| Library / Tipiṭaka / ತಿಪಿಟಕ • Tipiṭaka / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā |
ಉಪೋಸಥಾದಿಪುಚ್ಛಾವಿಸ್ಸಜ್ಜನಾವಣ್ಣನಾ
Uposathādipucchāvissajjanāvaṇṇanā
೩೩೨. ‘‘ಸಙ್ಘಂ, ಭನ್ತೇ, ಪವಾರೇಮೀತಿಆದಿ ಪವಾರಣಾಕಥಾ ನಾಮಾ’’ತಿ ಗಣ್ಠಿಪದೇಸು ವುತ್ತಂ।
332. ‘‘Saṅghaṃ, bhante, pavāremītiādi pavāraṇākathā nāmā’’ti gaṇṭhipadesu vuttaṃ.
ಅತ್ಥವಸಪಕರಣವಣ್ಣನಾ
Atthavasapakaraṇavaṇṇanā
೩೩೪. ಪಠಮಪಾರಾಜಿಕವಣ್ಣನಾಯಮೇವ ವುತ್ತನ್ತಿ ‘‘ಸಙ್ಘಸುಟ್ಠುತಾಯಾ’’ತಿಆದೀನಂ ಅತ್ಥವಣ್ಣನಂ ಸನ್ಧಾಯ ವುತ್ತಂ। ದಸಕ್ಖತ್ತುಂ ಯೋಜನಾಯ ಪದಸತಂ ವುತ್ತನ್ತಿ ಏಕಮೂಲಕನಯೇ ದಸಕ್ಖತ್ತುಂ ಯೋಜನಾಯ ಕತಾಯ ಸಙ್ಖಲಿಕನಯೇ ವುತ್ತಪದೇಹಿ ಸದ್ಧಿಂ ಪದಸತಂ ವುತ್ತನ್ತಿ ಏವಮತ್ಥೋ ಗಹೇತಬ್ಬೋ। ಅಞ್ಞಥಾ ಏಕಮೂಲಕೇ ಏವ ನಯೇ ನ ಸಕ್ಕಾ ಪದಸತಂ ಲದ್ಧುಂ। ಏಕಮೂಲಕನಯೇಹಿ ಪುರಿಮಪಚ್ಛಿಮಪದಾನಿ ಏಕತೋ ಕತ್ವಾ ಏಕೇಕಸ್ಮಿಂ ವಾರೇ ನವ ನವ ಪದಾನಿ ವುತ್ತಾನೀತಿ ದಸಕ್ಖತ್ತುಂ ಯೋಜನಾಯ ನವುತಿ ಪದಾನಿಯೇವ ಲಬ್ಭನ್ತಿ। ತಸ್ಮಾ ತಾನಿ ನವುತಿ ಪದಾನಿ ಸಙ್ಖಲಿಕನಯೇ ಬದ್ಧಚಕ್ಕವಸೇನ ಯೋಜಿತೇ ದಸ ಪದಾನಿ ಲಬ್ಭನ್ತೀತಿ ತೇಹಿ ಸದ್ಧಿಂ ಪದಸತನ್ತಿ ಸಕ್ಕಾ ವತ್ತುಂ। ಇತೋ ಅಞ್ಞಥಾ ಪನ ಉಭೋಸುಪಿ ನಯೇಸು ವಿಸುಂ ವಿಸುಂ ಅತ್ಥಸತಂ ಧಮ್ಮಸತಞ್ಚ ಯಥಾ ಲಬ್ಭತಿ, ತಥಾ ಪಠಮಪಾರಾಜಿಕಸಂವಣ್ಣನಾಯಮೇವ ಅಮ್ಹೇಹಿ ದಸ್ಸಿತಂ, ತಂ ತತ್ಥ ವುತ್ತನಯೇನೇವ ಗಹೇತಬ್ಬಂ। ಪುರಿಮಪಚ್ಛಿಮಪದಾನಿ ಏಕತ್ತೇನ ಗಹೇತ್ವಾ ‘‘ಪದಸತ’’ನ್ತಿ ವುತ್ತತ್ತಾ ‘‘ತತ್ಥ ಪಚ್ಛಿಮಸ್ಸ ಪಚ್ಛಿಮಸ್ಸ ಪದಸ್ಸ ವಸೇನ ಅತ್ಥಸತಂ, ಪುರಿಮಸ್ಸ ಪುರಿಮಸ್ಸ ವಸೇನ ಧಮ್ಮಸತ’’ನ್ತಿ ವುತ್ತಂ। ತಸ್ಮಿಂ ಪದಸತೇ ‘‘ಸಙ್ಘಸುಟ್ಠೂ’’ತಿಆದಿನಾ ವುತ್ತಪುರಿಮಪದಾನಂ ವಸೇನ ಧಮ್ಮಸತಂ, ‘‘ಸಙ್ಘಫಾಸೂ’’ತಿಆದಿನಾ ವುತ್ತಪಚ್ಛಿಮಪದಾನಂ ವಸೇನ ಅತ್ಥಸತನ್ತಿ ಅಧಿಪ್ಪಾಯೋ।
334.Paṭhamapārājikavaṇṇanāyameva vuttanti ‘‘saṅghasuṭṭhutāyā’’tiādīnaṃ atthavaṇṇanaṃ sandhāya vuttaṃ. Dasakkhattuṃ yojanāya padasataṃ vuttanti ekamūlakanaye dasakkhattuṃ yojanāya katāya saṅkhalikanaye vuttapadehi saddhiṃ padasataṃ vuttanti evamattho