபாராஜிகவண்ணனாயமேவ வுத்தந்தி ‘‘ஸங்க⁴ஸுட்டு²தாயா’’திஆதீ³னங் அத்த²வண்ணனங் ஸந்தா⁴ய வுத்தங். த³ஸக்க²த்துங் யோஜனாய பத³ஸதங் வுத்தந்தி ஏகமூலகனயே த³ஸக்க²த்துங் யோஜனாய கதாய ஸங்க²லிகனயே வுத்தபதே³ஹி ஸத்³தி⁴ங் பத³ஸதங் வுத்தந்தி ஏவமத்தோ² க³ஹேதப்³போ³. அஞ்ஞதா² ஏகமூலகே ஏவ நயே ந ஸக்கா பத³ஸதங் லத்³து⁴ங். ஏகமூலகனயேஹி புரிமபச்சி²மபதா³னி ஏகதோ கத்வா ஏகேகஸ்மிங் வாரே நவ நவ பதா³னி வுத்தானீதி த³ஸக்க²த்துங் யோஜனாய நவுதி பதா³னியேவ லப்³ப⁴ந்தி. தஸ்மா தானி நவுதி பதா³னி ஸங்க²லிகனயே ப³த்³த⁴சக்கவஸேன யோஜிதே த³ஸ பதா³னி லப்³ப⁴ந்தீதி தேஹி ஸத்³தி⁴ங் பத³ஸதந்தி ஸக்கா வத்துங். இதோ அஞ்ஞதா² பன உபோ⁴ஸுபி நயேஸு விஸுங் விஸுங் அத்த²ஸதங் த⁴ம்மஸதஞ்ச யதா² லப்³ப⁴தி, ததா² பட²மபாராஜிகஸங்வண்ணனாயமேவ அம்ஹேஹி த³ஸ்ஸிதங், தங் தத்த² வுத்தனயேனேவ க³ஹேதப்³ப³ங். புரிமபச்சி²மபதா³னி ஏகத்தேன க³ஹெத்வா ‘‘பத³ஸத’’ந்தி வுத்தத்தா ‘‘தத்த² பச்சி²மஸ்ஸ பச்சி²மஸ்ஸ பத³ஸ்ஸ வஸேன அத்த²ஸதங், புரிமஸ்ஸ புரிமஸ்ஸ வஸேன த⁴ம்மஸத’’ந்தி வுத்தங். தஸ்மிங் பத³ஸதே ‘‘ஸங்க⁴ஸுட்டூ²’’திஆதி³னா வுத்தபுரிமபதா³னங் வஸேன த⁴ம்மஸதங், ‘‘ஸங்க⁴பா²ஸூ’’திஆதி³னா வுத்தபச்சி²மபதா³னங் வஸேன அத்த²ஸதந்தி அதி⁴ப்பாயோ.
334.Paṭhamapārājikavaṇṇanāyameva vuttanti ‘‘saṅghasuṭṭhutāyā’’tiādīnaṃ atthavaṇṇanaṃ sandhāya vuttaṃ. Dasakkhattuṃ yojanāya padasataṃ vuttanti ekamūlakanaye dasakkhattuṃ yojanāya katāya saṅkhalikanaye vuttapadehi saddhiṃ padasataṃ vuttanti evamattho gahetabbo. Aññathā ekamūlake eva naye na sakkā padasataṃ laddhuṃ. Ekamūlakanayehi purimapacchimapadāni ekato katvā ekekasmiṃ vāre nava nava padāni vuttānīti dasakkhattuṃ yojanāya navuti padāniyeva labbhanti. Tasmā tāni navuti padāni saṅkhalikanaye baddhacakkavasena yojite dasa padāni labbhantīti tehi saddhiṃ padasatanti sakkā vattuṃ. Ito aññathā pana ubhosupi nayesu visuṃ visuṃ atthasataṃ dhammasatañca yathā labbhati, tathā paṭhamapārājikasaṃvaṇṇanāyameva amhehi dassitaṃ, taṃ tattha vuttanayeneva gahetabbaṃ. Purimapacchimapadāni ekattena gahetvā ‘‘padasata’’nti vuttattā ‘‘tattha pacchimassa pacchimassa padassa vasena atthasataṃ, purimassa purimassa vasena dhammasata’’nti vuttaṃ. Tasmiṃ padasate ‘‘saṅghasuṭṭhū’’tiādinā vuttapurimapadānaṃ vasena dhammasataṃ, ‘‘saṅghaphāsū’’tiādinā vuttapacchimapadānaṃ vasena atthasatanti adhippāyo.
மஹாவக்³க³வண்ணனா நிட்டி²தா.
Mahāvaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi
ஆதி³மஜ்ஜ²ந்தபுச்ச²னங் • Ādimajjhantapucchanaṃ
அத்த²வஸபகரணங் • Atthavasapakaraṇaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / அத்த²வஸபகரணாவண்ணனா • Atthavasapakaraṇāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā
உபோஸதா²தி³புச்சா²விஸ்ஸஜ்ஜனாவண்ணனா • Uposathādipucchāvissajjanāvaṇṇanā
அத்த²வஸபகரணவண்ணனா • Atthavasapakaraṇavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / உபோஸதா²தி³புச்சா²விஸ்ஸஜ்ஜனாவண்ணனா • Uposathādipucchāvissajjanāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi
உபோஸதா²தி³புச்சா²விஸ்ஸஜ்ஜனா • Uposathādipucchāvissajjanā
அத்த²வஸபகரணவண்ணனா • Atthavasapakaraṇavaṇṇanā
