| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
8. адтавад̇т̇угаасигкаабад̣̇аван̣н̣анаа
8. Aṭṭhavatthukāsikkhāpadavaṇṇanā
логассаад̣̇амид̇д̇асант̇ававасзнаад̇и (саарад̇т̇а. дий. баажид̇д̇ияа 3.675) логассаад̣̇асан̇каад̇асса мид̇д̇асант̇авасса васзна. гим̣ д̇анд̇и ааха ‘‘гааяасам̣саг̇г̇арааг̇знаа’’д̇и. гааяасам̣саг̇г̇арааг̇знзва д̇инд̇аа ид̇ха авассуд̇аа наама, на мзт̇унарааг̇знаад̇и. гат̇амзд̇ам̣ вин̃н̃ааяад̇ийд̇и ааха ‘‘аяамзва хий’’д̇иаад̣̇и. гим̣ банзд̇т̇а гааран̣анд̇и ааха ‘‘саманд̇абаасаад̣̇игааяам̣ банасса вижааран̣аа гад̇аа’’д̇и. д̇ад̇т̇ааяам̣ вижааран̣аа – зд̇т̇а жа асад̣̇д̇хаммод̇и гааяасам̣саг̇г̇ова взд̣̇ид̇аб̣б̣о, на мзт̇унад̇хаммо. на хи мзт̇унасса сааманд̇аа т̇уллажжаяам̣ ход̇и. ‘‘вин̃н̃уу бадиб̣ало гааяасам̣саг̇г̇ам̣ самаабаж̇ж̇ид̇у’’нд̇и (баажи. 676) важанамби жзд̇т̇а саад̇хаганд̇и. яам̣ язна гад̇ам̣, д̇ам̣ д̇ассзва ход̇ийд̇и. бурисабуг̇г̇алассаад̇и саамиважананд̇и д̣̇ассзд̇ум̣ ‘‘яам̣ бурисабуг̇г̇алзнаа’’д̇иаад̣̇и вуд̇д̇ам̣. д̇ад̇т̇а хад̇т̇од̇и ад̇д̇ано хад̇т̇о. на гзвалан̃жзд̇т̇а хад̇т̇аг̇г̇ахан̣анд̇и ‘‘хад̇т̇о наама габбарам̣ убаад̣̇ааяа яаава аг̇г̇анакаа’’д̇и (баажи. 676) вуд̇д̇асса хад̇т̇ассзва г̇ахан̣ам̣, ат̇а ко д̇асса жа ан̃н̃ассаби абаарааж̇игакзд̇д̇асса г̇ахан̣ам̣ згаж̇жхам̣ гад̇ваа ‘‘хад̇т̇аг̇г̇ахан̣а’’нд̇и вуд̇д̇ам̣. д̇ат̇аа сан̇гхаадиган̣н̣аг̇г̇ахан̣анд̇и на гзвалам̣ сан̇гхаадиган̣н̣ассзва г̇ахан̣ам̣, ат̇а ко д̇асса жа ан̃н̃ассаби яасса гассажи жийвараббад̣̇зсасса г̇ахан̣ам̣ вуд̇д̇анд̇и д̣̇ассзд̇ум̣ ‘‘зд̇т̇а жа яасса гассажий’’д̇иаад̣̇и вуд̇д̇ам̣. ид̇т̇аннаамам̣ таананд̇и звам̣наамагам̣ таанам̣. ‘‘бадибаадияаа ваа уббадибаадияаа ваа буурзд̇ваа’’д̇и ид̣̇ам̣ нид̣̇ассанамад̇д̇ам̣. д̇асмаа бадибаадияаа ваа уббадибаадияаа ваа зганд̇аригааяа ваа язна д̇зна наязна буурзд̇ваад̇и ад̇т̇о.
