| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൮. അത്ഥിനുഖോപരിയായസുത്തവണ്ണനാ
8. Atthinukhopariyāyasuttavaṇṇanā
൧൫൩. അട്ഠമേ യം പരിയായം ആഗമ്മാതി യം കാരണം ആഗമ്മ. അഞ്ഞത്രേവ സദ്ധായാതി വിനാ സദ്ധായ സദ്ധം അപനേത്വാ. ഏത്ഥ ച സദ്ധാതി ന പച്ചക്ഖാ സദ്ധാ. യോ പന പരസ്സ ഏവം കിര ഏവം കിരാതി കഥേന്തസ്സ സുത്വാ ഉപ്പന്നോ സദ്ദഹനാകാരോ, തം സന്ധായേതം വുത്തം. രുചിആദീസുപി രുചാപേത്വാ ഖമാപേത്വാ അത്ഥേതന്തി ഗഹണാകാരോ രുചി നാമ, ഏവം കിര ഭവിസ്സതീതി അനുസ്സവനം അനുസ്സവോ, നിസീദിത്വാ ഏകം കാരണം ചിന്തേന്തസ്സ കാരണം ഉപട്ഠാതി, ഏവം ഉപട്ഠിതസ്സ അത്ഥേതന്തി ഗഹണം ആകാരപരിവിതക്കോ നാമ, കാരണവിതക്കോതി അത്ഥോ. കാരണം ചിന്തേന്തസ്സ പാപികാ ലദ്ധി ഉപ്പജ്ജതി, തം അത്ഥേസാതി ഗഹണാകാരോ ദിട്ഠിനിജ്ഝാനക്ഖന്തി നാമ. അഞ്ഞം ബ്യാകരേയ്യാതി ഇമാനി പഞ്ച ഠാനാനി മുഞ്ചിത്വാ അരഹത്തം ബ്യാകരേയ്യ. ഇമസ്മിം സുത്തേ സേഖാസേഖാനം പച്ചവേക്ഖണാ കഥിതാ.
153. Aṭṭhame yaṃ pariyāyaṃ āgammāti yaṃ kāraṇaṃ āgamma. Aññatreva saddhāyāti vinā saddhāya saddhaṃ apanetvā. Ettha ca saddhāti na paccakkhā saddhā. Yo pana parassa evaṃ kira evaṃ kirāti kathentassa sutvā uppanno saddahanākāro, taṃ sandhāyetaṃ vuttaṃ. Ruciādīsupi rucāpetvā khamāpetvā atthetanti gahaṇākāro ruci nāma, evaṃ kira bhavissatīti anussavanaṃ anussavo, nisīditvā ekaṃ kāraṇaṃ cintentassa kāraṇaṃ upaṭṭhāti, evaṃ upaṭṭhitassa atthetanti gahaṇaṃ ākāraparivitakko nāma, kāraṇavitakkoti attho. Kāraṇaṃ cintentassa pāpikā laddhi uppajjati, taṃ atthesāti gahaṇākāro diṭṭhinijjhānakkhanti nāma. Aññaṃ byākareyyāti imāni pañca ṭhānāni muñcitvā arahattaṃ byākareyya. Imasmiṃ sutte sekhāsekhānaṃ paccavekkhaṇā kathitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൮. അത്ഥിനുഖോപരിയായസുത്തം • 8. Atthinukhopariyāyasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൮. അത്ഥിനുഖോപരിയായസുത്തവണ്ണനാ • 8. Atthinukhopariyāyasuttavaṇṇanā
