| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
ад̇т̇авасабагаран̣аван̣н̣анаа
Atthavasapakaraṇavaṇṇanā
334. д̣̇аса ад̇т̇авасз бадижжаад̇и зд̇т̇а д̇асса д̇асса сигкаабад̣̇асса бан̃н̃аабанз г̇ун̣ависзсад̣̇ийбанад̇о, абан̃н̃аабанз аад̣̇ийнавад̣̇ассанад̇о жа сан̇гхасудтуд̇аа ход̇и. д̇ад̇т̇а яат̇аасамбхавам̣ логаваж̇ж̇асса абан̣н̣ад̇д̇исамбхавасса бан̃н̃аабанз баяог̇ависуд̣̇д̇хи г̇ун̣о. бан̣н̣ад̇д̇исамбхавасса бана сзкияасса логаваж̇ж̇асса бан̃н̃аабанз бадибад̇д̇ивисуд̣̇д̇хи г̇ун̣о, бан̣н̣ад̇д̇иваж̇ж̇асса аасаяависуд̣̇д̇хи г̇ун̣о аббижчаад̣̇иг̇ун̣ааваханад̇о, д̇знзвааха ‘‘субхарад̇ааяа субосад̇ааяа аббижчад̇ааяа аббижчасса ван̣н̣ам̣ бхаасид̇ваа’’д̇и. саман̣аажаарависуд̣̇д̇хи жасса г̇ун̣од̇и взд̣̇ид̇аб̣б̣ам̣. ат̇а ваа логаваж̇ж̇асса бан̃н̃аабанз сан̇гхасудтуд̇аа ход̇и баагадаад̣̇ийнавад̇о, бан̣н̣ад̇д̇иваж̇ж̇асса бан̃н̃аабанз сан̇гхапаасуд̇аа ход̇и баагадаанисам̣сад̇д̇аа. д̇ат̇аа батамзна д̣̇умман̇гуунам̣ ниг̇г̇ахо, д̣̇уд̇иязна бзсалаанам̣ паасувихааро, батамзна самбарааяигаанам̣ аасаваанам̣ бадигхаад̇о, д̣̇уд̇иязна д̣̇идтад̇хаммигаанам̣, д̇ат̇аа батамзна аббасаннаанам̣ басаад̣̇о, д̣̇уд̇иязна басаннаанам̣ бхияяобхааво, д̇ат̇аа батамзна сад̣̇д̇хаммадтид̇и, д̣̇уд̇иязна винаяаануг̇г̇ахо ход̇ийд̇и взд̣̇ид̇аб̣б̣о. баривааранаязна ваа батамзна баабижчаанам̣ бхигкуунам̣ багкубажчзд̣̇о, д̣̇уд̇иязна г̇ихийнам̣ анугамбаа ход̇и. вуд̇д̇ан̃хзд̇ам̣ ‘‘д̣̇вз ад̇т̇авасз бадижжа д̇ат̇ааг̇ад̇зна саавагаанам̣ сигкаабад̣̇ам̣ бан̃н̃ад̇д̇ам̣ г̇ихийнам̣ анугамбааяа баабижчаанам̣ багкубажчзд̣̇ааяаа’’д̇и (бари. 498). д̇ат̇аа д̣̇идтад̇хаммигасамбарааяигаанам̣ взраанам̣ важ̇ж̇аанам̣ агусалаанам̣ васзнаби яож̇анаа гаад̇аб̣б̣аа. вуд̇д̇ан̃хзд̇ам̣ ‘‘д̣̇вз ад̇т̇авасз…бз… бан̃н̃ад̇д̇ам̣ д̣̇идтад̇хаммигаанам̣ взраанам̣ самбарааяигаанам̣ взраанам̣ бадигхаад̇ааяаа’’д̇иаад̣̇и (бари. 498). абижзд̇т̇а саб̣б̣амби агад̇авин̃н̃ад̇д̇ибадисам̣яуд̇д̇ам̣, г̇ихийнам̣ бийл̣аабадисам̣яуд̇д̇ам̣, д̇зсам̣ басаад̣̇абхог̇агкаяарагкаабадисам̣яуд̇д̇ан̃жа г̇ихийнам̣ анугамбааяа бан̃н̃ад̇д̇ам̣ наама, гулад̣̇уусагаг̇ан̣абхож̇анаани баабижчаанам̣ багкубажчзд̣̇ааяа бан̃н̃ад̇д̇ам̣. саб̣б̣ам̣ логаваж̇ж̇ам̣ д̣̇идтад̇хаммигасамбарааяигавзраад̣̇ибадигхаад̇ааяа , маад̇уг̇аамзна сам̣вид̇хаанам̣ д̣̇идтад̇хаммигавзраад̣̇исам̣варааяа бан̃н̃ад̇д̇анд̇и взд̣̇ид̇аб̣б̣ам̣. абижзд̇т̇а аад̣̇ид̇о бадтааяа д̣̇асаад̇т̇авасабагаран̣амзва ниссааяа винижчаяо взд̣̇ид̇аб̣б̣о.
