| Library / Tipiṭaka / തിപിടക • Tipiṭaka / വിമതിവിനോദനീ-ടീകാ • Vimativinodanī-ṭīkā |
൪. അട്ഠവത്ഥുകസിക്ഖാപദവണ്ണനാ
4. Aṭṭhavatthukasikkhāpadavaṇṇanā
൬൭൫. ചതുത്ഥേ ലോകസ്സാദസങ്ഖാതം മിത്തേഹി അഞ്ഞമഞ്ഞം കാതബ്ബം സന്ഥവം. വുത്തമേവത്ഥം പരിയായന്തരേന ദസ്സേതും ‘‘കായസംസഗ്ഗരാഗേനാ’’തി വുത്തം.
675. Catutthe lokassādasaṅkhātaṃ mittehi aññamaññaṃ kātabbaṃ santhavaṃ. Vuttamevatthaṃ pariyāyantarena dassetuṃ ‘‘kāyasaṃsaggarāgenā’’ti vuttaṃ.
തിസ്സിത്ഥിയോ മേഥുനം തം ന സേവേതി യാ തിസ്സോ ഇത്ഥിയോ, താസു വുത്തം തം മേഥുനം ന സേവേയ്യ. അനരിയപണ്ഡകേതി തയോ അനരിയേ, തയോ പണ്ഡകേ ച ഉപസങ്കമിത്വാ മേഥുനം ന സേവേതി അത്ഥോ. അനരിയാതി ചേത്ഥ ഉഭതോബ്യഞ്ജനകാ അധിപ്പേതാ. ബ്യഞ്ജനസ്മിന്തി അത്തനോ വച്ചമുഖമഗ്ഗേപി. ഛേദോ ഏവ ഛേജ്ജം, പാരാജികം.
Tissitthiyo methunaṃ taṃ na seveti yā tisso itthiyo, tāsu vuttaṃ taṃ methunaṃ na seveyya. Anariyapaṇḍaketi tayo anariye, tayo paṇḍake ca upasaṅkamitvā methunaṃ na seveti attho. Anariyāti cettha ubhatobyañjanakā adhippetā. Byañjanasminti attano vaccamukhamaggepi. Chedo eva chejjaṃ, pārājikaṃ.
വണ്ണാവണ്ണോതി ദ്വീഹി സുക്കവിസ്സട്ഠി വുത്താ. ഗമനുപ്പാദനന്തി സഞ്ചരിത്തം. ‘‘മേഥുനധമ്മസ്സ പുബ്ബഭാഗത്താ പച്ചയോ ഹോതീ’’തി ഇമിനാ കാരിയോപചാരേന കായസംസഗ്ഗോ മേഥുനധമ്മോതി വുത്തോതി ദസ്സേതി. സബ്ബപദേസൂതി സങ്ഘാടികണ്ണഗ്ഗഹണാദിപദേസു. കായസംസഗ്ഗരാഗോ, സഉസ്സാഹതാ, അട്ഠമവത്ഥുസ്സ പൂരണന്തി തീണേത്ഥ അങ്ഗാനി.
Vaṇṇāvaṇṇoti dvīhi sukkavissaṭṭhi vuttā. Gamanuppādananti sañcarittaṃ. ‘‘Methunadhammassa pubbabhāgattā paccayo hotī’’ti iminā kāriyopacārena kāyasaṃsaggo methunadhammoti vuttoti dasseti. Sabbapadesūti saṅghāṭikaṇṇaggahaṇādipadesu. Kāyasaṃsaggarāgo, saussāhatā, aṭṭhamavatthussa pūraṇanti tīṇettha aṅgāni.
അട്ഠവത്ഥുകസിക്ഖാപദവണ്ണനാ നിട്ഠിതാ.
Aṭṭhavatthukasikkhāpadavaṇṇanā niṭṭhitā.
പാരാജികവണ്ണനാനയോ നിട്ഠിതോ.
Pārājikavaṇṇanānayo niṭṭhito.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ഭിക്ഖുനീവിഭങ്ഗ • Bhikkhunīvibhaṅga / ൪. ചതുത്ഥപാരാജികം • 4. Catutthapārājikaṃ
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / ഭിക്ഖുനീവിഭങ്ഗ-അട്ഠകഥാ • Bhikkhunīvibhaṅga-aṭṭhakathā / ൪. ചതുത്ഥപാരാജികസിക്ഖാപദവണ്ണനാ • 4. Catutthapārājikasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൪. ചതുത്ഥപാരാജികസിക്ഖാപദവണ്ണനാ • 4. Catutthapārājikasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൪. ചതുത്ഥപാരാജികസിക്ഖാപദവണ്ണനാ • 4. Catutthapārājikasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൪. ചതുത്ഥപാരാജികസിക്ഖാപദം • 4. Catutthapārājikasikkhāpadaṃ
