| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
អត្ថវសវគ្គាទិវណ្ណនា
Atthavasavaggādivaṇṇanā
៤៩៨. វិបាកទុក្ខសង្ខាតានំ សម្បរាយិកវេរានន្តិ ឯត្ថ បាណាតិបាតាទិវេរេន និព្ពត្តត្តា, វេរប្បត្តិយា ហេតុត្តា ច ‘‘វិបាកទុក្ខវេទនា’’តិ វុត្តា។ បាណាតិបាតាទិបញ្ចវេរវិនិមុត្តានម្បិ អកុសលានំ វេរេហិ សហ ឯកតោ សង្គណ្ហនត្ថំ ‘‘ទសអកុសលកម្មបថប្បភេទាន’’ន្តិ បុន វុត្តំ។
498.Vipākadukkhasaṅkhātānaṃsamparāyikaverānanti ettha pāṇātipātādiverena nibbattattā, verappattiyā hetuttā ca ‘‘vipākadukkhavedanā’’ti vuttā. Pāṇātipātādipañcaveravinimuttānampi akusalānaṃ verehi saha ekato saṅgaṇhanatthaṃ ‘‘dasaakusalakammapathappabhedāna’’nti puna vuttaṃ.
៤៩៩-៥០០. តំ កម្មន្តិ តជ្ជនីយាទិកម្មមេវ, សត្តា អាបត្តិក្ខន្ធា បញ្ញត្តំ នាមាតិ សម្ពន្ធោ។ អន្តរា កេនចិ អបញ្ញត្តេ សិក្ខាបទេតិ ឥមស្មិំ កប្បេ អាទិតោ បដ្ឋាយ យាវ អម្ហាកំ ភគវតោ អភិសម្ពោធិ, តាវ អន្តរាកាលេ កកុសន្ធាទិំ ឋបេត្វា កេនចិ អបញ្ញត្តេ សិក្ខាបទេតិ អត្ថោ។ វិនីតកថា សិក្ខាបទន្តិ វិនីតវត្ថូនិ ឯវ។ តានិ ហិ តំតំសិក្ខាកោដ្ឋាសានំ បកាសនតោ ‘‘សិក្ខាបទ’’ន្តិ ច អាបត្តិអនាបត្តីនំ អនុបញ្ញាបនតោ ‘‘អនុបញ្ញត្ត’’ន្តិ ច វុច្ចន្តិ។
499-500.Taṃkammanti tajjanīyādikammameva, sattā āpattikkhandhā paññattaṃ nāmāti sambandho. Antarā kenaci apaññatte sikkhāpadeti imasmiṃ kappe ādito paṭṭhāya yāva amhākaṃ bhagavato abhisambodhi, tāva antarākāle kakusandhādiṃ ṭhapetvā kenaci apaññatte sikkhāpadeti attho. Vinītakathā sikkhāpadanti vinītavatthūni eva. Tāni hi taṃtaṃsikkhākoṭṭhāsānaṃ pakāsanato ‘‘sikkhāpada’’nti ca āpattianāpattīnaṃ anupaññāpanato ‘‘anupaññatta’’nti ca vuccanti.
អត្ថវសវគ្គាទិវណ្ណនា និដ្ឋិតា។
Atthavasavaggādivaṇṇanā niṭṭhitā.
សង្គហវគ្គវណ្ណនានយោ និដ្ឋិតោ។
Saṅgahavaggavaṇṇanānayo niṭṭhito.
ឥតិ មហាវគ្គោ, បញ្ញត្តិវគ្គោ, សង្គហវគ្គោតិ តីហិ មហាវគ្គេហិ បដិមណ្ឌិតោ បរិវារោតិ វេទិតព្ពោ។
Iti mahāvaggo, paññattivaggo, saṅgahavaggoti tīhi mahāvaggehi paṭimaṇḍito parivāroti veditabbo.
ឥតិ សមន្តបាសាទិកាយ វិនយដ្ឋកថាយ វិមតិវិនោទនិយំ
Iti samantapāsādikāya vinayaṭṭhakathāya vimativinodaniyaṃ
បរិវារវណ្ណនានយោ និដ្ឋិតោ។
Parivāravaṇṇanānayo niṭṭhito.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
២. អត្ថវសវគ្គោ • 2. Atthavasavaggo
៣. បញ្ញត្តវគ្គោ • 3. Paññattavaggo
៤. អបញ្ញត្តេ បញ្ញត្តវគ្គោ • 4. Apaññatte paññattavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / អត្ថវសវគ្គាទិវណ្ណនា • Atthavasavaggādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / អបញ្ញត្តេ បញ្ញត្តវគ្គវណ្ណនា • Apaññatte paññattavaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / អបញ្ញត្តេបញ្ញត្តវគ្គវណ្ណនា • Apaññattepaññattavaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / អត្ថវសវគ្គាទិវណ្ណនា • Atthavasavaggādivaṇṇanā
