| Library / Tipiṭaka / తిపిటక • Tipiṭaka / పఞ్చపకరణ-అట్ఠకథా • Pañcapakaraṇa-aṭṭhakathā |
౧౭. సత్తరసమవగ్గో
17. Sattarasamavaggo
౧. అత్థి అరహతో పుఞ్ఞూపచయకథావణ్ణనా
1. Atthi arahato puññūpacayakathāvaṇṇanā
౭౭౬-౭౭౯. ఇదాని అత్థి అరహతో పుఞ్ఞూపచయోతికథా నామ హోతి. తత్థ యేసం అరహతో దానసంవిభాగచేతియవన్దనాదీని కమ్మాని దిస్వా అత్థి అరహతో పుఞ్ఞూపచయోతి లద్ధి, సేయ్యథాపి అన్ధకానం; తే సన్ధాయ పుచ్ఛా సకవాదిస్స, పటిఞ్ఞా ఇతరస్స. అథ నం ‘‘అరహా నామ పహీనపుఞ్ఞపాపో, సో యది పుఞ్ఞం కరేయ్య, పాపమ్పి కరేయ్యా’’తి చోదేతుం అపుఞ్ఞూపచయోతి ఆహ. ఇతరో పాణాతిపాతాదికిరియం అపస్సన్తో పటిక్ఖిపతి. పుఞ్ఞాభిసఙ్ఖారన్తిఆదీసు భవగామికమ్మం అరహతో నత్థీతి పటిక్ఖిపతి. దానం దదేయ్యాతిఆదీసు కిరియచిత్తేన దానాదిపవత్తిసబ్భావతో సకవాదీ పటిజానాతి. ఇతరో చిత్తం అనాదియిత్వా కిరియాపవత్తిమత్తదస్సనేనేవ లద్ధిం పతిట్ఠపేతి. సా పన అయోనిసో పతిట్ఠాపితత్తా అప్పతిట్ఠాపితా హోతీతి.
776-779. Idāni atthi arahato puññūpacayotikathā nāma hoti. Tattha yesaṃ arahato dānasaṃvibhāgacetiyavandanādīni kammāni disvā atthi arahato puññūpacayoti laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘arahā nāma pahīnapuññapāpo, so yadi puññaṃ kareyya, pāpampi kareyyā’’ti codetuṃ apuññūpacayoti āha. Itaro pāṇātipātādikiriyaṃ apassanto paṭikkhipati. Puññābhisaṅkhārantiādīsu bhavagāmikammaṃ arahato natthīti paṭikkhipati. Dānaṃ dadeyyātiādīsu kiriyacittena dānādipavattisabbhāvato sakavādī paṭijānāti. Itaro cittaṃ anādiyitvā kiriyāpavattimattadassaneneva laddhiṃ patiṭṭhapeti. Sā pana ayoniso patiṭṭhāpitattā appatiṭṭhāpitā hotīti.
అత్థి అరహతో పుఞ్ఞూపచయోతికథావణ్ణనా.
Atthi arahato puññūpacayotikathāvaṇṇanā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / కథావత్థుపాళి • Kathāvatthupāḷi / (౧౬౬) ౧. అరహతో పుఞ్ఞూపచయకథా • (166) 1. Arahato puññūpacayakathā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-మూలటీకా • Pañcapakaraṇa-mūlaṭīkā / ౧. అత్థిఅరహతోపుఞ్ఞూపచయకథావణ్ణనా • 1. Atthiarahatopuññūpacayakathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-అనుటీకా • Pañcapakaraṇa-anuṭīkā / ౧. అత్థిఅరహతోపుఞ్ఞూపచయకథావణ్ణనా • 1. Atthiarahatopuññūpacayakathāvaṇṇanā