334.Dasa atthavase paṭiccāti ettha tassa tassa sikkhāpadassa paññāpane guṇavisesadīpanato, apaññāpane ādīnavadassanato ca saṅghasuṭṭhutā hoti. Tattha yathāsambhavaṃ lokavajjassa apaṇṇattisambhavassa paññāpane payogavisuddhi guṇo. Paṇṇattisambhavassa pana sekhiyassa lokavajjassa paññāpane paṭipattivisuddhi guṇo, paṇṇattivajjassa āsayavisuddhi guṇo appicchādiguṇāvahanato, tenevāha ‘‘subharatāya suposatāya appicchatāya appicchassa vaṇṇaṃ bhāsitvā’’ti. Samaṇācāravisuddhi cassa guṇoti veditabbaṃ. Atha vā lokavajjassa paññāpane saṅghasuṭṭhutā hoti pākaṭādīnavato, paṇṇattivajjassa paññāpane saṅghaphāsutā hoti pākaṭānisaṃsattā. Tathā paṭhamena dummaṅkūnaṃ niggaho, dutiyena pesalānaṃ phāsuvihāro, paṭhamena samparāyikānaṃ āsavānaṃ paṭighāto, dutiyena diṭṭhadhammikānaṃ, tathā paṭhamena appasannānaṃ pasādo, dutiyena pasannānaṃ bhiyyobhāvo, tathā paṭhamena saddhammaṭṭhiti, dutiyena vinayānuggaho hotīti veditabbo. Parivāranayena vā paṭhamena pāpicchānaṃ bhikkhūnaṃ pakkhupacchedo, dutiyena gihīnaṃ anukampā hoti. Vuttañhetaṃ ‘‘dve atthavase paṭicca tathāgatena sāvakānaṃ sikkhāpadaṃ paññattaṃ gihīnaṃ anukampāya pāpicchānaṃ pakkhupacchedāyā’’ti (pari. 498). Tathā diṭṭhadhammikasamparāyikānaṃ verānaṃ vajjānaṃ akusalānaṃ vasenapi yojanā kātabbā. Vuttañhetaṃ ‘‘dve atthavase…pe… paññattaṃ diṭṭhadhammikānaṃ verānaṃ samparāyikānaṃ verānaṃ paṭighātāyā’’tiādi (pari. 498). Apicettha sabbampi akataviññattipaṭisaṃyuttaṃ, gihīnaṃ pīḷāpaṭisaṃyuttaṃ, tesaṃ pasādabhogakkhayarakkhāpaṭisaṃyuttañca gihīnaṃ anukampāya paññattaṃ nāma, kuladūsakagaṇabhojanāni pāpicchānaṃ pakkhupacchedāya paññattaṃ. Sabbaṃ lokavajjaṃ diṭṭhadhammikasamparāyikaverādipaṭighātāya , mātugāmena saṃvidhānaṃ diṭṭhadhammikaverādisaṃvarāya paññattanti veditabbaṃ. Apicettha ādito paṭṭhāya dasaatthavasapakaraṇameva nissāya vinicchayo veditabbo.
вад̇т̇увийд̇иггамзна яам̣, зганд̇аагусалам̣ бхавз;
Vatthuvītikkamena yaṃ, ekantākusalaṃ bhave;
д̇ам̣ сан̇гхасудтубхаавааяа, бан̃н̃ад̇д̇ам̣ логаваж̇ж̇ад̇о.
