| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๑๗. สตฺตรสมวโคฺค
17. Sattarasamavaggo
๑. อตฺถิ อรหโต ปุญฺญูปจยกถาวณฺณนา
1. Atthi arahato puññūpacayakathāvaṇṇanā
๗๗๖-๗๗๙. อิทานิ อตฺถิ อรหโต ปุญฺญูปจโยติกถา นาม โหติฯ ตตฺถ เยสํ อรหโต ทานสํวิภาคเจติยวนฺทนาทีนิ กมฺมานิ ทิสฺวา อตฺถิ อรหโต ปุญฺญูปจโยติ ลทฺธิ, เสยฺยถาปิ อนฺธกานํ; เต สนฺธาย ปุจฺฉา สกวาทิสฺส, ปฎิญฺญา อิตรสฺสฯ อถ นํ ‘‘อรหา นาม ปหีนปุญฺญปาโป, โส ยทิ ปุญฺญํ กเรยฺย, ปาปมฺปิ กเรยฺยา’’ติ โจเทตุํ อปุญฺญูปจโยติ อาหฯ อิตโร ปาณาติปาตาทิกิริยํ อปสฺสโนฺต ปฎิกฺขิปติฯ ปุญฺญาภิสงฺขารนฺติอาทีสุ ภวคามิกมฺมํ อรหโต นตฺถีติ ปฎิกฺขิปติฯ ทานํ ทเทยฺยาติอาทีสุ กิริยจิเตฺตน ทานาทิปวตฺติสพฺภาวโต สกวาที ปฎิชานาติฯ อิตโร จิตฺตํ อนาทิยิตฺวา กิริยาปวตฺติมตฺตทสฺสเนเนว ลทฺธิํ ปติฎฺฐเปติฯ สา ปน อโยนิโส ปติฎฺฐาปิตตฺตา อปฺปติฎฺฐาปิตา โหตีติฯ
776-779. Idāni atthi arahato puññūpacayotikathā nāma hoti. Tattha yesaṃ arahato dānasaṃvibhāgacetiyavandanādīni kammāni disvā atthi arahato puññūpacayoti laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘arahā nāma pahīnapuññapāpo, so yadi puññaṃ kareyya, pāpampi kareyyā’’ti codetuṃ apuññūpacayoti āha. Itaro pāṇātipātādikiriyaṃ apassanto paṭikkhipati. Puññābhisaṅkhārantiādīsu bhavagāmikammaṃ arahato natthīti paṭikkhipati. Dānaṃ dadeyyātiādīsu kiriyacittena dānādipavattisabbhāvato sakavādī paṭijānāti. Itaro cittaṃ anādiyitvā kiriyāpavattimattadassaneneva laddhiṃ patiṭṭhapeti. Sā pana ayoniso patiṭṭhāpitattā appatiṭṭhāpitā hotīti.
อตฺถิ อรหโต ปุญฺญูปจโยติกถาวณฺณนาฯ
Atthi arahato puññūpacayotikathāvaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๑๖๖) ๑. อรหโต ปุญฺญูปจยกถา • (166) 1. Arahato puññūpacayakathā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๑. อตฺถิอรหโตปุญฺญูปจยกถาวณฺณนา • 1. Atthiarahatopuññūpacayakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๑. อตฺถิอรหโตปุญฺญูปจยกถาวณฺณนา • 1. Atthiarahatopuññūpacayakathāvaṇṇanā
