| Library / Tipiṭaka / තිපිටක • Tipiṭaka / පඤ්‌චපකරණ-මූලටීකා • Pañcapakaraṇa-mūlaṭīkā |
21. අත්‌ථිපච්‌චයනිද්‌දෙසවණ්‌ණනා
21. Atthipaccayaniddesavaṇṇanā
21. කුසලාදිවසෙන පඤ්‌චවිධො අත්‌ථිපච්‌චයො වුත්‌තො, න නිබ්‌බානං. යො හි අත්‌ථිභාවාභාවෙන අනුපකාරකො අත්‌ථිභාවං ලභිත්‌වා උපකාරකො හොති, සො අත්‌ථිපච්‌චයො හොති. නිබ්‌බානඤ්‌ච නිබ්‌බානාරම්‌මණානං න අත්‌තනො අත්‌ථිභාවාභාවෙන අනුපකාරකං හුත්‌වා අත්‌ථිභාවලාභෙන උපකාරකං හොති. උප්‌පාදාදියුත්‌තානං වා නත්‌ථිභාවොපකාරකතාවිරුද්‌ධො උපකාරකභාවො අත්‌ථිපච්‌චයතාති න නිබ්‌බානං අත්‌ථිපච්‌චයො.
21. Kusalādivasena pañcavidho atthipaccayo vutto, na nibbānaṃ. Yo hi atthibhāvābhāvena anupakārako atthibhāvaṃ labhitvā upakārako hoti, so atthipaccayo hoti. Nibbānañca nibbānārammaṇānaṃ na attano atthibhāvābhāvena anupakārakaṃ hutvā atthibhāvalābhena upakārakaṃ hoti. Uppādādiyuttānaṃ vā natthibhāvopakārakatāviruddho upakārakabhāvo atthipaccayatāti na nibbānaṃ atthipaccayo.
සති ච යෙසං පච්‌චයා හොන්‌ති, තෙහි එකතො පුරෙතරං පච්‌ඡා ච උප්‌පන්‌නත්‌තෙ සහජාතාදිපච්‌චයත්‌තාභාවතො ආහ ‘‘ආහාරො ඉන්‌ද්‍රියඤ්‌ච සහජාතාදිභෙදං න ලභතී’’ති. තදභාවො ච එතෙසං ධම්‌මසභාවවසෙන දට්‌ඨබ්‌බො.
Sati ca yesaṃ paccayā honti, tehi ekato puretaraṃ pacchā ca uppannatte sahajātādipaccayattābhāvato āha ‘‘āhāro indriyañca sahajātādibhedaṃ na labhatī’’ti. Tadabhāvo ca etesaṃ dhammasabhāvavasena daṭṭhabbo.
අත්‌ථිපච්‌චයනිද්‌දෙසවණ්‌ණනා නිට්‌ඨිතා.
Atthipaccayaniddesavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / පට්‌ඨානපාළි • Paṭṭhānapāḷi / (2) පච්‌චයනිද්‌දෙසො • (2) Paccayaniddeso
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 21. අත්‌ථිපච්‌චයනිද්‌දෙසවණ්‌ණනා • 21. Atthipaccayaniddesavaṇṇanā
