| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೭. ಆನಾಪಾನವಗ್ಗೋ
7. Ānāpānavaggo
೧. ಅಟ್ಠಿಕಮಹಪ್ಫಲಸುತ್ತಾದಿವಣ್ಣನಾ
1. Aṭṭhikamahapphalasuttādivaṇṇanā
೨೩೮. ಸತ್ತಮಾದೀಸು ಅಟ್ಠಿಕಸಞ್ಞಾತಿ ಅಟ್ಠಿಕಂ ಅಟ್ಠಿಕನ್ತಿ ಭಾವೇನ್ತಸ್ಸ ಉಪ್ಪನ್ನಸಞ್ಞಾ। ತಂ ಪನೇತಂ ಭಾವಯತೋ ಯಾವ ನಿಮಿತ್ತಂ ನ ಉಪ್ಪಜ್ಜತಿ, ತಾವ ಛವಿಪಿ ಚಮ್ಮಮ್ಪಿ ಉಪಟ್ಠಾತಿ। ನಿಮಿತ್ತೇ ಪನ ಉಪ್ಪನ್ನೇ ಛವಿಚಮ್ಮಾನಿ ನೇವ ಉಪಟ್ಠಹನ್ತಿ, ಸಙ್ಖವಣ್ಣೋ ಸುದ್ಧಅಟ್ಠಿಕಸಙ್ಘಾಟೋವ ಉಪಟ್ಠಾತಿ ಹತ್ಥಿಕ್ಖನ್ಧಗತಂ ಧಮ್ಮಿಕತಿಸ್ಸರಾಜಾನಂ ಓಲೋಕೇನ್ತಸ್ಸ ಸಾಮಣೇರಸ್ಸ ವಿಯ, ಪಟಿಮಗ್ಗೇ ಹಸಮಾನಂ ಇತ್ಥಿಂ ಓಲೋಕೇನ್ತಸ್ಸ ಚೇತಿಯಪಬ್ಬತವಾಸಿನೋ ತಿಸ್ಸತ್ಥೇರಸ್ಸ ವಿಯ ಚಾತಿ। ವತ್ಥೂನಿ ವಿಸುದ್ಧಿಮಗ್ಗೇ (ವಿಸುದ್ಧಿ॰ ೧.೧೫) ವಿತ್ಥಾರಿತಾನಿ। ಸತಿ ವಾ ಉಪಾದಿಸೇಸೇತಿ ಗಹಣಸೇಸೇ ಉಪಾದಾನಸೇಸೇ ವಿಜ್ಜಮಾನಮ್ಹಿ।
238. Sattamādīsu aṭṭhikasaññāti aṭṭhikaṃ aṭṭhikanti bhāventassa uppannasaññā. Taṃ panetaṃ bhāvayato yāva nimittaṃ na uppajjati, tāva chavipi cammampi upaṭṭhāti. Nimitte pana uppanne chavicammāni neva upaṭṭhahanti, saṅkhavaṇṇo suddhaaṭṭhikasaṅghāṭova upaṭṭhāti hatthikkhandhagataṃ dhammikatissarājānaṃ olokentassa sāmaṇerassa viya, paṭimagge hasamānaṃ itthiṃ olokentassa cetiyapabbatavāsino tissattherassa viya cāti. Vatthūni visuddhimagge (visuddhi. 1.15) vitthāritāni. Sati vā upādiseseti gahaṇasese upādānasese vijjamānamhi.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧. ಅಟ್ಠಿಕಮಹಪ್ಫಲಸುತ್ತಂ • 1. Aṭṭhikamahapphalasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧. ಅಟ್ಠಿಕಮಹಪ್ಫಲಸುತ್ತಾದಿವಣ್ಣನಾ • 1. Aṭṭhikamahapphalasuttādivaṇṇanā
