| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
๔. อฎฺฐวตฺถุกสิกฺขาปทวณฺณนา
4. Aṭṭhavatthukasikkhāpadavaṇṇanā
๖๗๕. จตุเตฺถ โลกสฺสาทสงฺขาตํ มิเตฺตหิ อญฺญมญฺญํ กาตพฺพํ สนฺถวํฯ วุตฺตเมวตฺถํ ปริยายนฺตเรน ทเสฺสตุํ ‘‘กายสํสคฺคราเคนา’’ติ วุตฺตํฯ
675. Catutthe lokassādasaṅkhātaṃ mittehi aññamaññaṃ kātabbaṃ santhavaṃ. Vuttamevatthaṃ pariyāyantarena dassetuṃ ‘‘kāyasaṃsaggarāgenā’’ti vuttaṃ.
ติสฺสิตฺถิโย เมถุนํ ตํ น เสเวติ ยา ติโสฺส อิตฺถิโย, ตาสุ วุตฺตํ ตํ เมถุนํ น เสเวยฺยฯ อนริยปณฺฑเกติ ตโย อนริเย, ตโย ปณฺฑเก จ อุปสงฺกมิตฺวา เมถุนํ น เสเวติ อโตฺถฯ อนริยาติ เจตฺถ อุภโตพฺยญฺชนกา อธิเปฺปตาฯ พฺยญฺชนสฺมินฺติ อตฺตโน วจฺจมุขมเคฺคปิฯ เฉโท เอว เฉชฺชํ, ปาราชิกํฯ
Tissitthiyo methunaṃ taṃ na seveti yā tisso itthiyo, tāsu vuttaṃ taṃ methunaṃ na seveyya. Anariyapaṇḍaketi tayo anariye, tayo paṇḍake ca upasaṅkamitvā methunaṃ na seveti attho. Anariyāti cettha ubhatobyañjanakā adhippetā. Byañjanasminti attano vaccamukhamaggepi. Chedo eva chejjaṃ, pārājikaṃ.
วณฺณาวโณฺณติ ทฺวีหิ สุกฺกวิสฺสฎฺฐิ วุตฺตาฯ คมนุปฺปาทนนฺติ สญฺจริตฺตํฯ ‘‘เมถุนธมฺมสฺส ปุพฺพภาคตฺตา ปจฺจโย โหตี’’ติ อิมินา การิโยปจาเรน กายสํสโคฺค เมถุนธโมฺมติ วุโตฺตติ ทเสฺสติฯ สพฺพปเทสูติ สงฺฆาฎิกณฺณคฺคหณาทิปเทสุฯ กายสํสคฺคราโค, สอุสฺสาหตา, อฎฺฐมวตฺถุสฺส ปูรณนฺติ ตีเณตฺถ องฺคานิฯ
Vaṇṇāvaṇṇoti dvīhi sukkavissaṭṭhi vuttā. Gamanuppādananti sañcarittaṃ. ‘‘Methunadhammassa pubbabhāgattā paccayo hotī’’ti iminā kāriyopacārena kāyasaṃsaggo methunadhammoti vuttoti dasseti. Sabbapadesūti saṅghāṭikaṇṇaggahaṇādipadesu. Kāyasaṃsaggarāgo, saussāhatā, aṭṭhamavatthussa pūraṇanti tīṇettha aṅgāni.
อฎฺฐวตฺถุกสิกฺขาปทวณฺณนา นิฎฺฐิตาฯ
Aṭṭhavatthukasikkhāpadavaṇṇanā niṭṭhitā.
ปาราชิกวณฺณนานโย นิฎฺฐิโตฯ
Pārājikavaṇṇanānayo niṭṭhito.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga / ๔. จตุตฺถปาราชิกํ • 4. Catutthapārājikaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ภิกฺขุนีวิภงฺค-อฎฺฐกถา • Bhikkhunīvibhaṅga-aṭṭhakathā / ๔. จตุตฺถปาราชิกสิกฺขาปทวณฺณนา • 4. Catutthapārājikasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๔. จตุตฺถปาราชิกสิกฺขาปทวณฺณนา • 4. Catutthapārājikasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๔. จตุตฺถปาราชิกสิกฺขาปทวณฺณนา • 4. Catutthapārājikasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๔. จตุตฺถปาราชิกสิกฺขาปทํ • 4. Catutthapārājikasikkhāpadaṃ