Taṃ saṅghasuṭṭhubhāvāya, paññattaṃ lokavajjato.
баарааж̇игаад̣̇им̣,
Pārājikādiṃ,
бан̃н̃ад̇д̇иж̇аананзнзва, яад̇т̇аабад̇д̇и на ан̃н̃ат̇аа;
Paññattijānaneneva, yatthāpatti na aññathā;
д̇ам̣ д̇хаммадтид̇ияаа вааби, басаад̣̇уббаад̣̇аб̣уд̣̇д̇хияаа.
Taṃ dhammaṭṭhitiyā vāpi, pasāduppādabuddhiyā.
д̇хаммад̣̇зсанаабадисам̣яуд̇д̇ам̣ ид̇аран̃жа сзкияам̣, ид̣̇ам̣ бан̣н̣ад̇д̇исамбхавам̣ логаваж̇ж̇ам̣ наама. вад̇т̇уно, бан̃н̃ад̇д̇ияаа ваа вийд̇иггамажзд̇анааяаабхаавзби бадигкид̇д̇асса гаран̣з, гад̇д̇аб̣б̣асса агаран̣з ваа сад̇и яад̇т̇а аабад̇д̇и баход̇и, д̇ам̣ саб̣б̣ам̣ табзд̇ваа сураабаанам̣ бан̣н̣ад̇д̇иваж̇ж̇анд̇и взд̣̇ид̇аб̣б̣ам̣. д̇ад̇т̇а уггоданагз баажид̇д̇ияам̣, ‘‘яо бана бхигку д̇хаммигаанам̣ гаммаанам̣ чанд̣̇ам̣ д̣̇ад̇ваа бажчаа кийяанад̇хаммам̣ аабаж̇ж̇зяяа, баажид̇д̇ияам̣ (баажи. 475), яо бана бхигку сан̇гхз винижчаяагат̇ааяа вад̇д̇амаанааяа чанд̣̇ам̣ ад̣̇ад̇ваа удтааяаасанаа баггамзяяа, баажид̇д̇ияам̣ (баажи. 480), яо бана бхигку самаг̇г̇зна сан̇гхзна жийварам̣ д̣̇ад̇ваа бажчаа кийяанад̇хаммам̣ аабаж̇ж̇зяяа…бз… баажид̇д̇ияа’’нд̇и (баажи. 485) звамаад̣̇и сан̇гхапаасуд̇ааяа бан̃н̃ад̇д̇ам̣. ‘‘ан̃н̃аваад̣̇агз вихзсагз баажид̇д̇ияам̣ (баажи. 101), баарааж̇игаад̣̇ийхи ануд̣̇д̇хам̣санз сан̇гхаад̣̇исзсаад̣̇и жа д̣̇умман̇гуунам̣ ниг̇г̇ахааяа, анубакаж̇ж̇аниггад̣дханаубассууд̇исигкаабад̣̇аад̣̇и бзсалаанам̣ паасувихаарааяа, саб̣б̣ам̣ логаваж̇ж̇ам̣ д̣̇идтад̇хаммигасамбарааяигаанам̣ аасаваанам̣ бадигхаад̇ааяа, саб̣б̣ам̣ бан̣н̣ад̇д̇иваж̇ж̇ам̣ д̣̇идтад̇хаммигаанамзва сам̣варааяа. саб̣б̣ам̣ г̇ихибадисам̣яуд̇д̇ам̣ аббасаннаанам̣ ваа басаад̣̇ааяа басаннаанам̣ ваа бхияяобхаавааяа жа. висзсзна аридтасаман̣уд̣̇д̣̇зсасигкаабад̣̇ам̣, сааман̃н̃зна бажжаязсу марияаад̣̇абадисам̣яуд̇д̇ан̃жа сад̣̇д̇хаммадтид̇ияаа, ‘‘аббижчассааяам̣ д̇хаммо, нааяам̣ д̇хаммо махижчассаа’’д̇и (д̣̇ий. ни. 3.358; а. ни. 8.30) аад̣̇исуд̇д̇амзд̇т̇а саад̇хагам̣. ‘‘сигкаабад̣̇авиван̣н̣агз (баажи. 439) моханагз баажид̇д̇ияа’’нд̇иаад̣̇и (баажи. 444) винаяаануг̇г̇ахааяа бан̃н̃ад̇д̇анд̇и взд̣̇ид̇аб̣б̣ам̣. ‘‘бхууд̇аг̇аамабаад̇аб̣яад̇ааяа баажид̇д̇ияа’’нд̇и (баажи. 90) ид̣̇ам̣ гимад̇т̇анд̇и жз? аббасаннаанам̣ басаад̣̇ааяа, басаннаанам̣ бхияяобхаавааяа жа. гат̇ам̣?
