| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
၄. အဋ္ဌဝတ္ထုကသိက္ခာပဒဝဏ္ဏနာ
4. Aṭṭhavatthukasikkhāpadavaṇṇanā
၆၇၅. စတုတ္ထေ လောကသ္သာဒသင္ခာတံ မိတ္တေဟိ အညမညံ ကာတဗ္ဗံ သန္ထဝံ။ ဝုတ္တမေဝတ္ထံ ပရိယာယန္တရေန ဒသ္သေတုံ ‘‘ကာယသံသဂ္ဂရာဂေနာ’’တိ ဝုတ္တံ။
675. Catutthe lokassādasaṅkhātaṃ mittehi aññamaññaṃ kātabbaṃ santhavaṃ. Vuttamevatthaṃ pariyāyantarena dassetuṃ ‘‘kāyasaṃsaggarāgenā’’ti vuttaṃ.
တိသ္သိတ္ထိယော မေထုနံ တံ န သေဝေတိ ယာ တိသ္သော ဣတ္ထိယော, တာသု ဝုတ္တံ တံ မေထုနံ န သေဝေယ္ယ။ အနရိယပဏ္ဍကေတိ တယော အနရိယေ, တယော ပဏ္ဍကေ စ ဥပသင္ကမိတ္ဝာ မေထုနံ န သေဝေတိ အတ္ထော။ အနရိယာတိ စေတ္ထ ဥဘတောဗ္ယဉ္ဇနကာ အဓိပ္ပေတာ။ ဗ္ယဉ္ဇနသ္မိန္တိ အတ္တနော ဝစ္စမုခမဂ္ဂေပိ။ ဆေဒော ဧဝ ဆေဇ္ဇံ, ပာရာဇိကံ။
Tissitthiyo methunaṃ taṃ na seveti yā tisso itthiyo, tāsu vuttaṃ taṃ methunaṃ na seveyya. Anariyapaṇḍaketi tayo anariye, tayo paṇḍake ca upasaṅkamitvā methunaṃ na seveti attho. Anariyāti cettha ubhatobyañjanakā adhippetā. Byañjanasminti attano vaccamukhamaggepi. Chedo eva chejjaṃ, pārājikaṃ.
ဝဏ္ဏာဝဏ္ဏောတိ ဒ္ဝီဟိ သုက္ကဝိသ္သဋ္ဌိ ဝုတ္တာ။ ဂမနုပ္ပာဒနန္တိ သဉ္စရိတ္တံ။ ‘‘မေထုနဓမ္မသ္သ ပုဗ္ဗဘာဂတ္တာ ပစ္စယော ဟောတီ’’တိ ဣမိနာ ကာရိယောပစာရေန ကာယသံသဂ္ဂော မေထုနဓမ္မောတိ ဝုတ္တောတိ ဒသ္သေတိ။ သဗ္ဗပဒေသူတိ သင္ဃာဋိကဏ္ဏဂ္ဂဟဏာဒိပဒေသု။ ကာယသံသဂ္ဂရာဂော, သဥသ္သာဟတာ, အဋ္ဌမဝတ္ထုသ္သ ပူရဏန္တိ တီဏေတ္ထ အင္ဂာနိ။
Vaṇṇāvaṇṇoti dvīhi sukkavissaṭṭhi vuttā. Gamanuppādananti sañcarittaṃ. ‘‘Methunadhammassa pubbabhāgattā paccayo hotī’’ti iminā kāriyopacārena kāyasaṃsaggo methunadhammoti vuttoti dasseti. Sabbapadesūti saṅghāṭikaṇṇaggahaṇādipadesu. Kāyasaṃsaggarāgo, saussāhatā, aṭṭhamavatthussa pūraṇanti tīṇettha aṅgāni.
အဋ္ဌဝတ္ထုကသိက္ခာပဒဝဏ္ဏနာ နိဋ္ဌိတာ။
Aṭṭhavatthukasikkhāpadavaṇṇanā niṭṭhitā.
ပာရာဇိကဝဏ္ဏနာနယော နိဋ္ဌိတော။
Pārājikavaṇṇanānayo niṭṭhito.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၄. စတုတ္ထပာရာဇိကံ • 4. Catutthapārājikaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ၄. စတုတ္ထပာရာဇိကသိက္ခာပဒဝဏ္ဏနာ • 4. Catutthapārājikasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၄. စတုတ္ထပာရာဇိကသိက္ခာပဒဝဏ္ဏနာ • 4. Catutthapārājikasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၄. စတုတ္ထပာရာဇိကသိက္ခာပဒဝဏ္ဏနာ • 4. Catutthapārājikasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၄. စတုတ္ထပာရာဇိကသိက္ခာပဒံ • 4. Catutthapārājikasikkhāpadaṃ
