| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๘. อตฺถินุโขปริยายสุตฺตวณฺณนา
8. Atthinukhopariyāyasuttavaṇṇanā
๑๕๓. อฎฺฐเม ยํ ปริยายํ อาคมฺมาติ ยํ การณํ อาคมฺมฯ อญฺญเตฺรว สทฺธายาติ วินา สทฺธาย สทฺธํ อปเนตฺวาฯ เอตฺถ จ สทฺธาติ น ปจฺจกฺขา สทฺธาฯ โย ปน ปรสฺส เอวํ กิร เอวํ กิราติ กเถนฺตสฺส สุตฺวา อุปฺปโนฺน สทฺทหนากาโร, ตํ สนฺธาเยตํ วุตฺตํฯ รุจิอาทีสุปิ รุจาเปตฺวา ขมาเปตฺวา อเตฺถตนฺติ คหณากาโร รุจิ นาม, เอวํ กิร ภวิสฺสตีติ อนุสฺสวนํ อนุสฺสโว, นิสีทิตฺวา เอกํ การณํ จิเนฺตนฺตสฺส การณํ อุปฎฺฐาติ, เอวํ อุปฎฺฐิตสฺส อเตฺถตนฺติ คหณํ อาการปริวิตโกฺก นาม, การณวิตโกฺกติ อโตฺถฯ การณํ จิเนฺตนฺตสฺส ปาปิกา ลทฺธิ อุปฺปชฺชติ, ตํ อเตฺถสาติ คหณากาโร ทิฎฺฐินิชฺฌานกฺขนฺติ นามฯ อญฺญํ พฺยากเรยฺยาติ อิมานิ ปญฺจ ฐานานิ มุญฺจิตฺวา อรหตฺตํ พฺยากเรยฺยฯ อิมสฺมิํ สุเตฺต เสขาเสขานํ ปจฺจเวกฺขณา กถิตาฯ
153. Aṭṭhame yaṃ pariyāyaṃ āgammāti yaṃ kāraṇaṃ āgamma. Aññatreva saddhāyāti vinā saddhāya saddhaṃ apanetvā. Ettha ca saddhāti na paccakkhā saddhā. Yo pana parassa evaṃ kira evaṃ kirāti kathentassa sutvā uppanno saddahanākāro, taṃ sandhāyetaṃ vuttaṃ. Ruciādīsupi rucāpetvā khamāpetvā atthetanti gahaṇākāro ruci nāma, evaṃ kira bhavissatīti anussavanaṃ anussavo, nisīditvā ekaṃ kāraṇaṃ cintentassa kāraṇaṃ upaṭṭhāti, evaṃ upaṭṭhitassa atthetanti gahaṇaṃ ākāraparivitakko nāma, kāraṇavitakkoti attho. Kāraṇaṃ cintentassa pāpikā laddhi uppajjati, taṃ atthesāti gahaṇākāro diṭṭhinijjhānakkhanti nāma. Aññaṃ byākareyyāti imāni pañca ṭhānāni muñcitvā arahattaṃ byākareyya. Imasmiṃ sutte sekhāsekhānaṃ paccavekkhaṇā kathitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. อตฺถินุโขปริยายสุตฺตํ • 8. Atthinukhopariyāyasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๘. อตฺถินุโขปริยายสุตฺตวณฺณนา • 8. Atthinukhopariyāyasuttavaṇṇanā
