| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
ад̇т̇авасаваг̇г̇аад̣̇иван̣н̣анаа
Atthavasavaggādivaṇṇanā
498. ид̣̇аани яаани д̇аани д̇зсам̣ гаммаанам̣ вад̇т̇убхууд̇аани сигкаабад̣̇аани, д̇зсам̣ бан̃н̃ад̇д̇ияам̣ аанисам̣сам̣ д̣̇ассзд̇ум̣ ‘‘д̣̇вз ад̇т̇авасз бадижжаа’’д̇иаад̣̇и аарад̣̇д̇хам̣. д̇ад̇т̇а д̣̇идтад̇хаммигаанам̣ взраанам̣ сам̣варааяаад̇и баан̣аад̇ибаад̇аад̣̇ийнам̣ бан̃жаннам̣ д̣̇идтад̇хаммигавзраанам̣ сам̣варад̇т̇ааяа бид̣̇аханад̇т̇ааяа. самбарааяигаанам̣ взраанам̣ бадигхаад̇ааяаад̇и вибаагад̣̇угкасан̇каад̇аанам̣ самбарааяигавзраанам̣ бадигхаад̇ад̇т̇ааяа, самужчзд̣̇анад̇т̇ааяа ануббаж̇ж̇анад̇т̇ааяа. д̣̇идтад̇хаммигаанам̣ важ̇ж̇аанам̣ сам̣варааяаад̇и д̇зсам̣язва бан̃жаннам̣ взраанам̣ сам̣варад̇т̇ааяа. самбарааяигаанам̣ важ̇ж̇аананд̇и д̇зсам̣язва вибаагад̣̇угкаанам̣. вибаагад̣̇угкаанзва хи ид̇ха важ̇ж̇анийяабхаавад̇о важ̇ж̇аанийд̇и вуд̇д̇аани. д̣̇идтад̇хаммигаанам̣ бхаяаананд̇и г̇арахаа убаваад̣̇о д̇аж̇ж̇анийяаад̣̇ийни гаммаани убосат̇абавааран̣аанам̣ табанам̣ агид̇д̇ибагаасанийяагамманд̇и зд̇аани д̣̇идтад̇хаммигабхаяаани наама, зд̇зсам̣ сам̣варад̇т̇ааяа. самбарааяигабхаяаани бана вибаагад̣̇угкааниязва , д̇зсам̣ бадигхаад̇ад̇т̇ааяа. д̣̇идтад̇хаммигаанам̣ агусалаананд̇и бан̃жавзрад̣̇асаагусалагаммабат̇аббабхзд̣̇аанам̣ агусалаанам̣ сам̣варад̇т̇ааяа. вибаагад̣̇угкаанзва бана агкамадтзна самбарааяигаагусалаанийд̇и вужжанд̇и, д̇зсам̣ бадигхаад̇ад̇т̇ааяа. г̇ихийнам̣ анугамбааяаад̇и аг̇ааригаанам̣ сад̣̇д̇хаарагкан̣авасзна анугамбанад̇т̇ааяа. баабижчаанам̣ багкубажчзд̣̇ааяаад̇и баабижчабуг̇г̇алаанам̣ г̇ан̣аб̣анд̇хабхзд̣̇анад̇т̇ааяа г̇ан̣абхож̇анасигкаабад̣̇ам̣ бан̃н̃ад̇д̇ам̣. сзсам̣ саб̣б̣ад̇т̇а уд̇д̇аанамзва. яан̃хзд̇т̇а вад̇д̇аб̣б̣ам̣ сияаа, д̇ам̣ саб̣б̣ам̣ батамабаарааж̇игаван̣н̣анааяамзва вуд̇д̇анд̇и.
