| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਅਤ੍ਥવਸਪਕਰਣવਣ੍ਣਨਾ
Atthavasapakaraṇavaṇṇanā
੩੩੪. ਅਤ੍ਥવਸਪਕਰਣੇਤਿ ਅવਯવਿਆਧਾਰੋ। ਦਸ ਅਤ੍ਥવਸੇਤਿਆਦੀਸੂਤਿ ਅવਯવਾਧਾਰੋ। ਯਨ੍ਤਿ વਚਨਂ। ਉਪਰਿਮਂ ਉਪਰਿਮਂ ਪਦਨ੍ਤਿ ‘‘ਸਙ੍ਘਫਾਸੁਤਾਯਾ’’ਤਿਆਦਿਕਂ ਉਤ੍ਤਰੁਤ੍ਤਰਿ વੁਤ੍ਤਂ ਪਦਂ। ਹੇਟ੍ਠਿਮਸ੍ਸ ਹੇਟ੍ਠਿਮਸ੍ਸ ਪਦਸ੍ਸਾਤਿ ‘‘ਸਙ੍ਘਸੁਟ੍ਠੁਤਾਯਾ’’ਤਿਆਦਿਕਸ੍ਸ ਅਧੋ ਅਧੋ વੁਤ੍ਤਸ੍ਸ ਪਦਸ੍ਸ।
334.Atthavasapakaraṇeti avayaviādhāro. Dasa atthavasetiādīsūti avayavādhāro. Yanti vacanaṃ. Uparimaṃ uparimaṃ padanti ‘‘saṅghaphāsutāyā’’tiādikaṃ uttaruttari vuttaṃ padaṃ. Heṭṭhimassa heṭṭhimassa padassāti ‘‘saṅghasuṭṭhutāyā’’tiādikassa adho adho vuttassa padassa.
ਯਦੇਤਂ ਪਦਸਤਂ વੁਤ੍ਤਨ੍ਤਿ ਯੋਜਨਾ। ਤਤ੍ਥਾਤਿ ਤਸ੍ਮਿਂ ਪਦਸਤੇ, ਨਿਦ੍ਧਾਰਣੇ ਭੁਮ੍ਮਂ, ਅਤ੍ਥਸਤਨ੍ਤਿ ਅਭਿਧੇਯ੍ਯਸਤਂ। ਧਮ੍ਮਸਤਨ੍ਤਿਅਭਿਧਾਨਸਤਂ, ਪਾਲ਼ਿਸਤਨ੍ਤਿ ਅਤ੍ਥੋ। ‘‘ਅਤ੍ਥਸਤਂ ਧਮ੍ਮਸਤ’’ਨ੍ਤਿ ਪਦਾਨਂ ਅਤ੍ਥਨ੍ਤਰવਿਕਪ੍ਪਂ ਦਸ੍ਸੇਨ੍ਤੋ ਆਹ ‘‘ਅਥ વਾ’’ਤਿਆਦਿ। ਤਤ੍ਥ ਯੇ ਦਸ ਅਤ੍ਥવਸੇ ਪਟਿਚ੍ਚ ਪਞ੍ਞਤ੍ਤਂ, ਤੇਸਂ ਦਸਅਤ੍ਥવਸਾਨਨ੍ਤਿ ਯੋਜਨਾ, ਯੇ ਦਸ ਅਤ੍ਥવਸੇ ਪੁਬ੍ਬੇ વਣ੍ਣਿਤਾ, ਤੇਸਂ ਦਸਅਤ੍ਥવਸਾਨਨ੍ਤਿ ਯੋਜਨਾ। ਪਠਮਪਾਰਾਜਿਕવਣ੍ਣਨਾਯਂ (ਪਾਰਾ॰ ਅਟ੍ਠ॰ ੧.੩੯) વਣ੍ਣਿਤਾਤਿ ਸਮ੍ਬਨ੍ਧੋ। ਤਤ੍ਥਾਤਿ ‘‘ਸਙ੍ਘਸੁਟ੍ਠੁਤਾਯਾ’’ਤਿਆਦਿਪਾਠੇ। ਸੁਟ੍ਠੁ ਦੇવਾਤਿ ਸੁਟ੍ਠੁ ਮਹਾਰਾਜ। ਹਿ ਯਸ੍ਮਾ ਆਣਾਬਲਭੋਗਬਲਇਸ੍ਸਰਿਯਬਲੇਹਿ ਦਿਬ੍ਬਤਿ, ਤਸ੍ਮਾ ਦੇવੋਤਿ વੁਚ੍ਚਤਿ। ਯੋ ਚਾਤਿ ਗਹਟ੍ਠੋ વਾ ਪਬ੍ਬਜਿਤੋ વਾ, ਸਮ੍ਪਟਿਚ੍ਛਤੀਤਿ ਸਮ੍ਬਨ੍ਧੋ। ਤਸ੍ਮਾਤਿ ਯਸ੍ਮਾ ਹਿਤਾਯ ਸੁਖਾਯ ਹੋਤਿ, ਤਸ੍ਮਾ। ਆਨਿਸਂਸਂ ਦਸ੍ਸੇਤ੍વਾ ਪਞ੍ਞਪੇਸ੍ਸਾਮੀਤਿ ਸਮ੍ਬਨ੍ਧੋ। ਅਭਿਭવਿਤ੍વਾ ਨ ਪਞ੍ਞਪੇਸ੍ਸਾਮੀਤਿ ਯੋਜਨਾ। ਇਧਾਤਿ ਅਤ੍ਥવਸਪਕਰਣੇ। ਤਦਤ੍ਥਜੋਤਕਾਨਨ੍ਤਿ ਸੋਯੇવ ਅਤ੍ਥੋ ਤਦਤ੍ਥੋ, ਤਸ੍ਸ ਜੋਤਕਾ ਤਦਤ੍ਥਜੋਤਕਾ, ਤੇਸਂ। ਇਦਾਨਿ વੇਦਿਤਬ੍ਬਾਨੀਤਿ ਸਮ੍ਬਨ੍ਧੋ। ਅਤ੍ਥਂ ਜੋਤੇਨ੍ਤੀਤਿ ਅਤ੍ਥਜੋਤਕਾ, ਸਦ੍ਦਾ। ਨੀਹਰਿਤ੍વਾ, ਨਿਯਮੇਤ੍વਾ વਾ ਅਤ੍ਥੋ વੁਚ੍ਚਤੇ ਇਮਾਹਿ ਸਦ੍ਦਪਞ੍ਞਤ੍ਤੀਹੀਤਿ ਨਿਰੁਤ੍ਤਿਯੋ।
