| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၃. အတ္ထဝသသုတ္တဝဏ္ဏနာ
3. Atthavasasuttavaṇṇanā
၄၃. တတိယေ အတ္ထော နာမ ဖလံ, တံ ဧတသ္သ ဝသောတိ အတ္ထဝသော။ ဟေတု, အတ္ထော ဧတသ္သ အတ္ထီတိ အတ္ထော, သော ဧဝာတိ အာဟ ‘‘တယော အတ္ထေ တီဏိ ကာရဏာနီ’’တိ။ ဓမ္မဒေသနာ နာမ ဥက္ကဋ္ဌနိဒ္ဒေသေန စတုန္နံ အရိယသစ္စာနံ ပကာသနာတိ အာဟ ‘‘စတုသစ္စဓမ္မံ ပကာသေတီ’’တိ။ အဋ္ဌကထံ ဉာဏေန ပဋိသံဝေဒီတိ ပာဠိပဒာနံ အတ္ထံ ဝိဝရဏဉာဏေန ပဋိ ပဋိ သံဝေဒနသီလော ‘‘အယံ ဣမသ္သ ဘာသိတသ္သ အတ္ထော’’တိ။ ဧတေန အတ္ထပဋိသမ္ဘိဒာဗ္ယာပာရမာဟ။ ပာဠိဓမ္မံ ပဋိသံဝေဒီတိ ပာဠိဂတိံ ပာဠိံ ပဒဝိဝရဏံ ပဋိ ပဋိ သံဝေဒနသီလော။ ဧတေန ဓမ္မပဋိသမ္ဘိဒာဗ္ယာပာရမာဟ။
43. Tatiye attho nāma phalaṃ, taṃ etassa vasoti atthavaso. Hetu, attho etassa atthīti attho, so evāti āha ‘‘tayo atthe tīṇi kāraṇānī’’ti. Dhammadesanā nāma ukkaṭṭhaniddesena catunnaṃ ariyasaccānaṃ pakāsanāti āha ‘‘catusaccadhammaṃ pakāsetī’’ti. Aṭṭhakathaṃ ñāṇena paṭisaṃvedīti pāḷipadānaṃ atthaṃ vivaraṇañāṇena paṭi paṭi saṃvedanasīlo ‘‘ayaṃ imassa bhāsitassa attho’’ti. Etena atthapaṭisambhidābyāpāramāha. Pāḷidhammaṃ paṭisaṃvedīti pāḷigatiṃ pāḷiṃ padavivaraṇaṃ paṭi paṭi saṃvedanasīlo. Etena dhammapaṭisambhidābyāpāramāha.
အတ္ထဝသသုတ္တဝဏ္ဏနာ နိဋ္ဌိတာ။
Atthavasasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၃. အတ္ထဝသသုတ္တံ • 3. Atthavasasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၃. အတ္ထဝသသုတ္တဝဏ္ဏနာ • 3. Atthavasasuttavaṇṇanā
