| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
17. сад̇д̇арасамаваг̇г̇о
17. Sattarasamavaggo
1. ад̇т̇и арахад̇о бун̃н̃уубажаяагат̇ааван̣н̣анаа
1. Atthi arahato puññūpacayakathāvaṇṇanā
776-779. ид̣̇аани ад̇т̇и арахад̇о бун̃н̃уубажаяод̇игат̇аа наама ход̇и. д̇ад̇т̇а язсам̣ арахад̇о д̣̇аанасам̣вибхааг̇ажзд̇ияаванд̣̇анаад̣̇ийни гаммаани д̣̇исваа ад̇т̇и арахад̇о бун̃н̃уубажаяод̇и лад̣̇д̇хи, сзяяат̇ааби анд̇хагаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘арахаа наама бахийнабун̃н̃абаабо, со яад̣̇и бун̃н̃ам̣ гарзяяа, баабамби гарзяяаа’’д̇и жод̣̇зд̇ум̣ абун̃н̃уубажаяод̇и ааха. ид̇аро баан̣аад̇ибаад̇аад̣̇игирияам̣ абассанд̇о бадигкибад̇и. бун̃н̃аабхисан̇кааранд̇иаад̣̇ийсу бхаваг̇аамигаммам̣ арахад̇о над̇т̇ийд̇и бадигкибад̇и. д̣̇аанам̣ д̣̇ад̣̇зяяаад̇иаад̣̇ийсу гирияажид̇д̇зна д̣̇аанаад̣̇ибавад̇д̇исаб̣бхаавад̇о сагаваад̣̇ий бадиж̇аанаад̇и. ид̇аро жид̇д̇ам̣ анаад̣̇ияид̇ваа гирияаабавад̇д̇имад̇д̇ад̣̇ассанзнзва лад̣̇д̇хим̣ бад̇идтабзд̇и. саа бана аяонисо бад̇идтаабид̇ад̇д̇аа аббад̇идтаабид̇аа ход̇ийд̇и.
776-779. Idāni atthi arahato puññūpacayotikathā nāma hoti. Tattha yesaṃ arahato dānasaṃvibhāgacetiyavandanādīni kammāni disvā atthi arahato puññūpacayoti laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘arahā nāma pahīnapuññapāpo, so yadi puññaṃ kareyya, pāpampi kareyyā’’ti codetuṃ apuññūpacayoti āha. Itaro pāṇātipātādikiriyaṃ apassanto paṭikkhipati. Puññābhisaṅkhārantiādīsu bhavagāmikammaṃ arahato natthīti paṭikkhipati. Dānaṃ dadeyyātiādīsu kiriyacittena dānādipavattisabbhāvato sakavādī paṭijānāti. Itaro cittaṃ anādiyitvā kiriyāpavattimattadassaneneva laddhiṃ patiṭṭhapeti. Sā pana ayoniso patiṭṭhāpitattā appatiṭṭhāpitā hotīti.
ад̇т̇и арахад̇о бун̃н̃уубажаяод̇игат̇ааван̣н̣анаа.
Atthi arahato puññūpacayotikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (166) 1. арахад̇о бун̃н̃уубажаяагат̇аа • (166) 1. Arahato puññūpacayakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. ад̇т̇иарахад̇обун̃н̃уубажаяагат̇ааван̣н̣анаа • 1. Atthiarahatopuññūpacayakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. ад̇т̇иарахад̇обун̃н̃уубажаяагат̇ааван̣н̣анаа • 1. Atthiarahatopuññūpacayakathāvaṇṇanā
