| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
৪. অট্ঠৰত্থুকসিক্খাপদৰণ্ণনা
4. Aṭṭhavatthukasikkhāpadavaṇṇanā
৬৭৫. চতুত্থে লোকস্সাদসঙ্খাতং মিত্তেহি অঞ্ঞমঞ্ঞং কাতব্বং সন্থৰং। ৰুত্তমেৰত্থং পরিযাযন্তরেন দস্সেতুং ‘‘কাযসংসগ্গরাগেনা’’তি ৰুত্তং।
675. Catutthe lokassādasaṅkhātaṃ mittehi aññamaññaṃ kātabbaṃ santhavaṃ. Vuttamevatthaṃ pariyāyantarena dassetuṃ ‘‘kāyasaṃsaggarāgenā’’ti vuttaṃ.
তিস্সিত্থিযো মেথুনং তং ন সেৰেতি যা তিস্সো ইত্থিযো, তাসু ৰুত্তং তং মেথুনং ন সেৰেয্য। অনরিযপণ্ডকেতি তযো অনরিযে, তযো পণ্ডকে চ উপসঙ্কমিত্ৰা মেথুনং ন সেৰেতি অত্থো। অনরিযাতি চেত্থ উভতোব্যঞ্জনকা অধিপ্পেতা। ব্যঞ্জনস্মিন্তি অত্তনো ৰচ্চমুখমগ্গেপি। ছেদো এৰ ছেজ্জং, পারাজিকং।
Tissitthiyo methunaṃ taṃ na seveti yā tisso itthiyo, tāsu vuttaṃ taṃ methunaṃ na seveyya. Anariyapaṇḍaketi tayo anariye, tayo paṇḍake ca upasaṅkamitvā methunaṃ na seveti attho. Anariyāti cettha ubhatobyañjanakā adhippetā. Byañjanasminti attano vaccamukhamaggepi. Chedo eva chejjaṃ, pārājikaṃ.
ৰণ্ণাৰণ্ণোতি দ্ৰীহি সুক্কৰিস্সট্ঠি ৰুত্তা। গমনুপ্পাদনন্তি সঞ্চরিত্তং। ‘‘মেথুনধম্মস্স পুব্বভাগত্তা পচ্চযো হোতী’’তি ইমিনা কারিযোপচারেন কাযসংসগ্গো মেথুনধম্মোতি ৰুত্তোতি দস্সেতি। সব্বপদেসূতি সঙ্ঘাটিকণ্ণগ্গহণাদিপদেসু। কাযসংসগ্গরাগো, সউস্সাহতা, অট্ঠমৰত্থুস্স পূরণন্তি তীণেত্থ অঙ্গানি।
Vaṇṇāvaṇṇoti dvīhi sukkavissaṭṭhi vuttā. Gamanuppādananti sañcarittaṃ. ‘‘Methunadhammassa pubbabhāgattā paccayo hotī’’ti iminā kāriyopacārena kāyasaṃsaggo methunadhammoti vuttoti dasseti. Sabbapadesūti saṅghāṭikaṇṇaggahaṇādipadesu. Kāyasaṃsaggarāgo, saussāhatā, aṭṭhamavatthussa pūraṇanti tīṇettha aṅgāni.
অট্ঠৰত্থুকসিক্খাপদৰণ্ণনা নিট্ঠিতা।
Aṭṭhavatthukasikkhāpadavaṇṇanā niṭṭhitā.
পারাজিকৰণ্ণনানযো নিট্ঠিতো।
Pārājikavaṇṇanānayo niṭṭhito.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ৪. চতুত্থপারাজিকং • 4. Catutthapārājikaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā / ৪. চতুত্থপারাজিকসিক্খাপদৰণ্ণনা • 4. Catutthapārājikasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৪. চতুত্থপারাজিকসিক্খাপদৰণ্ণনা • 4. Catutthapārājikasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৪. চতুত্থপারাজিকসিক্খাপদৰণ্ণনা • 4. Catutthapārājikasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৪. চতুত্থপারাজিকসিক্খাপদং • 4. Catutthapārājikasikkhāpadaṃ
