| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. ад̇т̇инукобарияааяасуд̇д̇ам̣
8. Atthinukhopariyāyasuttaṃ
153. ‘‘ад̇т̇и ну ко, бхигкавз, барияааяо яам̣ барияааяам̣ ааг̇амма бхигку ан̃н̃ад̇рзва сад̣̇д̇хааяа, ан̃н̃ад̇ра ружияаа, ан̃н̃ад̇ра ануссаваа, ан̃н̃ад̇ра аагаарабаривид̇аггаа, ан̃н̃ад̇ра д̣̇идтиниж̇жхаанагканд̇ияаа ан̃н̃ам̣ б̣яаагарзяяа – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамий’’д̇и 1? ‘‘бхаг̇авам̣муулагаа но, бханд̇з, д̇хаммаа, бхаг̇авам̣нзд̇д̇игаа бхаг̇авам̣бадисаран̣аа. саад̇ху вад̇а, бханд̇з, бхаг̇аванд̇ам̣язва бадибхаад̇у зд̇асса бхаасид̇асса ад̇т̇о. бхаг̇авад̇о суд̇ваа бхигкуу д̇хаарзссанд̇ий’’д̇и. ‘‘д̇зна хи, бхигкавз, сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘ад̇т̇и, бхигкавз, барияааяо яам̣ барияааяам̣ ааг̇амма бхигку ан̃н̃ад̇рзва сад̣̇д̇хааяа, ан̃н̃ад̇ра ружияаа, ан̃н̃ад̇ра ануссаваа, ан̃н̃ад̇ра аагаарабаривид̇аггаа, ан̃н̃ад̇ра д̣̇идтиниж̇жхаанагканд̇ияаа ан̃н̃ам̣ б̣яаагарзяяа – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамий’’д̇и.
153. ‘‘Atthi nu kho, bhikkhave, pariyāyo yaṃ pariyāyaṃ āgamma bhikkhu aññatreva saddhāya, aññatra ruciyā, aññatra anussavā, aññatra ākāraparivitakkā, aññatra diṭṭhinijjhānakkhantiyā aññaṃ byākareyya – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti 2? ‘‘Bhagavaṃmūlakā no, bhante, dhammā, bhagavaṃnettikā bhagavaṃpaṭisaraṇā. Sādhu vata, bhante, bhagavantaṃyeva paṭibhātu etassa bhāsitassa attho. Bhagavato sutvā bhikkhū dhāressantī’’ti. ‘‘Tena hi, bhikkhave, suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca – ‘‘atthi, bhikkhave, pariyāyo yaṃ pariyāyaṃ āgamma bhikkhu aññatreva saddhāya, aññatra ruciyā, aññatra anussavā, aññatra ākāraparivitakkā, aññatra diṭṭhinijjhānakkhantiyā aññaṃ byākareyya – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti.
