| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༡༧. སཏྟརསམཝགྒོ
17. Sattarasamavaggo
༡. ཨཏྠི ཨརཧཏོ པུཉྙཱུཔཙཡཀཐཱཝཎྞནཱ
1. Atthi arahato puññūpacayakathāvaṇṇanā
༧༧༦-༧༧༩. ཨིདཱནི ཨཏྠི ཨརཧཏོ པུཉྙཱུཔཙཡོཏིཀཐཱ ནཱམ ཧོཏི། ཏཏྠ ཡེསཾ ཨརཧཏོ དཱནསཾཝིབྷཱགཙེཏིཡཝནྡནཱདཱིནི ཀམྨཱནི དིསྭཱ ཨཏྠི ཨརཧཏོ པུཉྙཱུཔཙཡོཏི ལདྡྷི, སེཡྻཐཱཔི ཨནྡྷཀཱནཾ; ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཐ ནཾ ‘‘ཨརཧཱ ནཱམ པཧཱིནཔུཉྙཔཱཔོ, སོ ཡདི པུཉྙཾ ཀརེཡྻ, པཱཔམྤི ཀརེཡྻཱ’’ཏི ཙོདེཏུཾ ཨཔུཉྙཱུཔཙཡོཏི ཨཱཧ། ཨིཏརོ པཱཎཱཏིཔཱཏཱདིཀིརིཡཾ ཨཔསྶནྟོ པཊིཀྑིཔཏི། པུཉྙཱབྷིསངྑཱརནྟིཨཱདཱིསུ བྷཝགཱམིཀམྨཾ ཨརཧཏོ ནཏྠཱིཏི པཊིཀྑིཔཏི། དཱནཾ དདེཡྻཱཏིཨཱདཱིསུ ཀིརིཡཙིཏྟེན དཱནཱདིཔཝཏྟིསབྦྷཱཝཏོ སཀཝཱདཱི པཊིཛཱནཱཏི། ཨིཏརོ ཙིཏྟཾ ཨནཱདིཡིཏྭཱ ཀིརིཡཱཔཝཏྟིམཏྟདསྶནེནེཝ ལདྡྷིཾ པཏིཊྛཔེཏི། སཱ པན ཨཡོནིསོ པཏིཊྛཱཔིཏཏྟཱ ཨཔྤཏིཊྛཱཔིཏཱ ཧོཏཱིཏི།
776-779. Idāni atthi arahato puññūpacayotikathā nāma hoti. Tattha yesaṃ arahato dānasaṃvibhāgacetiyavandanādīni kammāni disvā atthi arahato puññūpacayoti laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘arahā nāma pahīnapuññapāpo, so yadi puññaṃ kareyya, pāpampi kareyyā’’ti codetuṃ apuññūpacayoti āha. Itaro pāṇātipātādikiriyaṃ apassanto paṭikkhipati. Puññābhisaṅkhārantiādīsu bhavagāmikammaṃ arahato natthīti paṭikkhipati. Dānaṃ dadeyyātiādīsu kiriyacittena dānādipavattisabbhāvato sakavādī paṭijānāti. Itaro cittaṃ anādiyitvā kiriyāpavattimattadassaneneva laddhiṃ patiṭṭhapeti. Sā pana ayoniso patiṭṭhāpitattā appatiṭṭhāpitā hotīti.
ཨཏྠི ཨརཧཏོ པུཉྙཱུཔཙཡོཏིཀཐཱཝཎྞནཱ།
Atthi arahato puññūpacayotikathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༦༦) ༡. ཨརཧཏོ པུཉྙཱུཔཙཡཀཐཱ • (166) 1. Arahato puññūpacayakathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༡. ཨཏྠིཨརཧཏོཔུཉྙཱུཔཙཡཀཐཱཝཎྞནཱ • 1. Atthiarahatopuññūpacayakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡. ཨཏྠིཨརཧཏོཔུཉྙཱུཔཙཡཀཐཱཝཎྞནཱ • 1. Atthiarahatopuññūpacayakathāvaṇṇanā
