| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
අත්‌ථවසවග්‌ගාදිවණ්‌ණනා
Atthavasavaggādivaṇṇanā
498. විපාකදුක්‌ඛසඞ්‌ඛාතානං සම්‌පරායිකවෙරානන්‌ති එත්‌ථ පාණාතිපාතාදිවෙරෙන නිබ්‌බත්‌තත්‌තා, වෙරප්‌පත්‌තියා හෙතුත්‌තා ච ‘‘විපාකදුක්‌ඛවෙදනා’’ති වුත්‌තා. පාණාතිපාතාදිපඤ්‌චවෙරවිනිමුත්‌තානම්‌පි අකුසලානං වෙරෙහි සහ එකතො සඞ්‌ගණ්‌හනත්‌ථං ‘‘දසඅකුසලකම්‌මපථප්‌පභෙදාන’’න්‌ති පුන වුත්‌තං.
498.Vipākadukkhasaṅkhātānaṃsamparāyikaverānanti ettha pāṇātipātādiverena nibbattattā, verappattiyā hetuttā ca ‘‘vipākadukkhavedanā’’ti vuttā. Pāṇātipātādipañcaveravinimuttānampi akusalānaṃ verehi saha ekato saṅgaṇhanatthaṃ ‘‘dasaakusalakammapathappabhedāna’’nti puna vuttaṃ.
499-500. තං කම්‌මන්‌ති තජ්‌ජනීයාදිකම්‌මමෙව, සත්‌තා ආපත්‌තික්‌ඛන්‌ධා පඤ්‌ඤත්‌තං නාමාති සම්‌බන්‌ධො. අන්‌තරා කෙනචි අපඤ්‌ඤත්‌තෙ සික්‌ඛාපදෙති ඉමස්‌මිං කප්‌පෙ ආදිතො පට්‌ඨාය යාව අම්‌හාකං භගවතො අභිසම්‌බොධි, තාව අන්‌තරාකාලෙ කකුසන්‌ධාදිං ඨපෙත්‌වා කෙනචි අපඤ්‌ඤත්‌තෙ සික්‌ඛාපදෙති අත්‌ථො. විනීතකථා සික්‌ඛාපදන්‌ති විනීතවත්‌ථූනි එව. තානි හි තංතංසික්‌ඛාකොට්‌ඨාසානං පකාසනතො ‘‘සික්‌ඛාපද’’න්‌ති ච ආපත්‌තිඅනාපත්‌තීනං අනුපඤ්‌ඤාපනතො ‘‘අනුපඤ්‌ඤත්‌ත’’න්‌ති ච වුච්‌චන්‌ති.
499-500.Taṃkammanti tajjanīyādikammameva, sattā āpattikkhandhā paññattaṃ nāmāti sambandho. Antarā kenaci apaññatte sikkhāpadeti imasmiṃ kappe ādito paṭṭhāya yāva amhākaṃ bhagavato abhisambodhi, tāva antarākāle kakusandhādiṃ ṭhapetvā kenaci apaññatte sikkhāpadeti attho. Vinītakathā sikkhāpadanti vinītavatthūni eva. Tāni hi taṃtaṃsikkhākoṭṭhāsānaṃ pakāsanato ‘‘sikkhāpada’’nti ca āpattianāpattīnaṃ anupaññāpanato ‘‘anupaññatta’’nti ca vuccanti.
අත්‌ථවසවග්‌ගාදිවණ්‌ණනා නිට්‌ඨිතා.
Atthavasavaggādivaṇṇanā niṭṭhitā.
සඞ්‌ගහවග්‌ගවණ්‌ණනානයො නිට්‌ඨිතො.
Saṅgahavaggavaṇṇanānayo niṭṭhito.
ඉති මහාවග්‌ගො, පඤ්‌ඤත්‌තිවග්‌ගො, සඞ්‌ගහවග්‌ගොති තීහි මහාවග්‌ගෙහි පටිමණ්‌ඩිතො පරිවාරොති වෙදිතබ්‌බො.
Iti mahāvaggo, paññattivaggo, saṅgahavaggoti tīhi mahāvaggehi paṭimaṇḍito parivāroti veditabbo.
ඉති සමන්‌තපාසාදිකාය විනයට්‌ඨකථාය විමතිවිනොදනියං
Iti samantapāsādikāya vinayaṭṭhakathāya vimativinodaniyaṃ
පරිවාරවණ්‌ණනානයො නිට්‌ඨිතො.
Parivāravaṇṇanānayo niṭṭhito.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi
2. අත්‌ථවසවග්‌ගො • 2. Atthavasavaggo
3. පඤ්‌ඤත්‌තවග්‌ගො • 3. Paññattavaggo
4. අපඤ්‌ඤත්‌තෙ පඤ්‌ඤත්‌තවග්‌ගො • 4. Apaññatte paññattavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā / අත්‌ථවසවග්‌ගාදිවණ්‌ණනා • Atthavasavaggādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / අපඤ්‌ඤත්‌තෙ පඤ්‌ඤත්‌තවග්‌ගවණ්‌ණනා • Apaññatte paññattavaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අපඤ්‌ඤත්‌තෙපඤ්‌ඤත්‌තවග්‌ගවණ්‌ණනා • Apaññattepaññattavaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / අත්‌ථවසවග්‌ගාදිවණ්‌ණනා • Atthavasavaggādivaṇṇanā
