| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
အတ္ထဝသဝဂ္ဂာဒိဝဏ္ဏနာ
Atthavasavaggādivaṇṇanā
၄၉၈. ဝိပာကဒုက္ခသင္ခာတာနံ သမ္ပရာယိကဝေရာနန္တိ ဧတ္ထ ပာဏာတိပာတာဒိဝေရေန နိဗ္ဗတ္တတ္တာ, ဝေရပ္ပတ္တိယာ ဟေတုတ္တာ စ ‘‘ဝိပာကဒုက္ခဝေဒနာ’’တိ ဝုတ္တာ။ ပာဏာတိပာတာဒိပဉ္စဝေရဝိနိမုတ္တာနမ္ပိ အကုသလာနံ ဝေရေဟိ သဟ ဧကတော သင္ဂဏ္ဟနတ္ထံ ‘‘ဒသအကုသလကမ္မပထပ္ပဘေဒာန’’န္တိ ပုန ဝုတ္တံ။
498.Vipākadukkhasaṅkhātānaṃsamparāyikaverānanti ettha pāṇātipātādiverena nibbattattā, verappattiyā hetuttā ca ‘‘vipākadukkhavedanā’’ti vuttā. Pāṇātipātādipañcaveravinimuttānampi akusalānaṃ verehi saha ekato saṅgaṇhanatthaṃ ‘‘dasaakusalakammapathappabhedāna’’nti puna vuttaṃ.
၄၉၉-၅၀၀. တံ ကမ္မန္တိ တဇ္ဇနီယာဒိကမ္မမေဝ, သတ္တာ အာပတ္တိက္ခန္ဓာ ပညတ္တံ နာမာတိ သမ္ဗန္ဓော။ အန္တရာ ကေနစိ အပညတ္တေ သိက္ခာပဒေတိ ဣမသ္မိံ ကပ္ပေ အာဒိတော ပဋ္ဌာယ ယာဝ အမ္ဟာကံ ဘဂဝတော အဘိသမ္ဗောဓိ, တာဝ အန္တရာကာလေ ကကုသန္ဓာဒိံ ဌပေတ္ဝာ ကေနစိ အပညတ္တေ သိက္ခာပဒေတိ အတ္ထော။ ဝိနီတကထာ သိက္ခာပဒန္တိ ဝိနီတဝတ္ထူနိ ဧဝ။ တာနိ ဟိ တံတံသိက္ခာကောဋ္ဌာသာနံ ပကာသနတော ‘‘သိက္ခာပဒ’’န္တိ စ အာပတ္တိအနာပတ္တီနံ အနုပညာပနတော ‘‘အနုပညတ္တ’’န္တိ စ ဝုစ္စန္တိ။
499-500.Taṃkammanti tajjanīyādikammameva, sattā āpattikkhandhā paññattaṃ nāmāti sambandho. Antarā kenaci apaññatte sikkhāpadeti imasmiṃ kappe ādito paṭṭhāya yāva amhākaṃ bhagavato abhisambodhi, tāva antarākāle kakusandhādiṃ ṭhapetvā kenaci apaññatte sikkhāpadeti attho. Vinītakathā sikkhāpadanti vinītavatthūni eva. Tāni hi taṃtaṃsikkhākoṭṭhāsānaṃ pakāsanato ‘‘sikkhāpada’’nti ca āpattianāpattīnaṃ anupaññāpanato ‘‘anupaññatta’’nti ca vuccanti.
အတ္ထဝသဝဂ္ဂာဒိဝဏ္ဏနာ နိဋ္ဌိတာ။
Atthavasavaggādivaṇṇanā niṭṭhitā.
သင္ဂဟဝဂ္ဂဝဏ္ဏနာနယော နိဋ္ဌိတော။
Saṅgahavaggavaṇṇanānayo niṭṭhito.
ဣတိ မဟာဝဂ္ဂော, ပညတ္တိဝဂ္ဂော, သင္ဂဟဝဂ္ဂောတိ တီဟိ မဟာဝဂ္ဂေဟိ ပဋိမဏ္ဍိတော ပရိဝာရောတိ ဝေဒိတဗ္ဗော။
Iti mahāvaggo, paññattivaggo, saṅgahavaggoti tīhi mahāvaggehi paṭimaṇḍito parivāroti veditabbo.
ဣတိ သမန္တပာသာဒိကာယ ဝိနယဋ္ဌကထာယ ဝိမတိဝိနောဒနိယံ
Iti samantapāsādikāya vinayaṭṭhakathāya vimativinodaniyaṃ
ပရိဝာရဝဏ္ဏနာနယော နိဋ္ဌိတော။
Parivāravaṇṇanānayo niṭṭhito.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi
၂. အတ္ထဝသဝဂ္ဂော • 2. Atthavasavaggo
၃. ပညတ္တဝဂ္ဂော • 3. Paññattavaggo
၄. အပညတ္တေ ပညတ္တဝဂ္ဂော • 4. Apaññatte paññattavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / အတ္ထဝသဝဂ္ဂာဒိဝဏ္ဏနာ • Atthavasavaggādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / အပညတ္တေ ပညတ္တဝဂ္ဂဝဏ္ဏနာ • Apaññatte paññattavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အပညတ္တေပညတ္တဝဂ္ဂဝဏ္ဏနာ • Apaññattepaññattavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / အတ္ထဝသဝဂ္ဂာဒိဝဏ္ဏနာ • Atthavasavaggādivaṇṇanā
