| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
убосат̇аад̣̇ибужчаависсаж̇ж̇анаа
Uposathādipucchāvissajjanā
332. ‘‘убосат̇агаммасса го аад̣̇ий’’д̇иаад̣̇ийнам̣ бужчаанам̣ виссаж̇ж̇анз саамаг̇г̇ий аад̣̇ийд̇и ‘‘убосат̇ам̣ гариссаамаа’’д̇и сиймам̣ сод̇хзд̇ваа чанд̣̇абаарисуд̣̇д̇хим̣ аахарид̇ваа саннибад̇ид̇аанам̣ гааяасаамаг̇г̇ий аад̣̇и. гирияаа маж̇жхзд̇и буб̣б̣агижжам̣ гад̇ваа баад̇имогкаосааран̣агирияаа маж̇жхз. нидтаанам̣ барияосаананд̇и ‘‘д̇ад̇т̇а саб̣б̣зхзва самаг̇г̇зхи саммод̣̇амаанзхи авивад̣̇амаанзхи сигкид̇аб̣б̣а’’нд̇и ид̣̇ам̣ баад̇имогканидтаанам̣ барияосаанам̣. бавааран̣аагаммасса саамаг̇г̇ий аад̣̇ийд̇и ‘‘бавааран̣ам̣ гариссаамаа’’д̇и сиймам̣ сод̇хзд̇ваа чанд̣̇абавааран̣ам̣ аахарид̇ваа саннибад̇ид̇аанам̣ гааяасаамаг̇г̇ий аад̣̇и. гирияаа маж̇жхзд̇и бавааран̣аан̃ад̇д̇и жа бавааран̣аагат̇аа жа маж̇жхз, сан̇гханавагасса ‘‘бассанд̇о бадигариссаамий’’д̇и важанам̣ барияосаанам̣. д̇аж̇ж̇анийяагаммаад̣̇ийсу вад̇т̇у наама язна вад̇т̇унаа гаммаарахо ход̇и, д̇ам̣ вад̇т̇у. буг̇г̇алод̇и язна д̇ам̣ вад̇т̇у гад̇ам̣, со буг̇г̇ало. гаммаваажаа барияосаананд̇и ‘‘гад̇ам̣ сан̇гхзна ид̇т̇аннаамасса бхигкуно д̇аж̇ж̇анийяагаммам̣, камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и звам̣ д̇ассаа д̇ассаа гаммаваажааяа авасаанаважанам̣ барияосаанам̣. сзсам̣ саб̣б̣ад̇т̇а уд̇д̇аанамзваад̇и
332. ‘‘Uposathakammassa ko ādī’’tiādīnaṃ pucchānaṃ vissajjane sāmaggī ādīti ‘‘uposathaṃ karissāmā’’ti sīmaṃ sodhetvā chandapārisuddhiṃ āharitvā sannipatitānaṃ kāyasāmaggī ādi. Kiriyā majjheti pubbakiccaṃ katvā pātimokkhaosāraṇakiriyā majjhe. Niṭṭhānaṃ pariyosānanti ‘‘tattha sabbeheva samaggehi sammodamānehi avivadamānehi sikkhitabba’’nti idaṃ pātimokkhaniṭṭhānaṃ pariyosānaṃ. Pavāraṇākammassa sāmaggī ādīti ‘‘pavāraṇaṃ karissāmā’’ti sīmaṃ sodhetvā chandapavāraṇaṃ āharitvā sannipatitānaṃ kāyasāmaggī ādi. Kiriyā majjheti pavāraṇāñatti ca pavāraṇākathā ca majjhe, saṅghanavakassa ‘‘passanto paṭikarissāmī’’ti vacanaṃ pariyosānaṃ. Tajjanīyakammādīsu vatthu nāma yena vatthunā kammāraho hoti, taṃ vatthu. Puggaloti yena taṃ vatthu kataṃ, so puggalo. Kammavācā pariyosānanti ‘‘kataṃ saṅghena itthannāmassa bhikkhuno tajjanīyakammaṃ, khamati saṅghassa, tasmā tuṇhī, evametaṃ dhārayāmī’’ti evaṃ tassā tassā kammavācāya avasānavacanaṃ pariyosānaṃ. Sesaṃ sabbattha uttānamevāti
убосат̇аад̣̇ибужчаависсаж̇ж̇анааван̣н̣анаа нидтид̇аа.