‘‘гад̇амо жа, бхигкавз, барияааяо, яам̣ барияааяам̣ ааг̇амма бхигку ан̃н̃ад̇рзва сад̣̇д̇хааяа…бз… ан̃н̃ад̇ра д̣̇идтиниж̇жхаанагканд̇ияаа ан̃н̃ам̣ б̣яаагарод̇и – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаад̇и баж̇аанаамий’д̇и? ид̇ха, бхигкавз, бхигку жагкунаа руубам̣ д̣̇исваа санд̇ам̣ ваа аж̇жхад̇д̇ам̣ рааг̇ад̣̇осамохам̣, ад̇т̇и мз аж̇жхад̇д̇ам̣ рааг̇ад̣̇осамоход̇и баж̇аанаад̇и ; асанд̇ам̣ ваа аж̇жхад̇д̇ам̣ рааг̇ад̣̇осамохам̣, над̇т̇и мз аж̇жхад̇д̇ам̣ рааг̇ад̣̇осамоход̇и баж̇аанаад̇и. яам̣ д̇ам̣, бхигкавз, бхигку жагкунаа руубам̣ д̣̇исваа санд̇ам̣ ваа аж̇жхад̇д̇ам̣ рааг̇ад̣̇осамохам̣, ад̇т̇и мз аж̇жхад̇д̇ам̣ рааг̇ад̣̇осамоход̇и баж̇аанаад̇и; асанд̇ам̣ ваа аж̇жхад̇д̇ам̣ рааг̇ад̣̇осамохам̣, над̇т̇и мз аж̇жхад̇д̇ам̣ рааг̇ад̣̇осамоход̇и баж̇аанаад̇и. аби нумз, бхигкавз, д̇хаммаа сад̣̇д̇хааяа ваа взд̣̇ид̇аб̣б̣аа, ружияаа ваа взд̣̇ид̇аб̣б̣аа, ануссавзна ваа взд̣̇ид̇аб̣б̣аа, аагаарабаривид̇аггзна ваа взд̣̇ид̇аб̣б̣аа, д̣̇идтиниж̇жхаанагканд̇ияаа ваа взд̣̇ид̇аб̣б̣аа’’д̇и? ‘‘но хзд̇ам̣ , бханд̇з’’. ‘‘нанумз, бхигкавз, д̇хаммаа бан̃н̃ааяа д̣̇исваа взд̣̇ид̇аб̣б̣аа’’д̇и? ‘‘звам̣, бханд̇з’’. ‘‘аяам̣ ко, бхигкавз, барияааяо яам̣ барияааяам̣ ааг̇амма бхигку ан̃н̃ад̇рзва сад̣̇д̇хааяа, ан̃н̃ад̇ра ружияаа, ан̃н̃ад̇ра ануссаваа, ан̃н̃ад̇ра аагаарабаривид̇аггаа, ан̃н̃ад̇ра д̣̇идтиниж̇жхаанагканд̇ияаа ан̃н̃ам̣ б̣яаагарод̇и – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамий’’д̇и…бз….
‘‘Katamo ca, bhikkhave, pariyāyo, yaṃ pariyāyaṃ āgamma bhikkhu aññatreva saddhāya…pe… aññatra diṭṭhinijjhānakkhantiyā aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyāti pajānāmī’ti? Idha, bhikkhave, bhikkhu cakkhunā rūpaṃ disvā santaṃ vā ajjhattaṃ rāgadosamohaṃ, atthi me ajjhattaṃ rāgadosamohoti pajānāti ; asantaṃ vā ajjhattaṃ rāgadosamohaṃ, natthi me ajjhattaṃ rāgadosamohoti pajānāti. Yaṃ taṃ, bhikkhave, bhikkhu cakkhunā rūpaṃ disvā santaṃ vā ajjhattaṃ rāgadosamohaṃ, atthi me ajjhattaṃ rāgadosamohoti pajānāti; asantaṃ vā ajjhattaṃ rāgadosamohaṃ, natthi me ajjhattaṃ rāgadosamohoti pajānāti. Api nume, bhikkhave, dhammā saddhāya vā veditabbā, ruciyā vā veditabbā, anussavena vā veditabbā, ākāraparivitakkena vā veditabbā, diṭṭhinijjhānakkhantiyā vā veditabbā’’ti? ‘‘No hetaṃ , bhante’’. ‘‘Nanume, bhikkhave, dhammā paññāya disvā veditabbā’’ti? ‘‘Evaṃ, bhante’’. ‘‘Ayaṃ kho, bhikkhave, pariyāyo yaṃ pariyāyaṃ āgamma bhikkhu aññatreva saddhāya, aññatra ruciyā, aññatra anussavā, aññatra ākāraparivitakkā, aññatra diṭṭhinijjhānakkhantiyā aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti…pe….
