| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
17. ஸத்தரஸமவக்³கோ³
17. Sattarasamavaggo
1. அத்தி² அரஹதோ புஞ்ஞூபசயகதா²வண்ணனா
1. Atthi arahato puññūpacayakathāvaṇṇanā
776-779. இதா³னி அத்தி² அரஹதோ புஞ்ஞூபசயோதிகதா² நாம ஹோதி. தத்த² யேஸங் அரஹதோ தா³னஸங்விபா⁴க³சேதியவந்த³னாதீ³னி கம்மானி தி³ஸ்வா அத்தி² அரஹதோ புஞ்ஞூபசயோதி லத்³தி⁴, ஸெய்யதா²பி அந்த⁴கானங்; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் ‘‘அரஹா நாம பஹீனபுஞ்ஞபாபோ, ஸோ யதி³ புஞ்ஞங் கரெய்ய, பாபம்பி கரெய்யா’’தி சோதே³துங் அபுஞ்ஞூபசயோதி ஆஹ. இதரோ பாணாதிபாதாதி³கிரியங் அபஸ்ஸந்தோ படிக்கி²பதி. புஞ்ஞாபி⁴ஸங்கா²ரந்திஆதீ³ஸு ப⁴வகா³மிகம்மங் அரஹதோ நத்தீ²தி படிக்கி²பதி. தா³னங் த³தெ³ய்யாதிஆதீ³ஸு கிரியசித்தேன தா³னாதி³பவத்திஸப்³பா⁴வதோ ஸகவாதீ³ படிஜானாதி. இதரோ சித்தங் அனாதி³யித்வா கிரியாபவத்திமத்தத³ஸ்ஸனேனேவ லத்³தி⁴ங் பதிட்ட²பேதி. ஸா பன அயோனிஸோ பதிட்டா²பிதத்தா அப்பதிட்டா²பிதா ஹோதீதி.
776-779. Idāni atthi arahato puññūpacayotikathā nāma hoti. Tattha yesaṃ arahato dānasaṃvibhāgacetiyavandanādīni kammāni disvā atthi arahato puññūpacayoti laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘arahā nāma pahīnapuññapāpo, so yadi puññaṃ kareyya, pāpampi kareyyā’’ti codetuṃ apuññūpacayoti āha. Itaro pāṇātipātādikiriyaṃ apassanto paṭikkhipati. Puññābhisaṅkhārantiādīsu bhavagāmikammaṃ arahato natthīti paṭikkhipati. Dānaṃ dadeyyātiādīsu kiriyacittena dānādipavattisabbhāvato sakavādī paṭijānāti. Itaro cittaṃ anādiyitvā kiriyāpavattimattadassaneneva laddhiṃ patiṭṭhapeti. Sā pana ayoniso patiṭṭhāpitattā appatiṭṭhāpitā hotīti.
அத்தி² அரஹதோ புஞ்ஞூபசயோதிகதா²வண்ணனா.
Atthi arahato puññūpacayotikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (166) 1. அரஹதோ புஞ்ஞூபசயகதா² • (166) 1. Arahato puññūpacayakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 1. அத்தி²அரஹதோபுஞ்ஞூபசயகதா²வண்ணனா • 1. Atthiarahatopuññūpacayakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 1. அத்தி²அரஹதோபுஞ்ஞூபசயகதா²வண்ணனா • 1. Atthiarahatopuññūpacayakathāvaṇṇanā
