| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. ஆனாபானவக்³கோ³
7. Ānāpānavaggo
1. அட்டி²கமஹப்ப²லஸுத்தாதி³வண்ணனா
1. Aṭṭhikamahapphalasuttādivaṇṇanā
238. ஸத்தமாதீ³ஸு அட்டி²கஸஞ்ஞாதி அட்டி²கங் அட்டி²கந்தி பா⁴வெந்தஸ்ஸ உப்பன்னஸஞ்ஞா. தங் பனேதங் பா⁴வயதோ யாவ நிமித்தங் ந உப்பஜ்ஜதி, தாவ ச²விபி சம்மம்பி உபட்டா²தி. நிமித்தே பன உப்பன்னே ச²விசம்மானி நேவ உபட்ட²ஹந்தி, ஸங்க²வண்ணோ ஸுத்³த⁴அட்டி²கஸங்கா⁴டோவ உபட்டா²தி ஹத்தி²க்க²ந்த⁴க³தங் த⁴ம்மிகதிஸ்ஸராஜானங் ஓலோகெந்தஸ்ஸ ஸாமணேரஸ்ஸ விய, படிமக்³கே³ ஹஸமானங் இத்தி²ங் ஓலோகெந்தஸ்ஸ சேதியபப்³ப³தவாஸினோ திஸ்ஸத்தே²ரஸ்ஸ விய சாதி. வத்தூ²னி விஸுத்³தி⁴மக்³கே³ (விஸுத்³தி⁴॰ 1.15) வித்தா²ரிதானி. ஸதி வா உபாதி³ஸேஸேதி க³ஹணஸேஸே உபாதா³னஸேஸே விஜ்ஜமானம்ஹி.
238. Sattamādīsu aṭṭhikasaññāti aṭṭhikaṃ aṭṭhikanti bhāventassa uppannasaññā. Taṃ panetaṃ bhāvayato yāva nimittaṃ na uppajjati, tāva chavipi cammampi upaṭṭhāti. Nimitte pana uppanne chavicammāni neva upaṭṭhahanti, saṅkhavaṇṇo suddhaaṭṭhikasaṅghāṭova upaṭṭhāti hatthikkhandhagataṃ dhammikatissarājānaṃ olokentassa sāmaṇerassa viya, paṭimagge hasamānaṃ itthiṃ olokentassa cetiyapabbatavāsino tissattherassa viya cāti. Vatthūni visuddhimagge (visuddhi. 1.15) vitthāritāni. Sati vā upādiseseti gahaṇasese upādānasese vijjamānamhi.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. அட்டி²கமஹப்ப²லஸுத்தங் • 1. Aṭṭhikamahapphalasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. அட்டி²கமஹப்ப²லஸுத்தாதி³வண்ணனா • 1. Aṭṭhikamahapphalasuttādivaṇṇanā
