| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਅਤ੍ਥਿਨੁਖੋਪਰਿਯਾਯਸੁਤ੍ਤવਣ੍ਣਨਾ
8. Atthinukhopariyāyasuttavaṇṇanā
੧੫੩. ਅਟ੍ਠਮੇ ਯਂ ਪਰਿਯਾਯਂ ਆਗਮ੍ਮਾਤਿ ਯਂ ਕਾਰਣਂ ਆਗਮ੍ਮ। ਅਞ੍ਞਤ੍ਰੇવ ਸਦ੍ਧਾਯਾਤਿ વਿਨਾ ਸਦ੍ਧਾਯ ਸਦ੍ਧਂ ਅਪਨੇਤ੍વਾ। ਏਤ੍ਥ ਚ ਸਦ੍ਧਾਤਿ ਨ ਪਚ੍ਚਕ੍ਖਾ ਸਦ੍ਧਾ। ਯੋ ਪਨ ਪਰਸ੍ਸ ਏવਂ ਕਿਰ ਏવਂ ਕਿਰਾਤਿ ਕਥੇਨ੍ਤਸ੍ਸ ਸੁਤ੍વਾ ਉਪ੍ਪਨ੍ਨੋ ਸਦ੍ਦਹਨਾਕਾਰੋ, ਤਂ ਸਨ੍ਧਾਯੇਤਂ વੁਤ੍ਤਂ। ਰੁਚਿਆਦੀਸੁਪਿ ਰੁਚਾਪੇਤ੍વਾ ਖਮਾਪੇਤ੍વਾ ਅਤ੍ਥੇਤਨ੍ਤਿ ਗਹਣਾਕਾਰੋ ਰੁਚਿ ਨਾਮ, ਏવਂ ਕਿਰ ਭવਿਸ੍ਸਤੀਤਿ ਅਨੁਸ੍ਸવਨਂ ਅਨੁਸ੍ਸવੋ, ਨਿਸੀਦਿਤ੍વਾ ਏਕਂ ਕਾਰਣਂ ਚਿਨ੍ਤੇਨ੍ਤਸ੍ਸ ਕਾਰਣਂ ਉਪਟ੍ਠਾਤਿ, ਏવਂ ਉਪਟ੍ਠਿਤਸ੍ਸ ਅਤ੍ਥੇਤਨ੍ਤਿ ਗਹਣਂ ਆਕਾਰਪਰਿવਿਤਕ੍ਕੋ ਨਾਮ, ਕਾਰਣવਿਤਕ੍ਕੋਤਿ ਅਤ੍ਥੋ। ਕਾਰਣਂ ਚਿਨ੍ਤੇਨ੍ਤਸ੍ਸ ਪਾਪਿਕਾ ਲਦ੍ਧਿ ਉਪ੍ਪਜ੍ਜਤਿ, ਤਂ ਅਤ੍ਥੇਸਾਤਿ ਗਹਣਾਕਾਰੋ ਦਿਟ੍ਠਿਨਿਜ੍ਝਾਨਕ੍ਖਨ੍ਤਿ ਨਾਮ। ਅਞ੍ਞਂ ਬ੍ਯਾਕਰੇਯ੍ਯਾਤਿ ਇਮਾਨਿ ਪਞ੍ਚ ਠਾਨਾਨਿ ਮੁਞ੍ਚਿਤ੍વਾ ਅਰਹਤ੍ਤਂ ਬ੍ਯਾਕਰੇਯ੍ਯ। ਇਮਸ੍ਮਿਂ ਸੁਤ੍ਤੇ ਸੇਖਾਸੇਖਾਨਂ ਪਚ੍ਚવੇਕ੍ਖਣਾ ਕਥਿਤਾ।
153. Aṭṭhame yaṃ pariyāyaṃ āgammāti yaṃ kāraṇaṃ āgamma. Aññatreva saddhāyāti vinā saddhāya saddhaṃ apanetvā. Ettha ca saddhāti na paccakkhā saddhā. Yo pana parassa evaṃ kira evaṃ kirāti kathentassa sutvā uppanno saddahanākāro, taṃ sandhāyetaṃ vuttaṃ. Ruciādīsupi rucāpetvā khamāpetvā atthetanti gahaṇākāro ruci nāma, evaṃ kira bhavissatīti anussavanaṃ anussavo, nisīditvā ekaṃ kāraṇaṃ cintentassa kāraṇaṃ upaṭṭhāti, evaṃ upaṭṭhitassa atthetanti gahaṇaṃ ākāraparivitakko nāma, kāraṇavitakkoti attho. Kāraṇaṃ cintentassa pāpikā laddhi uppajjati, taṃ atthesāti gahaṇākāro diṭṭhinijjhānakkhanti nāma. Aññaṃ byākareyyāti imāni pañca ṭhānāni muñcitvā arahattaṃ byākareyya. Imasmiṃ sutte sekhāsekhānaṃ paccavekkhaṇā kathitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਅਤ੍ਥਿਨੁਖੋਪਰਿਯਾਯਸੁਤ੍ਤਂ • 8. Atthinukhopariyāyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਅਤ੍ਥਿਨੁਖੋਪਰਿਯਾਯਸੁਤ੍ਤવਣ੍ਣਨਾ • 8. Atthinukhopariyāyasuttavaṇṇanā
