| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
३. अत्थवससुत्तवण्णना
3. Atthavasasuttavaṇṇanā
४३. ततिये अत्थो नाम फलं, तं एतस्स वसोति अत्थवसो। हेतु, अत्थो एतस्स अत्थीति अत्थो, सो एवाति आह ‘‘तयो अत्थे तीणि कारणानी’’ति। धम्मदेसना नाम उक्कट्ठनिद्देसेन चतुन्नं अरियसच्चानं पकासनाति आह ‘‘चतुसच्चधम्मं पकासेती’’ति। अट्ठकथं ञाणेन पटिसंवेदीति पाळिपदानं अत्थं विवरणञाणेन पटि पटि संवेदनसीलो ‘‘अयं इमस्स भासितस्स अत्थो’’ति। एतेन अत्थपटिसम्भिदाब्यापारमाह। पाळिधम्मं पटिसंवेदीति पाळिगतिं पाळिं पदविवरणं पटि पटि संवेदनसीलो। एतेन धम्मपटिसम्भिदाब्यापारमाह।
43. Tatiye attho nāma phalaṃ, taṃ etassa vasoti atthavaso. Hetu, attho etassa atthīti attho, so evāti āha ‘‘tayo atthe tīṇi kāraṇānī’’ti. Dhammadesanā nāma ukkaṭṭhaniddesena catunnaṃ ariyasaccānaṃ pakāsanāti āha ‘‘catusaccadhammaṃ pakāsetī’’ti. Aṭṭhakathaṃ ñāṇena paṭisaṃvedīti pāḷipadānaṃ atthaṃ vivaraṇañāṇena paṭi paṭi saṃvedanasīlo ‘‘ayaṃ imassa bhāsitassa attho’’ti. Etena atthapaṭisambhidābyāpāramāha. Pāḷidhammaṃ paṭisaṃvedīti pāḷigatiṃ pāḷiṃ padavivaraṇaṃ paṭi paṭi saṃvedanasīlo. Etena dhammapaṭisambhidābyāpāramāha.
अत्थवससुत्तवण्णना निट्ठिता।
Atthavasasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ३. अत्थवससुत्तं • 3. Atthavasasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ३. अत्थवससुत्तवण्णना • 3. Atthavasasuttavaṇṇanā
