| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๓. อตฺถวสสุตฺตวณฺณนา
3. Atthavasasuttavaṇṇanā
๔๓. ตติเย อโตฺถ นาม ผลํ, ตํ เอตสฺส วโสติ อตฺถวโสฯ เหตุ, อโตฺถ เอตสฺส อตฺถีติ อโตฺถ, โส เอวาติ อาห ‘‘ตโย อเตฺถ ตีณิ การณานี’’ติฯ ธมฺมเทสนา นาม อุกฺกฎฺฐนิเทฺทเสน จตุนฺนํ อริยสจฺจานํ ปกาสนาติ อาห ‘‘จตุสจฺจธมฺมํ ปกาเสตี’’ติฯ อฎฺฐกถํ ญาเณน ปฎิสํเวทีติ ปาฬิปทานํ อตฺถํ วิวรณญาเณน ปฎิ ปฎิ สํเวทนสีโล ‘‘อยํ อิมสฺส ภาสิตสฺส อโตฺถ’’ติฯ เอเตน อตฺถปฎิสมฺภิทาพฺยาปารมาหฯ ปาฬิธมฺมํ ปฎิสํเวทีติ ปาฬิคติํ ปาฬิํ ปทวิวรณํ ปฎิ ปฎิ สํเวทนสีโลฯ เอเตน ธมฺมปฎิสมฺภิทาพฺยาปารมาหฯ
43. Tatiye attho nāma phalaṃ, taṃ etassa vasoti atthavaso. Hetu, attho etassa atthīti attho, so evāti āha ‘‘tayo atthe tīṇi kāraṇānī’’ti. Dhammadesanā nāma ukkaṭṭhaniddesena catunnaṃ ariyasaccānaṃ pakāsanāti āha ‘‘catusaccadhammaṃ pakāsetī’’ti. Aṭṭhakathaṃ ñāṇena paṭisaṃvedīti pāḷipadānaṃ atthaṃ vivaraṇañāṇena paṭi paṭi saṃvedanasīlo ‘‘ayaṃ imassa bhāsitassa attho’’ti. Etena atthapaṭisambhidābyāpāramāha. Pāḷidhammaṃ paṭisaṃvedīti pāḷigatiṃ pāḷiṃ padavivaraṇaṃ paṭi paṭi saṃvedanasīlo. Etena dhammapaṭisambhidābyāpāramāha.
อตฺถวสสุตฺตวณฺณนา นิฎฺฐิตาฯ
Atthavasasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๓. อตฺถวสสุตฺตํ • 3. Atthavasasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๓. อตฺถวสสุตฺตวณฺณนา • 3. Atthavasasuttavaṇṇanā