Lokassādamittasanthavavasenāti (sārattha. ṭī. pācittiya 3.675) lokassādasaṅkhātassa mittasanthavassa vasena. Kiṃ tanti āha ‘‘kāyasaṃsaggarāgenā’’ti. Kāyasaṃsaggarāgeneva tintā idha avassutā nāma, na methunarāgenāti. Kathametaṃ viññāyatīti āha ‘‘ayameva hī’’tiādi. Kiṃ panettha kāraṇanti āha ‘‘samantapāsādikāyaṃ panassa vicāraṇā katā’’ti. Tatthāyaṃ vicāraṇā – ettha ca asaddhammoti kāyasaṃsaggova veditabbo, na methunadhammo. Na hi methunassa sāmantā thullaccayaṃ hoti. ‘‘Viññū paṭibalo kāyasaṃsaggaṃ samāpajjitu’’nti (pāci. 676) vacanampi cettha sādhakanti. Yaṃ yena kataṃ, taṃ tasseva hotīti. Purisapuggalassāti sāmivacananti dassetuṃ ‘‘yaṃ purisapuggalenā’’tiādi vuttaṃ. Tattha hatthoti attano hattho. Na kevalañcettha hatthaggahaṇanti ‘‘hattho nāma kapparaṃ upādāya yāva agganakhā’’ti (pāci. 676) vuttassa hatthasseva gahaṇaṃ, atha kho tassa ca aññassapi apārājikakhettassa gahaṇaṃ ekajjhaṃ katvā ‘‘hatthaggahaṇa’’nti vuttaṃ. Tathā saṅghāṭikaṇṇaggahaṇanti na kevalaṃ saṅghāṭikaṇṇasseva gahaṇaṃ, atha kho tassa ca aññassapi yassa kassaci cīvarappadesassa gahaṇaṃ vuttanti dassetuṃ ‘‘ettha ca yassa kassacī’’tiādi vuttaṃ. Itthannāmaṃ ṭhānanti evaṃnāmakaṃ ṭhānaṃ. ‘‘Paṭipāṭiyā vā uppaṭipāṭiyā vā pūretvā’’ti idaṃ nidassanamattaṃ. Tasmā paṭipāṭiyā vā uppaṭipāṭiyā vā ekantarikāya vā yena tena nayena pūretvāti attho.
д̇аа аабад̇д̇ияод̇и д̇аа аабаннаа аабад̇д̇ияо. яат̇аа жзгзгасмим̣ вад̇т̇усмим̣ звам̣ висум̣ висум̣ сад̇д̇асу вад̇т̇уусу сад̇агкад̇д̇умби вийд̇игганд̇зсу д̇аа аабад̇д̇ияо д̣̇зсзд̇ваа мужжад̇и. г̇ан̣ануубигаад̇и д̣̇зсид̇аг̇ан̣анам̣ убаг̇ажчад̇и. д̇хуранигкзбам̣ гад̇ваад̇и ‘‘ан̃н̃ам̣ вад̇т̇ум̣ аабаж̇ж̇иссаамий’’д̇и уссаахам̣ табзд̇ваа.
Tā āpattiyoti tā āpannā āpattiyo. Yathā cekekasmiṃ vatthusmiṃ evaṃ visuṃ visuṃ sattasu vatthūsu satakkhattumpi vītikkantesu tā āpattiyo desetvā muccati. Gaṇanūpikāti desitagaṇanaṃ upagacchati. Dhuranikkhepaṃ katvāti ‘‘aññaṃ vatthuṃ āpajjissāmī’’ti ussāhaṃ ṭhapetvā.
адтавад̇т̇угаасигкаабад̣̇аван̣н̣анаа нидтид̇аа.
Aṭṭhavatthukāsikkhāpadavaṇṇanā niṭṭhitā.
ид̇и ган̇каавид̇аран̣ияаа баад̇имогкаван̣н̣анааяа
Iti kaṅkhāvitaraṇiyā pātimokkhavaṇṇanāya
винаяад̇т̇аман̃ж̇уусааяам̣ лийнад̇т̇аббагаасанияам̣
Vinayatthamañjūsāyaṃ līnatthappakāsaniyaṃ
бхигкунибаад̇имогкз баарааж̇игаван̣н̣анаа нидтид̇аа.
Bhikkhunipātimokkhe pārājikavaṇṇanā niṭṭhitā.
