| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਆਨਾਪਾਨવਗ੍ਗੋ
7. Ānāpānavaggo
੧. ਅਟ੍ਠਿਕਮਹਪ੍ਫਲਸੁਤ੍ਤਾਦਿવਣ੍ਣਨਾ
1. Aṭṭhikamahapphalasuttādivaṇṇanā
੨੩੮. ਸਤ੍ਤਮਾਦੀਸੁ ਅਟ੍ਠਿਕਸਞ੍ਞਾਤਿ ਅਟ੍ਠਿਕਂ ਅਟ੍ਠਿਕਨ੍ਤਿ ਭਾવੇਨ੍ਤਸ੍ਸ ਉਪ੍ਪਨ੍ਨਸਞ੍ਞਾ। ਤਂ ਪਨੇਤਂ ਭਾવਯਤੋ ਯਾવ ਨਿਮਿਤ੍ਤਂ ਨ ਉਪ੍ਪਜ੍ਜਤਿ, ਤਾવ ਛવਿਪਿ ਚਮ੍ਮਮ੍ਪਿ ਉਪਟ੍ਠਾਤਿ। ਨਿਮਿਤ੍ਤੇ ਪਨ ਉਪ੍ਪਨ੍ਨੇ ਛવਿਚਮ੍ਮਾਨਿ ਨੇવ ਉਪਟ੍ਠਹਨ੍ਤਿ, ਸਙ੍ਖવਣ੍ਣੋ ਸੁਦ੍ਧਅਟ੍ਠਿਕਸਙ੍ਘਾਟੋવ ਉਪਟ੍ਠਾਤਿ ਹਤ੍ਥਿਕ੍ਖਨ੍ਧਗਤਂ ਧਮ੍ਮਿਕਤਿਸ੍ਸਰਾਜਾਨਂ ਓਲੋਕੇਨ੍ਤਸ੍ਸ ਸਾਮਣੇਰਸ੍ਸ વਿਯ, ਪਟਿਮਗ੍ਗੇ ਹਸਮਾਨਂ ਇਤ੍ਥਿਂ ਓਲੋਕੇਨ੍ਤਸ੍ਸ ਚੇਤਿਯਪਬ੍ਬਤવਾਸਿਨੋ ਤਿਸ੍ਸਤ੍ਥੇਰਸ੍ਸ વਿਯ ਚਾਤਿ। વਤ੍ਥੂਨਿ વਿਸੁਦ੍ਧਿਮਗ੍ਗੇ (વਿਸੁਦ੍ਧਿ॰ ੧.੧੫) વਿਤ੍ਥਾਰਿਤਾਨਿ। ਸਤਿ વਾ ਉਪਾਦਿਸੇਸੇਤਿ ਗਹਣਸੇਸੇ ਉਪਾਦਾਨਸੇਸੇ વਿਜ੍ਜਮਾਨਮ੍ਹਿ।
238. Sattamādīsu aṭṭhikasaññāti aṭṭhikaṃ aṭṭhikanti bhāventassa uppannasaññā. Taṃ panetaṃ bhāvayato yāva nimittaṃ na uppajjati, tāva chavipi cammampi upaṭṭhāti. Nimitte pana uppanne chavicammāni neva upaṭṭhahanti, saṅkhavaṇṇo suddhaaṭṭhikasaṅghāṭova upaṭṭhāti hatthikkhandhagataṃ dhammikatissarājānaṃ olokentassa sāmaṇerassa viya, paṭimagge hasamānaṃ itthiṃ olokentassa cetiyapabbatavāsino tissattherassa viya cāti. Vatthūni visuddhimagge (visuddhi. 1.15) vitthāritāni. Sati vā upādiseseti gahaṇasese upādānasese vijjamānamhi.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਅਟ੍ਠਿਕਮਹਪ੍ਫਲਸੁਤ੍ਤਂ • 1. Aṭṭhikamahapphalasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਅਟ੍ਠਿਕਮਹਪ੍ਫਲਸੁਤ੍ਤਾਦਿવਣ੍ਣਨਾ • 1. Aṭṭhikamahapphalasuttādivaṇṇanā
