| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
अत्थवसवग्गादिवण्णना
Atthavasavaggādivaṇṇanā
४९८. विपाकदुक्खसङ्खातानं सम्परायिकवेरानन्ति एत्थ पाणातिपातादिवेरेन निब्बत्तत्ता, वेरप्पत्तिया हेतुत्ता च ‘‘विपाकदुक्खवेदना’’ति वुत्ता। पाणातिपातादिपञ्चवेरविनिमुत्तानम्पि अकुसलानं वेरेहि सह एकतो सङ्गण्हनत्थं ‘‘दसअकुसलकम्मपथप्पभेदान’’न्ति पुन वुत्तं।
498.Vipākadukkhasaṅkhātānaṃsamparāyikaverānanti ettha pāṇātipātādiverena nibbattattā, verappattiyā hetuttā ca ‘‘vipākadukkhavedanā’’ti vuttā. Pāṇātipātādipañcaveravinimuttānampi akusalānaṃ verehi saha ekato saṅgaṇhanatthaṃ ‘‘dasaakusalakammapathappabhedāna’’nti puna vuttaṃ.
४९९-५००. तं कम्मन्ति तज्जनीयादिकम्ममेव, सत्ता आपत्तिक्खन्धा पञ्ञत्तं नामाति सम्बन्धो। अन्तरा केनचि अपञ्ञत्ते सिक्खापदेति इमस्मिं कप्पे आदितो पट्ठाय याव अम्हाकं भगवतो अभिसम्बोधि, ताव अन्तराकाले ककुसन्धादिं ठपेत्वा केनचि अपञ्ञत्ते सिक्खापदेति अत्थो। विनीतकथा सिक्खापदन्ति विनीतवत्थूनि एव। तानि हि तंतंसिक्खाकोट्ठासानं पकासनतो ‘‘सिक्खापद’’न्ति च आपत्तिअनापत्तीनं अनुपञ्ञापनतो ‘‘अनुपञ्ञत्त’’न्ति च वुच्चन्ति।
499-500.Taṃkammanti tajjanīyādikammameva, sattā āpattikkhandhā paññattaṃ nāmāti sambandho. Antarā kenaci apaññatte sikkhāpadeti imasmiṃ kappe ādito paṭṭhāya yāva amhākaṃ bhagavato abhisambodhi, tāva antarākāle kakusandhādiṃ ṭhapetvā kenaci apaññatte sikkhāpadeti attho. Vinītakathā sikkhāpadanti vinītavatthūni eva. Tāni hi taṃtaṃsikkhākoṭṭhāsānaṃ pakāsanato ‘‘sikkhāpada’’nti ca āpattianāpattīnaṃ anupaññāpanato ‘‘anupaññatta’’nti ca vuccanti.
अत्थवसवग्गादिवण्णना निट्ठिता।
Atthavasavaggādivaṇṇanā niṭṭhitā.
सङ्गहवग्गवण्णनानयो निट्ठितो।
Saṅgahavaggavaṇṇanānayo niṭṭhito.
इति महावग्गो, पञ्ञत्तिवग्गो, सङ्गहवग्गोति तीहि महावग्गेहि पटिमण्डितो परिवारोति वेदितब्बो।
Iti mahāvaggo, paññattivaggo, saṅgahavaggoti tīhi mahāvaggehi paṭimaṇḍito parivāroti veditabbo.
इति समन्तपासादिकाय विनयट्ठकथाय विमतिविनोदनियं
Iti samantapāsādikāya vinayaṭṭhakathāya vimativinodaniyaṃ
परिवारवण्णनानयो निट्ठितो।
Parivāravaṇṇanānayo niṭṭhito.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi
२. अत्थवसवग्गो • 2. Atthavasavaggo
३. पञ्ञत्तवग्गो • 3. Paññattavaggo
४. अपञ्ञत्ते पञ्ञत्तवग्गो • 4. Apaññatte paññattavaggo
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā / अत्थवसवग्गादिवण्णना • Atthavasavaggādivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / अपञ्ञत्ते पञ्ञत्तवग्गवण्णना • Apaññatte paññattavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / अपञ्ञत्तेपञ्ञत्तवग्गवण्णना • Apaññattepaññattavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / अत्थवसवग्गादिवण्णना • Atthavasavaggādivaṇṇanā