Dhammadesanāpaṭisaṃyuttaṃ itarañca sekhiyaṃ, idaṃ paṇṇattisambhavaṃ lokavajjaṃ nāma. Vatthuno, paññattiyā vā vītikkamacetanāyābhāvepi paṭikkhittassa karaṇe, kattabbassa akaraṇe vā sati yattha āpatti pahoti, taṃ sabbaṃ ṭhapetvā surāpānaṃ paṇṇattivajjanti veditabbaṃ. Tattha ukkoṭanake pācittiyaṃ, ‘‘yo pana bhikkhu dhammikānaṃ kammānaṃ chandaṃ datvā pacchā khīyanadhammaṃ āpajjeyya, pācittiyaṃ (pāci. 475), yo pana bhikkhu saṅghe vinicchayakathāya vattamānāya chandaṃ adatvā uṭṭhāyāsanā pakkameyya, pācittiyaṃ (pāci. 480), yo pana bhikkhu samaggena saṅghena cīvaraṃ datvā pacchā khīyanadhammaṃ āpajjeyya…pe… pācittiya’’nti (pāci. 485) evamādi saṅghaphāsutāya paññattaṃ. ‘‘Aññavādake vihesake pācittiyaṃ (pāci. 101), pārājikādīhi anuddhaṃsane saṅghādisesādi ca dummaṅkūnaṃ niggahāya, anupakhajjanikkaḍḍhanaupassūtisikkhāpadādi pesalānaṃ phāsuvihārāya, sabbaṃ lokavajjaṃ diṭṭhadhammikasamparāyikānaṃ āsavānaṃ paṭighātāya, sabbaṃ paṇṇattivajjaṃ diṭṭhadhammikānameva saṃvarāya. Sabbaṃ gihipaṭisaṃyuttaṃ appasannānaṃ vā pasādāya pasannānaṃ vā bhiyyobhāvāya ca. Visesena ariṭṭhasamaṇuddesasikkhāpadaṃ, sāmaññena paccayesu mariyādapaṭisaṃyuttañca saddhammaṭṭhitiyā, ‘‘appicchassāyaṃ dhammo, nāyaṃ dhammo mahicchassā’’ti (dī. ni. 3.358; a. ni. 8.30) ādisuttamettha sādhakaṃ. ‘‘Sikkhāpadavivaṇṇake (pāci. 439) mohanake pācittiya’’ntiādi (pāci. 444) vinayānuggahāya paññattanti veditabbaṃ. ‘‘Bhūtagāmapātabyatāya pācittiya’’nti (pāci. 90) idaṃ kimatthanti ce? Appasannānaṃ pasādāya, pasannānaṃ bhiyyobhāvāya ca. Kathaṃ?
‘‘бхууд̇аг̇аамо саж̇ийвод̇и, авибаллад̇д̇ад̣̇идтино;
‘‘Bhūtagāmo sajīvoti, avipallattadiṭṭhino;
д̇асса гобанасан̃н̃ааяа, басаад̣̇о б̣уд̣̇д̇хасаавагз.
Tassa kopanasaññāya, pasādo buddhasāvake.
‘‘ниж̇ж̇ийвасан̃н̃ид̇ам̣бзд̇ам̣, агобзнд̇о гат̇ам̣ муни;
‘‘Nijjīvasaññitaṃpetaṃ, akopento kathaṃ muni;
ж̇ийвам̣ гобзяяа нид̣̇д̣̇осо, мажчамам̣саануж̇аананз.
Jīvaṃ kopeyya niddoso, macchamaṃsānujānane.
