| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౮. అత్థినుఖోపరియాయసుత్తవణ్ణనా
8. Atthinukhopariyāyasuttavaṇṇanā
౧౫౩. అట్ఠమే యం పరియాయం ఆగమ్మాతి యం కారణం ఆగమ్మ. అఞ్ఞత్రేవ సద్ధాయాతి వినా సద్ధాయ సద్ధం అపనేత్వా. ఏత్థ చ సద్ధాతి న పచ్చక్ఖా సద్ధా. యో పన పరస్స ఏవం కిర ఏవం కిరాతి కథేన్తస్స సుత్వా ఉప్పన్నో సద్దహనాకారో, తం సన్ధాయేతం వుత్తం. రుచిఆదీసుపి రుచాపేత్వా ఖమాపేత్వా అత్థేతన్తి గహణాకారో రుచి నామ, ఏవం కిర భవిస్సతీతి అనుస్సవనం అనుస్సవో, నిసీదిత్వా ఏకం కారణం చిన్తేన్తస్స కారణం ఉపట్ఠాతి, ఏవం ఉపట్ఠితస్స అత్థేతన్తి గహణం ఆకారపరివితక్కో నామ, కారణవితక్కోతి అత్థో. కారణం చిన్తేన్తస్స పాపికా లద్ధి ఉప్పజ్జతి, తం అత్థేసాతి గహణాకారో దిట్ఠినిజ్ఝానక్ఖన్తి నామ. అఞ్ఞం బ్యాకరేయ్యాతి ఇమాని పఞ్చ ఠానాని ముఞ్చిత్వా అరహత్తం బ్యాకరేయ్య. ఇమస్మిం సుత్తే సేఖాసేఖానం పచ్చవేక్ఖణా కథితా.
153. Aṭṭhame yaṃ pariyāyaṃ āgammāti yaṃ kāraṇaṃ āgamma. Aññatreva saddhāyāti vinā saddhāya saddhaṃ apanetvā. Ettha ca saddhāti na paccakkhā saddhā. Yo pana parassa evaṃ kira evaṃ kirāti kathentassa sutvā uppanno saddahanākāro, taṃ sandhāyetaṃ vuttaṃ. Ruciādīsupi rucāpetvā khamāpetvā atthetanti gahaṇākāro ruci nāma, evaṃ kira bhavissatīti anussavanaṃ anussavo, nisīditvā ekaṃ kāraṇaṃ cintentassa kāraṇaṃ upaṭṭhāti, evaṃ upaṭṭhitassa atthetanti gahaṇaṃ ākāraparivitakko nāma, kāraṇavitakkoti attho. Kāraṇaṃ cintentassa pāpikā laddhi uppajjati, taṃ atthesāti gahaṇākāro diṭṭhinijjhānakkhanti nāma. Aññaṃ byākareyyāti imāni pañca ṭhānāni muñcitvā arahattaṃ byākareyya. Imasmiṃ sutte sekhāsekhānaṃ paccavekkhaṇā kathitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౮. అత్థినుఖోపరియాయసుత్తం • 8. Atthinukhopariyāyasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౮. అత్థినుఖోపరియాయసుత్తవణ్ణనా • 8. Atthinukhopariyāyasuttavaṇṇanā
