| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೩. ಅತ್ಥವಸಸುತ್ತಂ
3. Atthavasasuttaṃ
೪೩. ‘‘ತಯೋ , ಭಿಕ್ಖವೇ, ಅತ್ಥವಸೇ ಸಮ್ಪಸ್ಸಮಾನೇನ ಅಲಮೇವ ಪರೇಸಂ ಧಮ್ಮಂ ದೇಸೇತುಂ। ಕತಮೇ ತಯೋ? ಯೋ ಧಮ್ಮಂ ದೇಸೇತಿ ಸೋ ಅತ್ಥಪ್ಪಟಿಸಂವೇದೀ ಚ ಹೋತಿ ಧಮ್ಮಪ್ಪಟಿಸಂವೇದೀ ಚ। ಯೋ ಧಮ್ಮಂ ಸುಣಾತಿ ಸೋ ಅತ್ಥಪ್ಪಟಿಸಂವೇದೀ ಚ ಹೋತಿ ಧಮ್ಮಪ್ಪಟಿಸಂವೇದೀ ಚ। ಯೋ ಚೇವ ಧಮ್ಮಂ ದೇಸೇತಿ ಯೋ ಚ ಧಮ್ಮಂ ಸುಣಾತಿ ಉಭೋ ಅತ್ಥಪ್ಪಟಿಸಂವೇದಿನೋ ಚ ಹೋನ್ತಿ ಧಮ್ಮಪ್ಪಟಿಸಂವೇದಿನೋ ಚ। ಇಮೇ ಖೋ, ಭಿಕ್ಖವೇ, ತಯೋ ಅತ್ಥವಸೇ ಸಮ್ಪಸ್ಸಮಾನೇನ ಅಲಮೇವ ಪರೇಸಂ ಧಮ್ಮಂ ದೇಸೇತು’’ನ್ತಿ। ತತಿಯಂ।
43. ‘‘Tayo , bhikkhave, atthavase sampassamānena alameva paresaṃ dhammaṃ desetuṃ. Katame tayo? Yo dhammaṃ deseti so atthappaṭisaṃvedī ca hoti dhammappaṭisaṃvedī ca. Yo dhammaṃ suṇāti so atthappaṭisaṃvedī ca hoti dhammappaṭisaṃvedī ca. Yo ceva dhammaṃ deseti yo ca dhammaṃ suṇāti ubho atthappaṭisaṃvedino ca honti dhammappaṭisaṃvedino ca. Ime kho, bhikkhave, tayo atthavase sampassamānena alameva paresaṃ dhammaṃ desetu’’nti. Tatiyaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೩. ಅತ್ಥವಸಸುತ್ತವಣ್ಣನಾ • 3. Atthavasasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೩. ಅತ್ಥವಸಸುತ್ತವಣ್ಣನಾ • 3. Atthavasasuttavaṇṇanā