Uposathādipucchāvissajjanāvaṇṇanā niṭṭhitā.
ад̇т̇авасабагаран̣ааван̣н̣анаа
Atthavasapakaraṇāvaṇṇanā
334. ад̇т̇авасабагаран̣з – д̣̇аса ад̇т̇авасзд̇иаад̣̇ийсу яам̣ вад̇д̇аб̣б̣ам̣ д̇ам̣ батамабаарааж̇игаван̣н̣анааяамзва вуд̇д̇ам̣. яам̣ сан̇гхасудту д̇ам̣ сан̇гхапаасууд̇иаад̣̇ийсу убаримам̣ убаримам̣ бад̣̇ам̣ хздтимасса хздтимасса бад̣̇асса ад̇т̇о.
334. Atthavasapakaraṇe – dasa atthavasetiādīsu yaṃ vattabbaṃ taṃ paṭhamapārājikavaṇṇanāyameva vuttaṃ. Yaṃ saṅghasuṭṭhu taṃ saṅghaphāsūtiādīsu uparimaṃ uparimaṃ padaṃ heṭṭhimassa heṭṭhimassa padassa attho.
ад̇т̇асад̇ам̣ д̇хаммасад̇анд̇иаад̣̇имхи бана яад̣̇зд̇ам̣ д̣̇асасу бад̣̇зсу згзгам̣ муулам̣ гад̇ваа д̣̇асагкад̇д̇ум̣ яож̇анааяа бад̣̇асад̇ам̣ вуд̇д̇ам̣. д̇ад̇т̇а бажчимасса бажчимасса бад̣̇асса васзна ад̇т̇асад̇ам̣ буримасса буримасса васзна д̇хаммасад̇ам̣ взд̣̇ид̇аб̣б̣ам̣. ат̇а ваа яз д̣̇аса ад̇т̇авасз бадижжа д̇ат̇ааг̇ад̇зна саавагаанам̣ сигкаабад̣̇ам̣ бан̃н̃ад̇д̇ам̣, яз буб̣б̣з батамабаарааж̇игаван̣н̣анааяам̣ ‘‘д̇ад̇т̇а сан̇гхасудтуд̇аа наама сан̇гхасса судтубхааво ‘судту д̣̇зваа’д̇и ааг̇ад̇адтаанз вияа ‘судту бханд̇з’д̇и важанасамбадижчанабхааво, яо жа д̇ат̇ааг̇ад̇асса важанам̣ самбадижчад̇и, д̇асса д̇ам̣ д̣̇ийгхарад̇д̇ам̣ хид̇ааяа сукааяа ход̇и, д̇асмаа сан̇гхасса ‘судту бханд̇з’д̇и мама важанасамбадижчанад̇т̇ам̣ бан̃н̃абзссаами асамбадижчанз аад̣̇ийнавам̣ самбадижчанз жа аанисам̣сам̣ д̣̇ассзд̇ваа на б̣алаггаарзна абхибхавид̇ваад̇и зд̇амад̇т̇ам̣ аавигаронд̇о ааха – сан̇гхасудтуд̇ааяаа’’д̇и звамаад̣̇инаа наязна ван̣н̣ид̇аа, д̇зсам̣ ид̇ха д̣̇асагкад̇д̇ум̣ ааг̇ад̇ад̇д̇аа ад̇т̇асад̇ам̣ д̇ад̣̇ад̇т̇аж̇од̇агаанан̃жа бад̣̇аанам̣ васзна д̇хаммасад̇ам̣ взд̣̇ид̇аб̣б̣ам̣. ид̣̇аани ад̇т̇аж̇од̇агаанам̣ нируд̇д̇ийнам̣ васзна нируд̇д̇исад̇ам̣, д̇хаммабхууд̇аанам̣ нируд̇д̇ийнам̣ васзна нируд̇д̇исад̇анд̇и д̣̇вз нируд̇д̇исад̇аани, ад̇т̇асад̇з н̃аан̣асад̇ам̣, д̇хаммасад̇з н̃аан̣асад̇ам̣, д̣̇вийсу нируд̇д̇исад̇зсу д̣̇вз н̃аан̣асад̇аанийд̇и жад̇д̇аари н̃аан̣асад̇аани жа взд̣̇ид̇аб̣б̣аани.