498. Idāni yāni tāni tesaṃ kammānaṃ vatthubhūtāni sikkhāpadāni, tesaṃ paññattiyaṃ ānisaṃsaṃ dassetuṃ ‘‘dve atthavase paṭiccā’’tiādi āraddhaṃ. Tattha diṭṭhadhammikānaṃ verānaṃ saṃvarāyāti pāṇātipātādīnaṃ pañcannaṃ diṭṭhadhammikaverānaṃ saṃvaratthāya pidahanatthāya. Samparāyikānaṃ verānaṃ paṭighātāyāti vipākadukkhasaṅkhātānaṃ samparāyikaverānaṃ paṭighātatthāya, samucchedanatthāya anuppajjanatthāya. Diṭṭhadhammikānaṃ vajjānaṃ saṃvarāyāti tesaṃyeva pañcannaṃ verānaṃ saṃvaratthāya. Samparāyikānaṃ vajjānanti tesaṃyeva vipākadukkhānaṃ. Vipākadukkhāneva hi idha vajjanīyabhāvato vajjānīti vuttāni. Diṭṭhadhammikānaṃ bhayānanti garahā upavādo tajjanīyādīni kammāni uposathapavāraṇānaṃ ṭhapanaṃ akittipakāsanīyakammanti etāni diṭṭhadhammikabhayāni nāma, etesaṃ saṃvaratthāya. Samparāyikabhayāni pana vipākadukkhāniyeva , tesaṃ paṭighātatthāya. Diṭṭhadhammikānaṃ akusalānanti pañcaveradasaakusalakammapathappabhedānaṃ akusalānaṃ saṃvaratthāya. Vipākadukkhāneva pana akkhamaṭṭhena samparāyikaakusalānīti vuccanti, tesaṃ paṭighātatthāya. Gihīnaṃ anukampāyāti agārikānaṃ saddhārakkhaṇavasena anukampanatthāya. Pāpicchānaṃ pakkhupacchedāyāti pāpicchapuggalānaṃ gaṇabandhabhedanatthāya gaṇabhojanasikkhāpadaṃ paññattaṃ. Sesaṃ sabbattha uttānameva. Yañhettha vattabbaṃ siyā, taṃ sabbaṃ paṭhamapārājikavaṇṇanāyameva vuttanti.
сигкаабад̣̇зсу ад̇т̇авасзна ван̣н̣анаа нидтид̇аа.
Sikkhāpadesu atthavasena vaṇṇanā niṭṭhitā.
499. баад̇имогкаад̣̇ийсу баад̇имогкуд̣̇д̣̇зсод̇и бхигкуунам̣ бан̃жавид̇хо бхигкунийнам̣ жад̇уб̣б̣ид̇хо. бариваасад̣̇аанаад̣̇ийсу осааран̣ийяам̣ бан̃н̃ад̇д̇анд̇и адтаарасасу ваа д̇зжад̇д̇аалийсааяа ваа вад̇д̇зсу вад̇д̇амаанасса осааран̣ийяам̣ бан̃н̃ад̇д̇ам̣. язна гаммзна осаарийяад̇и, д̇ам̣ гаммам̣ бан̃н̃ад̇д̇анд̇и ад̇т̇о. ниссааран̣ийяам̣ бан̃н̃ад̇д̇анд̇и бхан̣д̣анагаарагаад̣̇аяо язна гаммзна ниссаарийяанд̇и, д̇ам̣ гаммам̣ бан̃н̃ад̇д̇анд̇и ад̇т̇о.
499. Pātimokkhādīsu pātimokkhuddesoti bhikkhūnaṃ pañcavidho bhikkhunīnaṃ catubbidho. Parivāsadānādīsu osāraṇīyaṃ paññattanti aṭṭhārasasu vā tecattālīsāya vā vattesu vattamānassa osāraṇīyaṃ paññattaṃ. Yena kammena osārīyati, taṃ kammaṃ paññattanti attho. Nissāraṇīyaṃ paññattanti bhaṇḍanakārakādayo yena kammena nissārīyanti, taṃ kammaṃ paññattanti attho.
500. абан̃н̃ад̇д̇зд̇иаад̣̇ийсу абан̃н̃ад̇д̇з бан̃н̃ад̇д̇анд̇и сад̇д̇аабад̇д̇игканд̇хаа гагусанд̇хан̃жа саммаасамб̣уд̣̇д̇хам̣ гон̣ааг̇аманан̃жа гассабан̃жа саммаасамб̣уд̣̇д̇хам̣ табзд̇ваа анд̇араа гзнажи абан̃н̃ад̇д̇з сигкаабад̣̇з бан̃н̃ад̇д̇ам̣ наама. маггадивад̇т̇уаад̣̇ивинийд̇агат̇аа сигкаабад̣̇з бан̃н̃ад̇д̇з анубан̃н̃ад̇д̇ам̣ наама. сзсам̣ саб̣б̣ад̇т̇а уд̇д̇аанамзваад̇и.