Yadetaṃ padasataṃ vuttanti yojanā. Tatthāti tasmiṃ padasate, niddhāraṇe bhummaṃ, atthasatanti abhidheyyasataṃ. Dhammasatantiabhidhānasataṃ, pāḷisatanti attho. ‘‘Atthasataṃ dhammasata’’nti padānaṃ atthantaravikappaṃ dassento āha ‘‘atha vā’’tiādi. Tattha ye dasa atthavase paṭicca paññattaṃ, tesaṃ dasaatthavasānanti yojanā, ye dasa atthavase pubbe vaṇṇitā, tesaṃ dasaatthavasānanti yojanā. Paṭhamapārājikavaṇṇanāyaṃ (pārā. aṭṭha. 1.39) vaṇṇitāti sambandho. Tatthāti ‘‘saṅghasuṭṭhutāyā’’tiādipāṭhe. Suṭṭhu devāti suṭṭhu mahārāja. Hi yasmā āṇābalabhogabalaissariyabalehi dibbati, tasmā devoti vuccati. Yo cāti gahaṭṭho vā pabbajito vā, sampaṭicchatīti sambandho. Tasmāti yasmā hitāya sukhāya hoti, tasmā. Ānisaṃsaṃ dassetvā paññapessāmīti sambandho. Abhibhavitvā na paññapessāmīti yojanā. Idhāti atthavasapakaraṇe. Tadatthajotakānanti soyeva attho tadattho, tassa jotakā tadatthajotakā, tesaṃ. Idāni veditabbānīti sambandho. Atthaṃ jotentīti atthajotakā, saddā. Nīharitvā, niyametvā vā attho vuccate imāhi saddapaññattīhīti niruttiyo.
ਅਤ੍ਥਸਤਨ੍ਤਿ ਗਾਥਾਯਂ ਅਤ੍ਥવਸੇ ਪਕਰਣੇ ਅਤ੍ਥਸਤਂ વੇਦਿਤਬ੍ਬਨ੍ਤਿਆਦਿਨਾ ਯੋਜਨਾ ਕਾਤਬ੍ਬਾ। ਇਤਿ ਹੀਤਿ ਇਤਿ ਏવ। ਹਿਸਦ੍ਦੋ ਹਿ ਏવਸਦ੍ਦਤ੍ਥੋ। ਇਦਨ੍ਤਿ ‘‘ਅਤ੍ਥਸਤ’’ਨ੍ਤਿਆਦਿવਚਨਂ, વੁਤ੍ਤਨ੍ਤਿ ਸਮ੍ਬਨ੍ਧੋ। ਏਤਨ੍ਤਿ ਯਥਾવੁਤ੍ਤਂ ਅਤ੍ਥਂ ਪਟਿਚ੍ਚਾਤਿ ਸਮ੍ਬਨ੍ਧੋ।
Atthasatanti gāthāyaṃ atthavase pakaraṇe atthasataṃ veditabbantiādinā yojanā kātabbā. Iti hīti iti eva. Hisaddo hi evasaddattho. Idanti ‘‘atthasata’’ntiādivacanaṃ, vuttanti sambandho. Etanti yathāvuttaṃ atthaṃ paṭiccāti sambandho.
ਇਤਿ ਸਮਨ੍ਤਪਾਸਾਦਿਕਾਯ વਿਨਯਸਂવਣ੍ਣਨਾਯ
Iti samantapāsādikāya vinayasaṃvaṇṇanāya
ਮਹਾવਗ੍ਗવਣ੍ਣਨਾਯ
Mahāvaggavaṇṇanāya
ਯੋਜਨਾ ਸਮਤ੍ਤਾ।
Yojanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ਅਤ੍ਥવਸਪਕਰਣਂ • Atthavasapakaraṇaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਅਤ੍ਥવਸਪਕਰਣਾવਣ੍ਣਨਾ • Atthavasapakaraṇāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਤ੍ਥવਸਪਕਰਣવਣ੍ਣਨਾ • Atthavasapakaraṇavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਤ੍ਥવਸਪਕਰਣવਣ੍ਣਨਾ • Atthavasapakaraṇavaṇṇanā