‘‘буна жабарам̣, бхигкавз, бхигку ж̇ивхааяа расам̣ сааяид̇ваа санд̇ам̣ ваа аж̇жхад̇д̇ам̣…бз… рааг̇ад̣̇осамоход̇и баж̇аанаад̇и; асанд̇ам̣ ваа аж̇жхад̇д̇ам̣ рааг̇ад̣̇осамохам̣, над̇т̇и мз аж̇жхад̇д̇ам̣ рааг̇ад̣̇осамоход̇и баж̇аанаад̇и . яам̣ д̇ам̣, бхигкавз, ж̇ивхааяа расам̣ сааяид̇ваа санд̇ам̣ ваа аж̇жхад̇д̇ам̣ рааг̇ад̣̇осамохам̣, ад̇т̇и мз аж̇жхад̇д̇ам̣ рааг̇ад̣̇осамоход̇и баж̇аанаад̇и; асанд̇ам̣ ваа аж̇жхад̇д̇ам̣ рааг̇ад̣̇осамохам̣, над̇т̇и мз аж̇жхад̇д̇ам̣ рааг̇ад̣̇осамоход̇и баж̇аанаад̇и; аби нумз, бхигкавз, д̇хаммаа сад̣̇д̇хааяа ваа взд̣̇ид̇аб̣б̣аа, ружияаа ваа взд̣̇ид̇аб̣б̣аа, ануссавзна ваа взд̣̇ид̇аб̣б̣аа, аагаарабаривид̇аггзна ваа взд̣̇ид̇аб̣б̣аа, д̣̇идтиниж̇жхаанагканд̇ияаа ваа взд̣̇ид̇аб̣б̣аа’’д̇и? ‘‘но хзд̇ам̣, бханд̇з’’. ‘‘нанумз, бхигкавз, д̇хаммаа бан̃н̃ааяа д̣̇исваа взд̣̇ид̇аб̣б̣аа’’д̇и? ‘‘звам̣, бханд̇з’’. ‘‘аяамби ко, бхигкавз, барияааяо яам̣ барияааяам̣ ааг̇амма бхигку ан̃н̃ад̇рзва сад̣̇д̇хааяа, ан̃н̃ад̇ра ружияаа, ан̃н̃ад̇ра ануссаваа, ан̃н̃ад̇ра аагаарабаривид̇аггаа, ан̃н̃ад̇ра д̣̇идтиниж̇жхаанагканд̇ияаа ан̃н̃ам̣ б̣яаагарод̇и – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамий’’д̇и 3 …бз….
‘‘Puna caparaṃ, bhikkhave, bhikkhu jivhāya rasaṃ sāyitvā santaṃ vā ajjhattaṃ…pe… rāgadosamohoti pajānāti; asantaṃ vā ajjhattaṃ rāgadosamohaṃ, natthi me ajjhattaṃ rāgadosamohoti pajānāti . Yaṃ taṃ, bhikkhave, jivhāya rasaṃ sāyitvā santaṃ vā ajjhattaṃ rāgadosamohaṃ, atthi me ajjhattaṃ rāgadosamohoti pajānāti; asantaṃ vā ajjhattaṃ rāgadosamohaṃ, natthi me ajjhattaṃ rāgadosamohoti pajānāti; api nume, bhikkhave, dhammā saddhāya vā veditabbā, ruciyā vā veditabbā, anussavena vā veditabbā, ākāraparivitakkena vā veditabbā, diṭṭhinijjhānakkhantiyā vā veditabbā’’ti? ‘‘No hetaṃ, bhante’’. ‘‘Nanume, bhikkhave, dhammā paññāya disvā veditabbā’’ti? ‘‘Evaṃ, bhante’’. ‘‘Ayampi kho, bhikkhave, pariyāyo yaṃ pariyāyaṃ āgamma bhikkhu aññatreva saddhāya, aññatra ruciyā, aññatra anussavā, aññatra ākāraparivitakkā, aññatra diṭṭhinijjhānakkhantiyā aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti 4 …pe….