500. Apaññattetiādīsu apaññatte paññattanti sattāpattikkhandhā kakusandhañca sammāsambuddhaṃ koṇāgamanañca kassapañca sammāsambuddhaṃ ṭhapetvā antarā kenaci apaññatte sikkhāpade paññattaṃ nāma. Makkaṭivatthuādivinītakathā sikkhāpade paññatte anupaññattaṃ nāma. Sesaṃ sabbattha uttānamevāti.
аанисам̣саваг̇г̇аван̣н̣анаа нидтид̇аа.
Ānisaṃsavaggavaṇṇanā niṭṭhitā.
501. ид̣̇аани саб̣б̣асигкаабад̣̇аанам̣ згзгзна аагаарзна навад̇хаа сан̇г̇ахам̣ д̣̇ассзд̇ум̣ ‘‘нава сан̇г̇ахаа’’д̇иаад̣̇имааха. д̇ад̇т̇а вад̇т̇усан̇г̇аход̇и вад̇т̇унаа сан̇г̇ахо. звам̣ сзсзсуби бад̣̇ад̇т̇о взд̣̇ид̇аб̣б̣о. аяам̣ банзд̇т̇а ад̇т̇аяож̇анаа – яасмаа хи згасигкаабад̣̇амби авад̇т̇усмим̣ бан̃н̃ад̇д̇ам̣ над̇т̇и, д̇асмаа саб̣б̣аани вад̇т̇унаа сан̇г̇ахид̇аанийд̇и звам̣ д̇аава вад̇т̇усан̇г̇ахо взд̣̇ид̇аб̣б̣о.
501. Idāni sabbasikkhāpadānaṃ ekekena ākārena navadhā saṅgahaṃ dassetuṃ ‘‘nava saṅgahā’’tiādimāha. Tattha vatthusaṅgahoti vatthunā saṅgaho. Evaṃ sesesupi padattho veditabbo. Ayaṃ panettha atthayojanā – yasmā hi ekasikkhāpadampi avatthusmiṃ paññattaṃ natthi, tasmā sabbāni vatthunā saṅgahitānīti evaṃ tāva vatthusaṅgaho veditabbo.
яасмаа бана д̣̇вз аабад̇д̇игканд̇хаа сийлавибад̇д̇ияаа сан̇г̇ахид̇аа, бан̃жаабад̇д̇игканд̇хаа аажааравибад̇д̇ияаа, ча сигкаабад̣̇аани ааж̇ийвавибад̇д̇ияаа сан̇г̇ахид̇аани, д̇асмаа саб̣б̣ааниби вибад̇д̇ияаа сан̇г̇ахид̇аанийд̇и звам̣ вибад̇д̇исан̇г̇ахо взд̣̇ид̇аб̣б̣о.
Yasmā pana dve āpattikkhandhā sīlavipattiyā saṅgahitā, pañcāpattikkhandhā ācāravipattiyā, cha sikkhāpadāni ājīvavipattiyā saṅgahitāni, tasmā sabbānipi vipattiyā saṅgahitānīti evaṃ vipattisaṅgaho veditabbo.
яасмаа бана сад̇д̇ахаабад̇д̇ийхи муд̇д̇ам̣ згасигкаабад̣̇амби над̇т̇и, д̇асмаа саб̣б̣аани аабад̇д̇ияаа сан̇г̇ахид̇аанийд̇и звам̣ аабад̇д̇исан̇г̇ахо взд̣̇ид̇аб̣б̣о.
Yasmā pana sattahāpattīhi muttaṃ ekasikkhāpadampi natthi, tasmā sabbāni āpattiyā saṅgahitānīti evaṃ āpattisaṅgaho veditabbo.