gahetabbo. Aññathā ekamūlake eva naye na sakkā padasataṃ laddhuṃ. Ekamūlakanayehi purimapacchimapadāni ekato katvā ekekasmiṃ vāre nava nava padāni vuttānīti dasakkhattuṃ yojanāya navuti padāniyeva labbhanti. Tasmā tāni navuti padāni saṅkhalikanaye baddhacakkavasena yojite dasa padāni labbhantīti tehi saddhiṃ padasatanti sakkā vattuṃ. Ito aññathā pana ubhosupi nayesu visuṃ visuṃ atthasataṃ dhammasatañca yathā labbhati, tathā paṭhamapārājikasaṃvaṇṇanāyameva amhehi dassitaṃ, taṃ tattha vuttanayeneva gahetabbaṃ. Purimapacchimapadāni ekattena gahetvā ‘‘padasata’’nti vuttattā ‘‘tattha pacchimassa pacchimassa padassa vasena atthasataṃ, purimassa purimassa vasena dhammasata’’nti vuttaṃ. Tasmiṃ padasate ‘‘saṅghasuṭṭhū’’tiādinā vuttapurimapadānaṃ vasena dhammasataṃ, ‘‘saṅghaphāsū’’tiādinā vuttapacchimapadānaṃ vasena atthasatanti adhippāyo.
ಮಹಾವಗ್ಗವಣ್ಣನಾ ನಿಟ್ಠಿತಾ।
Mahāvaggavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi
ಆದಿಮಜ್ಝನ್ತಪುಚ್ಛನಂ • Ādimajjhantapucchanaṃ
ಅತ್ಥವಸಪಕರಣಂ • Atthavasapakaraṇaṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಅತ್ಥವಸಪಕರಣಾವಣ್ಣನಾ • Atthavasapakaraṇāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā
ಉಪೋಸಥಾದಿಪುಚ್ಛಾವಿಸ್ಸಜ್ಜನಾವಣ್ಣನಾ • Uposathādipucchāvissajjanāvaṇṇanā
ಅತ್ಥವಸಪಕರಣವಣ್ಣನಾ • Atthavasapakaraṇavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಉಪೋಸಥಾದಿಪುಚ್ಛಾವಿಸ್ಸಜ್ಜನಾವಣ್ಣನಾ • Uposathādipucchāvissajjanāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi
ಉಪೋಸಥಾದಿಪುಚ್ಛಾವಿಸ್ಸಜ್ಜನಾ • Uposathādipucchāvissajjanā
ಅತ್ಥವಸಪಕರಣವಣ್ಣನಾ • Atthavasapakaraṇavaṇṇanā