‘‘буна жабарам̣, бхигкавз, бхигку манасаа д̇хаммам̣ вин̃н̃ааяа санд̇ам̣ ваа аж̇жхад̇д̇ам̣ рааг̇ад̣̇осамохам̣, ад̇т̇и мз аж̇жхад̇д̇ам̣ рааг̇ад̣̇осамоход̇и баж̇аанаад̇и; асанд̇ам̣ ваа аж̇жхад̇д̇ам̣ рааг̇ад̣̇осамохам̣, над̇т̇и мз аж̇жхад̇д̇ам̣ рааг̇ад̣̇осамоход̇и баж̇аанаад̇и. яам̣ д̇ам̣, бхигкавз, бхигку манасаа д̇хаммам̣ вин̃н̃ааяа санд̇ам̣ ваа аж̇жхад̇д̇ам̣ рааг̇ад̣̇осамохам̣, ад̇т̇и мз аж̇жхад̇д̇ам̣ рааг̇ад̣̇осамоход̇и баж̇аанаад̇и; асанд̇ам̣ ваа аж̇жхад̇д̇ам̣ рааг̇ад̣̇осамохам̣, над̇т̇и мз аж̇жхад̇д̇ам̣ рааг̇ад̣̇осамоход̇и баж̇аанаад̇и; аби нумз, бхигкавз, д̇хаммаа сад̣̇д̇хааяа ваа взд̣̇ид̇аб̣б̣аа, ружияаа ваа взд̣̇ид̇аб̣б̣аа, ануссавзна ваа взд̣̇ид̇аб̣б̣аа, аагаарабаривид̇аггзна ваа взд̣̇ид̇аб̣б̣аа, д̣̇идтиниж̇жхаанагканд̇ияаа ваа взд̣̇ид̇аб̣б̣аа’’д̇и? ‘‘но хзд̇ам̣, бханд̇з’’. ‘‘нанумз, бхигкавз, д̇хаммаа бан̃н̃ааяа д̣̇исваа взд̣̇ид̇аб̣б̣аа’’д̇и? ‘‘звам̣, бханд̇з’’. ‘‘аяамби ко, бхигкавз, барияааяо яам̣ барияааяам̣ ааг̇амма бхигку ан̃н̃ад̇рзва сад̣̇д̇хааяа, ан̃н̃ад̇ра ружияаа, ан̃н̃ад̇ра ануссаваа, ан̃н̃ад̇ра аагаарабаривид̇аггаа, ан̃н̃ад̇ра д̣̇идтиниж̇жхаанагканд̇ияаа ан̃н̃ам̣ б̣яаагарод̇и – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамий’’д̇и. адтамам̣.
‘‘Puna caparaṃ, bhikkhave, bhikkhu manasā dhammaṃ viññāya santaṃ vā ajjhattaṃ rāgadosamohaṃ, atthi me ajjhattaṃ rāgadosamohoti pajānāti; asantaṃ vā ajjhattaṃ rāgadosamohaṃ, natthi me ajjhattaṃ rāgadosamohoti pajānāti. Yaṃ taṃ, bhikkhave, bhikkhu manasā dhammaṃ viññāya santaṃ vā ajjhattaṃ rāgadosamohaṃ, atthi me ajjhattaṃ rāgadosamohoti pajānāti; asantaṃ vā ajjhattaṃ rāgadosamohaṃ, natthi me ajjhattaṃ rāgadosamohoti pajānāti; api nume, bhikkhave, dhammā saddhāya vā veditabbā, ruciyā vā veditabbā, anussavena vā veditabbā, ākāraparivitakkena vā veditabbā, diṭṭhinijjhānakkhantiyā vā veditabbā’’ti? ‘‘No hetaṃ, bhante’’. ‘‘Nanume, bhikkhave, dhammā paññāya disvā veditabbā’’ti? ‘‘Evaṃ, bhante’’. ‘‘Ayampi kho, bhikkhave, pariyāyo yaṃ pariyāyaṃ āgamma bhikkhu aññatreva saddhāya, aññatra ruciyā, aññatra anussavā, aññatra ākāraparivitakkā, aññatra diṭṭhinijjhānakkhantiyā aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. ад̇т̇инукобарияааяасуд̇д̇аван̣н̣анаа • 8. Atthinukhopariyāyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. ад̇т̇инукобарияааяасуд̇д̇аван̣н̣анаа • 8. Atthinukhopariyāyasuttavaṇṇanā