саб̣б̣аани жа сад̇д̇асу наг̇арзсу бан̃н̃ад̇д̇аанийд̇и нид̣̇аанзна сан̇г̇ахид̇аанийд̇и звам̣ нид̣̇аанасан̇г̇ахо взд̣̇ид̇аб̣б̣о.
Sabbāni ca sattasu nagaresu paññattānīti nidānena saṅgahitānīti evaṃ nidānasaṅgaho veditabbo.
яасмаа бана згасигкаабад̣̇амби аж̇жхаажааригабуг̇г̇алз асад̇и бан̃н̃ад̇д̇ам̣ над̇т̇и, д̇асмаа саб̣б̣аани буг̇г̇алзна сан̇г̇ахид̇аанийд̇и звам̣ буг̇г̇аласан̇г̇ахо взд̣̇ид̇аб̣б̣о.
Yasmā pana ekasikkhāpadampi ajjhācārikapuggale asati paññattaṃ natthi, tasmā sabbāni puggalena saṅgahitānīti evaṃ puggalasaṅgaho veditabbo.
саб̣б̣аани бана бан̃жахи жзва сад̇д̇ахи жа аабад̇д̇игканд̇хзхи сан̇г̇ахид̇аани, саб̣б̣аани на винаа чахи самудтаанзхи самудтанд̇ийд̇и самудтаанзна сан̇г̇ахид̇аани. саб̣б̣аани жа жад̇уусу ад̇хигаран̣зсу аабад̇д̇аад̇хигаран̣зна сан̇г̇ахид̇аани. саб̣б̣аани сад̇д̇ахи самат̇зхи самат̇ам̣ г̇ажчанд̇ийд̇и самат̇зхи сан̇г̇ахид̇аани. звамзд̇т̇а канд̇хасамудтаанаад̇хигаран̣асамат̇асан̇г̇ахааби взд̣̇ид̇аб̣б̣аа. сзсам̣ буб̣б̣з вуд̇д̇анаяамзваад̇и.
Sabbāni pana pañcahi ceva sattahi ca āpattikkhandhehi saṅgahitāni, sabbāni na vinā chahi samuṭṭhānehi samuṭṭhantīti samuṭṭhānena saṅgahitāni. Sabbāni ca catūsu adhikaraṇesu āpattādhikaraṇena saṅgahitāni. Sabbāni sattahi samathehi samathaṃ gacchantīti samathehi saṅgahitāni. Evamettha khandhasamuṭṭhānaadhikaraṇasamathasaṅgahāpi veditabbā. Sesaṃ pubbe vuttanayamevāti.
саманд̇абаасаад̣̇игааяа винаяасам̣ван̣н̣анааяа
Samantapāsādikāya vinayasaṃvaṇṇanāya
навасан̇г̇ахид̇аваг̇г̇аван̣н̣анаа нидтид̇аа.
Navasaṅgahitavaggavaṇṇanā niṭṭhitā.
нидтид̇аа жа бариваарасса ануд̇д̇аанад̇т̇абад̣̇аван̣н̣анаад̇и.
Niṭṭhitā ca parivārassa anuttānatthapadavaṇṇanāti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi
2. ад̇т̇авасаваг̇г̇о • 2. Atthavasavaggo
3. бан̃н̃ад̇д̇аваг̇г̇о • 3. Paññattavaggo
4. абан̃н̃ад̇д̇з бан̃н̃ад̇д̇аваг̇г̇о • 4. Apaññatte paññattavaggo
5. навасан̇г̇ахаваг̇г̇о • 5. Navasaṅgahavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / абан̃н̃ад̇д̇з бан̃н̃ад̇д̇аваг̇г̇аван̣н̣анаа • Apaññatte paññattavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / абан̃н̃ад̇д̇збан̃н̃ад̇д̇аваг̇г̇аван̣н̣анаа • Apaññattepaññattavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇т̇авасаваг̇г̇аад̣̇иван̣н̣анаа • Atthavasavaggādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / ад̇т̇авасаваг̇г̇аад̣̇иван̣н̣анаа • Atthavasavaggādivaṇṇanā
