| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៧. អានាបានវគ្គោ
7. Ānāpānavaggo
១. អដ្ឋិកមហប្ផលសុត្តាទិវណ្ណនា
1. Aṭṭhikamahapphalasuttādivaṇṇanā
២៣៨. សត្តមាទីសុ អដ្ឋិកសញ្ញាតិ អដ្ឋិកំ អដ្ឋិកន្តិ ភាវេន្តស្ស ឧប្បន្នសញ្ញា។ តំ បនេតំ ភាវយតោ យាវ និមិត្តំ ន ឧប្បជ្ជតិ, តាវ ឆវិបិ ចម្មម្បិ ឧបដ្ឋាតិ។ និមិត្តេ បន ឧប្បន្នេ ឆវិចម្មានិ នេវ ឧបដ្ឋហន្តិ, សង្ខវណ្ណោ សុទ្ធអដ្ឋិកសង្ឃាដោវ ឧបដ្ឋាតិ ហត្ថិក្ខន្ធគតំ ធម្មិកតិស្សរាជានំ ឱលោកេន្តស្ស សាមណេរស្ស វិយ, បដិមគ្គេ ហសមានំ ឥត្ថិំ ឱលោកេន្តស្ស ចេតិយបព្ពតវាសិនោ តិស្សត្ថេរស្ស វិយ ចាតិ។ វត្ថូនិ វិសុទ្ធិមគ្គេ (វិសុទ្ធិ. ១.១៥) វិត្ថារិតានិ។ សតិ វា ឧបាទិសេសេតិ គហណសេសេ ឧបាទានសេសេ វិជ្ជមានម្ហិ។
238. Sattamādīsu aṭṭhikasaññāti aṭṭhikaṃ aṭṭhikanti bhāventassa uppannasaññā. Taṃ panetaṃ bhāvayato yāva nimittaṃ na uppajjati, tāva chavipi cammampi upaṭṭhāti. Nimitte pana uppanne chavicammāni neva upaṭṭhahanti, saṅkhavaṇṇo suddhaaṭṭhikasaṅghāṭova upaṭṭhāti hatthikkhandhagataṃ dhammikatissarājānaṃ olokentassa sāmaṇerassa viya, paṭimagge hasamānaṃ itthiṃ olokentassa cetiyapabbatavāsino tissattherassa viya cāti. Vatthūni visuddhimagge (visuddhi. 1.15) vitthāritāni. Sati vā upādiseseti gahaṇasese upādānasese vijjamānamhi.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១. អដ្ឋិកមហប្ផលសុត្តំ • 1. Aṭṭhikamahapphalasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១. អដ្ឋិកមហប្ផលសុត្តាទិវណ្ណនា • 1. Aṭṭhikamahapphalasuttādivaṇṇanā
