| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
অত্থৰসৰগ্গাদিৰণ্ণনা
Atthavasavaggādivaṇṇanā
৪৯৮. ৰিপাকদুক্খসঙ্খাতানং সম্পরাযিকৰেরানন্তি এত্থ পাণাতিপাতাদিৰেরেন নিব্বত্তত্তা, ৰেরপ্পত্তিযা হেতুত্তা চ ‘‘ৰিপাকদুক্খৰেদনা’’তি ৰুত্তা। পাণাতিপাতাদিপঞ্চৰেরৰিনিমুত্তানম্পি অকুসলানং ৰেরেহি সহ একতো সঙ্গণ্হনত্থং ‘‘দসঅকুসলকম্মপথপ্পভেদান’’ন্তি পুন ৰুত্তং।
498.Vipākadukkhasaṅkhātānaṃsamparāyikaverānanti ettha pāṇātipātādiverena nibbattattā, verappattiyā hetuttā ca ‘‘vipākadukkhavedanā’’ti vuttā. Pāṇātipātādipañcaveravinimuttānampi akusalānaṃ verehi saha ekato saṅgaṇhanatthaṃ ‘‘dasaakusalakammapathappabhedāna’’nti puna vuttaṃ.
৪৯৯-৫০০. তং কম্মন্তি তজ্জনীযাদিকম্মমেৰ, সত্তা আপত্তিক্খন্ধা পঞ্ঞত্তং নামাতি সম্বন্ধো। অন্তরা কেনচি অপঞ্ঞত্তে সিক্খাপদেতি ইমস্মিং কপ্পে আদিতো পট্ঠায যাৰ অম্হাকং ভগৰতো অভিসম্বোধি, তাৰ অন্তরাকালে ককুসন্ধাদিং ঠপেত্ৰা কেনচি অপঞ্ঞত্তে সিক্খাপদেতি অত্থো। ৰিনীতকথা সিক্খাপদন্তি ৰিনীতৰত্থূনি এৰ। তানি হি তংতংসিক্খাকোট্ঠাসানং পকাসনতো ‘‘সিক্খাপদ’’ন্তি চ আপত্তিঅনাপত্তীনং অনুপঞ্ঞাপনতো ‘‘অনুপঞ্ঞত্ত’’ন্তি চ ৰুচ্চন্তি।
499-500.Taṃkammanti tajjanīyādikammameva, sattā āpattikkhandhā paññattaṃ nāmāti sambandho. Antarā kenaci apaññatte sikkhāpadeti imasmiṃ kappe ādito paṭṭhāya yāva amhākaṃ bhagavato abhisambodhi, tāva antarākāle kakusandhādiṃ ṭhapetvā kenaci apaññatte sikkhāpadeti attho. Vinītakathā sikkhāpadanti vinītavatthūni eva. Tāni hi taṃtaṃsikkhākoṭṭhāsānaṃ pakāsanato ‘‘sikkhāpada’’nti ca āpattianāpattīnaṃ anupaññāpanato ‘‘anupaññatta’’nti ca vuccanti.
অত্থৰসৰগ্গাদিৰণ্ণনা নিট্ঠিতা।
Atthavasavaggādivaṇṇanā niṭṭhitā.
সঙ্গহৰগ্গৰণ্ণনানযো নিট্ঠিতো।
Saṅgahavaggavaṇṇanānayo niṭṭhito.
ইতি মহাৰগ্গো, পঞ্ঞত্তিৰগ্গো, সঙ্গহৰগ্গোতি তীহি মহাৰগ্গেহি পটিমণ্ডিতো পরিৰারোতি ৰেদিতব্বো।
Iti mahāvaggo, paññattivaggo, saṅgahavaggoti tīhi mahāvaggehi paṭimaṇḍito parivāroti veditabbo.
ইতি সমন্তপাসাদিকায ৰিনযট্ঠকথায ৰিমতিৰিনোদনিযং
Iti samantapāsādikāya vinayaṭṭhakathāya vimativinodaniyaṃ
পরিৰারৰণ্ণনানযো নিট্ঠিতো।
Parivāravaṇṇanānayo niṭṭhito.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi
২. অত্থৰসৰগ্গো • 2. Atthavasavaggo
৩. পঞ্ঞত্তৰগ্গো • 3. Paññattavaggo
৪. অপঞ্ঞত্তে পঞ্ঞত্তৰগ্গো • 4. Apaññatte paññattavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā / অত্থৰসৰগ্গাদিৰণ্ণনা • Atthavasavaggādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / অপঞ্ঞত্তে পঞ্ঞত্তৰগ্গৰণ্ণনা • Apaññatte paññattavaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / অপঞ্ঞত্তেপঞ্ঞত্তৰগ্গৰণ্ণনা • Apaññattepaññattavaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / অত্থৰসৰগ্গাদিৰণ্ণনা • Atthavasavaggādivaṇṇanā
