| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
४. अट्ठवत्थुकसिक्खापदवण्णना
4. Aṭṭhavatthukasikkhāpadavaṇṇanā
६७५. चतुत्थे लोकस्सादसङ्खातं मित्तेहि अञ्ञमञ्ञं कातब्बं सन्थवं। वुत्तमेवत्थं परियायन्तरेन दस्सेतुं ‘‘कायसंसग्गरागेना’’ति वुत्तं।
675. Catutthe lokassādasaṅkhātaṃ mittehi aññamaññaṃ kātabbaṃ santhavaṃ. Vuttamevatthaṃ pariyāyantarena dassetuṃ ‘‘kāyasaṃsaggarāgenā’’ti vuttaṃ.
तिस्सित्थियो मेथुनं तं न सेवेति या तिस्सो इत्थियो, तासु वुत्तं तं मेथुनं न सेवेय्य। अनरियपण्डकेति तयो अनरिये, तयो पण्डके च उपसङ्कमित्वा मेथुनं न सेवेति अत्थो। अनरियाति चेत्थ उभतोब्यञ्जनका अधिप्पेता। ब्यञ्जनस्मिन्ति अत्तनो वच्चमुखमग्गेपि। छेदो एव छेज्जं, पाराजिकं।
Tissitthiyo methunaṃ taṃ na seveti yā tisso itthiyo, tāsu vuttaṃ taṃ methunaṃ na seveyya. Anariyapaṇḍaketi tayo anariye, tayo paṇḍake ca upasaṅkamitvā methunaṃ na seveti attho. Anariyāti cettha ubhatobyañjanakā adhippetā. Byañjanasminti attano vaccamukhamaggepi. Chedo eva chejjaṃ, pārājikaṃ.
वण्णावण्णोति द्वीहि सुक्कविस्सट्ठि वुत्ता। गमनुप्पादनन्ति सञ्चरित्तं। ‘‘मेथुनधम्मस्स पुब्बभागत्ता पच्चयो होती’’ति इमिना कारियोपचारेन कायसंसग्गो मेथुनधम्मोति वुत्तोति दस्सेति। सब्बपदेसूति सङ्घाटिकण्णग्गहणादिपदेसु। कायसंसग्गरागो, सउस्साहता, अट्ठमवत्थुस्स पूरणन्ति तीणेत्थ अङ्गानि।
Vaṇṇāvaṇṇoti dvīhi sukkavissaṭṭhi vuttā. Gamanuppādananti sañcarittaṃ. ‘‘Methunadhammassa pubbabhāgattā paccayo hotī’’ti iminā kāriyopacārena kāyasaṃsaggo methunadhammoti vuttoti dasseti. Sabbapadesūti saṅghāṭikaṇṇaggahaṇādipadesu. Kāyasaṃsaggarāgo, saussāhatā, aṭṭhamavatthussa pūraṇanti tīṇettha aṅgāni.
अट्ठवत्थुकसिक्खापदवण्णना निट्ठिता।
Aṭṭhavatthukasikkhāpadavaṇṇanā niṭṭhitā.
पाराजिकवण्णनानयो निट्ठितो।
Pārājikavaṇṇanānayo niṭṭhito.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / भिक्खुनीविभङ्ग • Bhikkhunīvibhaṅga / ४. चतुत्थपाराजिकं • 4. Catutthapārājikaṃ
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / भिक्खुनीविभङ्ग-अट्ठकथा • Bhikkhunīvibhaṅga-aṭṭhakathā / ४. चतुत्थपाराजिकसिक्खापदवण्णना • 4. Catutthapārājikasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ४. चतुत्थपाराजिकसिक्खापदवण्णना • 4. Catutthapārājikasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / ४. चतुत्थपाराजिकसिक्खापदवण्णना • 4. Catutthapārājikasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / ४. चतुत्थपाराजिकसिक्खापदं • 4. Catutthapārājikasikkhāpadaṃ
