| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
7. ආනාපානවග්‌ගො
7. Ānāpānavaggo
1. අට්‌ඨිකමහප්‌ඵලසුත්‌තාදිවණ්‌ණනා
1. Aṭṭhikamahapphalasuttādivaṇṇanā
238. සත්‌තමාදීසු අට්‌ඨිකසඤ්‌ඤාති අට්‌ඨිකං අට්‌ඨිකන්‌ති භාවෙන්‌තස්‌ස උප්‌පන්‌නසඤ්‌ඤා. තං පනෙතං භාවයතො යාව නිමිත්‌තං න උප්‌පජ්‌ජති, තාව ඡවිපි චම්‌මම්‌පි උපට්‌ඨාති. නිමිත්‌තෙ පන උප්‌පන්‌නෙ ඡවිචම්‌මානි නෙව උපට්‌ඨහන්‌ති, සඞ්‌ඛවණ්‌ණො සුද්‌ධඅට්‌ඨිකසඞ්‌ඝාටොව උපට්‌ඨාති හත්‌ථික්‌ඛන්‌ධගතං ධම්‌මිකතිස්‌සරාජානං ඔලොකෙන්‌තස්‌ස සාමණෙරස්‌ස විය, පටිමග්‌ගෙ හසමානං ඉත්‌ථිං ඔලොකෙන්‌තස්‌ස චෙතියපබ්‌බතවාසිනො තිස්‌සත්‌ථෙරස්‌ස විය චාති. වත්‌ථූනි විසුද්‌ධිමග්‌ගෙ (විසුද්‌ධි. 1.15) විත්‌ථාරිතානි. සති වා උපාදිසෙසෙති ගහණසෙසෙ උපාදානසෙසෙ විජ්‌ජමානම්‌හි.
238. Sattamādīsu aṭṭhikasaññāti aṭṭhikaṃ aṭṭhikanti bhāventassa uppannasaññā. Taṃ panetaṃ bhāvayato yāva nimittaṃ na uppajjati, tāva chavipi cammampi upaṭṭhāti. Nimitte pana uppanne chavicammāni neva upaṭṭhahanti, saṅkhavaṇṇo suddhaaṭṭhikasaṅghāṭova upaṭṭhāti hatthikkhandhagataṃ dhammikatissarājānaṃ olokentassa sāmaṇerassa viya, paṭimagge hasamānaṃ itthiṃ olokentassa cetiyapabbatavāsino tissattherassa viya cāti. Vatthūni visuddhimagge (visuddhi. 1.15) vitthāritāni. Sati vā upādiseseti gahaṇasese upādānasese vijjamānamhi.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 1. අට්‌ඨිකමහප්‌ඵලසුත්‌තං • 1. Aṭṭhikamahapphalasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1. අට්‌ඨිකමහප්‌ඵලසුත්‌තාදිවණ්‌ණනා • 1. Aṭṭhikamahapphalasuttādivaṇṇanā
