| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
༤. ཨཊྛཝཏྠུཀསིཀྑཱཔདཝཎྞནཱ
4. Aṭṭhavatthukasikkhāpadavaṇṇanā
༦༧༥. ཙཏུཏྠེ ལོཀསྶཱདསངྑཱཏཾ མིཏྟེཧི ཨཉྙམཉྙཾ ཀཱཏབྦཾ སནྠཝཾ། ཝུཏྟམེཝཏྠཾ པརིཡཱཡནྟརེན དསྶེཏུཾ ‘‘ཀཱཡསཾསགྒརཱགེནཱ’’ཏི ཝུཏྟཾ།
675. Catutthe lokassādasaṅkhātaṃ mittehi aññamaññaṃ kātabbaṃ santhavaṃ. Vuttamevatthaṃ pariyāyantarena dassetuṃ ‘‘kāyasaṃsaggarāgenā’’ti vuttaṃ.
ཏིསྶིཏྠིཡོ མེཐུནཾ ཏཾ ན སེཝེཏི ཡཱ ཏིསྶོ ཨིཏྠིཡོ, ཏཱསུ ཝུཏྟཾ ཏཾ མེཐུནཾ ན སེཝེཡྻ། ཨནརིཡཔཎྜཀེཏི ཏཡོ ཨནརིཡེ, ཏཡོ པཎྜཀེ ཙ ཨུཔསངྐམིཏྭཱ མེཐུནཾ ན སེཝེཏི ཨཏྠོ། ཨནརིཡཱཏི ཙེཏྠ ཨུབྷཏོབྱཉྫནཀཱ ཨདྷིཔྤེཏཱ། བྱཉྫནསྨིནྟི ཨཏྟནོ ཝཙྩམུཁམགྒེཔི། ཚེདོ ཨེཝ ཚེཛྫཾ, པཱརཱཛིཀཾ།
Tissitthiyo methunaṃ taṃ na seveti yā tisso itthiyo, tāsu vuttaṃ taṃ methunaṃ na seveyya. Anariyapaṇḍaketi tayo anariye, tayo paṇḍake ca upasaṅkamitvā methunaṃ na seveti attho. Anariyāti cettha ubhatobyañjanakā adhippetā. Byañjanasminti attano vaccamukhamaggepi. Chedo eva chejjaṃ, pārājikaṃ.
ཝཎྞཱཝཎྞོཏི དྭཱིཧི སུཀྐཝིསྶཊྛི ཝུཏྟཱ། གམནུཔྤཱདནནྟི སཉྩརིཏྟཾ། ‘‘མེཐུནདྷམྨསྶ པུབྦབྷཱགཏྟཱ པཙྩཡོ ཧོཏཱི’’ཏི ཨིམིནཱ ཀཱརིཡོཔཙཱརེན ཀཱཡསཾསགྒོ མེཐུནདྷམྨོཏི ཝུཏྟོཏི དསྶེཏི། སབྦཔདེསཱུཏི སངྒྷཱཊིཀཎྞགྒཧཎཱདིཔདེསུ། ཀཱཡསཾསགྒརཱགོ, སཨུསྶཱཧཏཱ, ཨཊྛམཝཏྠུསྶ པཱུརཎནྟི ཏཱིཎེཏྠ ཨངྒཱནི།
Vaṇṇāvaṇṇoti dvīhi sukkavissaṭṭhi vuttā. Gamanuppādananti sañcarittaṃ. ‘‘Methunadhammassa pubbabhāgattā paccayo hotī’’ti iminā kāriyopacārena kāyasaṃsaggo methunadhammoti vuttoti dasseti. Sabbapadesūti saṅghāṭikaṇṇaggahaṇādipadesu. Kāyasaṃsaggarāgo, saussāhatā, aṭṭhamavatthussa pūraṇanti tīṇettha aṅgāni.
ཨཊྛཝཏྠུཀསིཀྑཱཔདཝཎྞནཱ ནིཊྛིཏཱ།
Aṭṭhavatthukasikkhāpadavaṇṇanā niṭṭhitā.
པཱརཱཛིཀཝཎྞནཱནཡོ ནིཊྛིཏོ།
Pārājikavaṇṇanānayo niṭṭhito.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༤. ཙཏུཏྠཔཱརཱཛིཀཾ • 4. Catutthapārājikaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā / ༤. ཙཏུཏྠཔཱརཱཛིཀསིཀྑཱཔདཝཎྞནཱ • 4. Catutthapārājikasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༤. ཙཏུཏྠཔཱརཱཛིཀསིཀྑཱཔདཝཎྞནཱ • 4. Catutthapārājikasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༤. ཙཏུཏྠཔཱརཱཛིཀསིཀྑཱཔདཝཎྞནཱ • 4. Catutthapārājikasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༤. ཙཏུཏྠཔཱརཱཛིཀསིཀྑཱཔདཾ • 4. Catutthapārājikasikkhāpadaṃ