Atthasataṃdhammasatantiādimhi pana yadetaṃ dasasu padesu ekekaṃ mūlaṃ katvā dasakkhattuṃ yojanāya padasataṃ vuttaṃ. Tattha pacchimassa pacchimassa padassa vasena atthasataṃ purimassa purimassa vasena dhammasataṃ veditabbaṃ. Atha vā ye dasa atthavase paṭicca tathāgatena sāvakānaṃ sikkhāpadaṃ paññattaṃ, ye pubbe paṭhamapārājikavaṇṇanāyaṃ ‘‘tattha saṅghasuṭṭhutā nāma saṅghassa suṭṭhubhāvo ‘suṭṭhu devā’ti āgataṭṭhāne viya ‘suṭṭhu bhante’ti vacanasampaṭicchanabhāvo, yo ca tathāgatassa vacanaṃ sampaṭicchati, tassa taṃ dīgharattaṃ hitāya sukhāya hoti, tasmā saṅghassa ‘suṭṭhu bhante’ti mama vacanasampaṭicchanatthaṃ paññapessāmi asampaṭicchane ādīnavaṃ sampaṭicchane ca ānisaṃsaṃ dassetvā na balakkārena abhibhavitvāti etamatthaṃ āvikaronto āha – saṅghasuṭṭhutāyā’’ti evamādinā nayena vaṇṇitā, tesaṃ idha dasakkhattuṃ āgatattā atthasataṃ tadatthajotakānañca padānaṃ vasena dhammasataṃ veditabbaṃ. Idāni atthajotakānaṃ niruttīnaṃ vasena niruttisataṃ, dhammabhūtānaṃ niruttīnaṃ vasena niruttisatanti dve niruttisatāni, atthasate ñāṇasataṃ, dhammasate ñāṇasataṃ, dvīsu niruttisatesu dve ñāṇasatānīti cattāri ñāṇasatāni ca veditabbāni.
‘‘ад̇т̇асад̇ам̣ д̇хаммасад̇ам̣, д̣̇вз нируд̇д̇исад̇аани;
‘‘Atthasataṃ dhammasataṃ, dve niruttisatāni;
жад̇д̇аари н̃аан̣асад̇аани, ад̇т̇авасз багаран̣з’’д̇и.
Cattāri ñāṇasatāni, atthavase pakaraṇe’’ti.
ид̇и хи яам̣ вуд̇д̇ам̣, ид̣̇амзд̇ам̣ бадижжа вуд̇д̇анд̇и.
Iti hi yaṃ vuttaṃ, idametaṃ paṭicca vuttanti.
ид̇и саманд̇абаасаад̣̇игааяа винаяасам̣ван̣н̣анааяа
Iti samantapāsādikāya vinayasaṃvaṇṇanāya
махааваг̇г̇аван̣н̣анаа нидтид̇аа.
Mahāvaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi
аад̣̇имаж̇жханд̇абужчанам̣ • Ādimajjhantapucchanaṃ
ад̇т̇авасабагаран̣ам̣ • Atthavasapakaraṇaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇т̇авасабагаран̣аван̣н̣анаа • Atthavasapakaraṇavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
убосат̇аад̣̇ибужчаависсаж̇ж̇анааван̣н̣анаа • Uposathādipucchāvissajjanāvaṇṇanā
ад̇т̇авасабагаран̣аван̣н̣анаа • Atthavasapakaraṇavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убосат̇аад̣̇ибужчаависсаж̇ж̇анааван̣н̣анаа • Uposathādipucchāvissajjanāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
убосат̇аад̣̇ибужчаависсаж̇ж̇анаа • Uposathādipucchāvissajjanā
ад̇т̇авасабагаран̣аван̣н̣анаа • Atthavasapakaraṇavaṇṇanā