звамби –
Evampi –
‘‘д̇асса гобанасан̃н̃ааяа, басаад̣̇о б̣уд̣̇д̇хасаавагз;
‘‘Tassa kopanasaññāya, pasādo buddhasāvake;
яад̇о д̇ид̇т̇агараавимз, вирад̇аа бхууд̇аг̇аамад̇о;
Yato titthakarāvime, viratā bhūtagāmato;
логасса жид̇д̇арагкад̇т̇ам̣, д̇ад̇оби вирад̇о муний’’д̇и. –
Lokassa cittarakkhatthaṃ, tatopi virato munī’’ti. –
басаннаанам̣ бхияяобхааво ход̇и.
Pasannānaṃ bhiyyobhāvo hoti.
вивид̇д̇асзнаасанабхог̇ад̇ан̣хаавасзнаниж̇ж̇ийвамид̇аарагкам̣;
Vivittasenāsanabhogataṇhāvasenanijjīvamitārakkhaṃ;
б̣уд̣̇д̇хобхининнан̃жа виваж̇ж̇аяанд̇о;
Buddhobhininnañca vivajjayanto;
сигкаабад̣̇ам̣ д̇ад̇т̇а жа бан̃н̃абзси.
Sikkhāpadaṃ tattha ca paññapesi.
ниж̇ж̇ийвассааби мам̣сасса, каад̣̇анагам̣ яад̇им̣ бад̇и;
Nijjīvassāpi maṃsassa, khādanakaṃ yatiṃ pati;
нинд̣̇амаанам̣ ж̇анам̣ д̣̇исваа, бхууд̇аг̇аамам̣ барижжаж̇и.
Nindamānaṃ janaṃ disvā, bhūtagāmaṃ pariccaji.
д̇игодибарисуд̣̇д̇хад̇д̇аа, мажчамам̣саануж̇аананз;
Tikoṭiparisuddhattā, macchamaṃsānujānane;
бадижжа мам̣саануж̇аананам̣, гаммз д̣̇идтиббасан̇г̇абхаяаа.
Paṭicca maṃsānujānanaṃ, kamme diṭṭhippasaṅgabhayā.
абаригкагасса логасса, бараануд̣̇д̣̇аяад̇ааяа жа;
Aparikkhakassa lokassa, parānuddayatāya ca;
бхууд̇аг̇аамабаад̇аб̣яад̇ааяа, баан̣аад̇ибаад̇аббасан̇г̇абхаяаа.
Bhūtagāmapātabyatāya, pāṇātipātappasaṅgabhayā.
д̇ад̇т̇а барияааяаважанам̣ ануж̇аани бхаг̇аваа, уд̣̇д̣̇исса гад̇ам̣ бадигкиби барасса ваа баабаббасан̇г̇абхаязна. ид̇ха бана бхууд̇аг̇аамабаад̇аб̣яад̇ааяа баабаабхааван̃аабанад̇т̇ам̣ ад̇д̇уд̣̇д̣̇зсигам̣ вихаарам̣, гудин̃жа ануж̇аанийд̇и взд̣̇ид̇аб̣б̣ам̣. багирияанд̇и зд̇т̇а д̇з д̇з баяож̇анависзсасан̇каад̇аа ад̇т̇авасаад̇и ад̇т̇авасабагаран̣анд̇и.
Tattha pariyāyavacanaṃ anujāni bhagavā, uddissa kataṃ paṭikkhipi parassa vā pāpappasaṅgabhayena. Idha pana bhūtagāmapātabyatāya pāpābhāvañāpanatthaṃ attuddesikaṃ vihāraṃ, kuṭiñca anujānīti veditabbaṃ. Pakiriyanti ettha te te payojanavisesasaṅkhātā atthavasāti atthavasapakaraṇanti.
махааваг̇г̇аван̣н̣анаа нидтид̇аа.
Mahāvaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / ад̇т̇авасабагаран̣ам̣ • Atthavasapakaraṇaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / ад̇т̇авасабагаран̣ааван̣н̣анаа • Atthavasapakaraṇāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇т̇авасабагаран̣аван̣н̣анаа • Atthavasapakaraṇavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / ад̇т̇авасабагаран̣аван̣н̣анаа • Atthavasapakaraṇavaṇṇanā
