| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၁၇. သတ္တရသမဝဂ္ဂော
17. Sattarasamavaggo
၁. အတ္ထိ အရဟတော ပုညူပစယကထာဝဏ္ဏနာ
1. Atthi arahato puññūpacayakathāvaṇṇanā
၇၇၆-၇၇၉. ဣဒာနိ အတ္ထိ အရဟတော ပုညူပစယောတိကထာ နာမ ဟောတိ။ တတ္ထ ယေသံ အရဟတော ဒာနသံဝိဘာဂစေတိယဝန္ဒနာဒီနိ ကမ္မာနိ ဒိသ္ဝာ အတ္ထိ အရဟတော ပုညူပစယောတိ လဒ္ဓိ, သေယ္ယထာပိ အန္ဓကာနံ; တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ အထ နံ ‘‘အရဟာ နာမ ပဟီနပုညပာပော, သော ယဒိ ပုညံ ကရေယ္ယ, ပာပမ္ပိ ကရေယ္ယာ’’တိ စောဒေတုံ အပုညူပစယောတိ အာဟ။ ဣတရော ပာဏာတိပာတာဒိကိရိယံ အပသ္သန္တော ပဋိက္ခိပတိ။ ပုညာဘိသင္ခာရန္တိအာဒီသု ဘဝဂာမိကမ္မံ အရဟတော နတ္ထီတိ ပဋိက္ခိပတိ။ ဒာနံ ဒဒေယ္ယာတိအာဒီသု ကိရိယစိတ္တေန ဒာနာဒိပဝတ္တိသဗ္ဘာဝတော သကဝာဒီ ပဋိဇာနာတိ။ ဣတရော စိတ္တံ အနာဒိယိတ္ဝာ ကိရိယာပဝတ္တိမတ္တဒသ္သနေနေဝ လဒ္ဓိံ ပတိဋ္ဌပေတိ။ သာ ပန အယောနိသော ပတိဋ္ဌာပိတတ္တာ အပ္ပတိဋ္ဌာပိတာ ဟောတီတိ။
776-779. Idāni atthi arahato puññūpacayotikathā nāma hoti. Tattha yesaṃ arahato dānasaṃvibhāgacetiyavandanādīni kammāni disvā atthi arahato puññūpacayoti laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘arahā nāma pahīnapuññapāpo, so yadi puññaṃ kareyya, pāpampi kareyyā’’ti codetuṃ apuññūpacayoti āha. Itaro pāṇātipātādikiriyaṃ apassanto paṭikkhipati. Puññābhisaṅkhārantiādīsu bhavagāmikammaṃ arahato natthīti paṭikkhipati. Dānaṃ dadeyyātiādīsu kiriyacittena dānādipavattisabbhāvato sakavādī paṭijānāti. Itaro cittaṃ anādiyitvā kiriyāpavattimattadassaneneva laddhiṃ patiṭṭhapeti. Sā pana ayoniso patiṭṭhāpitattā appatiṭṭhāpitā hotīti.
အတ္ထိ အရဟတော ပုညူပစယောတိကထာဝဏ္ဏနာ။
Atthi arahato puññūpacayotikathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၆၆) ၁. အရဟတော ပုညူပစယကထာ • (166) 1. Arahato puññūpacayakathā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၁. အတ္ထိအရဟတောပုညူပစယကထာဝဏ္ဏနာ • 1. Atthiarahatopuññūpacayakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၁. အတ္ထိအရဟတောပုညူပစယကထာဝဏ္ဏနာ • 1. Atthiarahatopuññūpacayakathāvaṇṇanā
