| Library / Tipiṭaka / ཏིཔིཊཀ • Tipiṭaka / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā |
༢༡. ཨཏྠིཔཙྩཡནིདྡེསཝཎྞནཱ
21. Atthipaccayaniddesavaṇṇanā
༢༡. ཀུསལཱདིཝསེན པཉྩཝིདྷོ ཨཏྠིཔཙྩཡོ ཝུཏྟོ, ན ནིབྦཱནཾ། ཡོ ཧི ཨཏྠིབྷཱཝཱབྷཱཝེན ཨནུཔཀཱརཀོ ཨཏྠིབྷཱཝཾ ལབྷིཏྭཱ ཨུཔཀཱརཀོ ཧོཏི, སོ ཨཏྠིཔཙྩཡོ ཧོཏི། ནིབྦཱནཉྩ ནིབྦཱནཱརམྨཎཱནཾ ན ཨཏྟནོ ཨཏྠིབྷཱཝཱབྷཱཝེན ཨནུཔཀཱརཀཾ ཧུཏྭཱ ཨཏྠིབྷཱཝལཱབྷེན ཨུཔཀཱརཀཾ ཧོཏི། ཨུཔྤཱདཱདིཡུཏྟཱནཾ ཝཱ ནཏྠིབྷཱཝོཔཀཱརཀཏཱཝིརུདྡྷོ ཨུཔཀཱརཀབྷཱཝོ ཨཏྠིཔཙྩཡཏཱཏི ན ནིབྦཱནཾ ཨཏྠིཔཙྩཡོ།
21. Kusalādivasena pañcavidho atthipaccayo vutto, na nibbānaṃ. Yo hi atthibhāvābhāvena anupakārako atthibhāvaṃ labhitvā upakārako hoti, so atthipaccayo hoti. Nibbānañca nibbānārammaṇānaṃ na attano atthibhāvābhāvena anupakārakaṃ hutvā atthibhāvalābhena upakārakaṃ hoti. Uppādādiyuttānaṃ vā natthibhāvopakārakatāviruddho upakārakabhāvo atthipaccayatāti na nibbānaṃ atthipaccayo.
སཏི ཙ ཡེསཾ པཙྩཡཱ ཧོནྟི, ཏེཧི ཨེཀཏོ པུརེཏརཾ པཙྪཱ ཙ ཨུཔྤནྣཏྟེ སཧཛཱཏཱདིཔཙྩཡཏྟཱབྷཱཝཏོ ཨཱཧ ‘‘ཨཱཧཱརོ ཨིནྡྲིཡཉྩ སཧཛཱཏཱདིབྷེདཾ ན ལབྷཏཱི’’ཏི། ཏདབྷཱཝོ ཙ ཨེཏེསཾ དྷམྨསབྷཱཝཝསེན དཊྛབྦོ།
Sati ca yesaṃ paccayā honti, tehi ekato puretaraṃ pacchā ca uppannatte sahajātādipaccayattābhāvato āha ‘‘āhāro indriyañca sahajātādibhedaṃ na labhatī’’ti. Tadabhāvo ca etesaṃ dhammasabhāvavasena daṭṭhabbo.
ཨཏྠིཔཙྩཡནིདྡེསཝཎྞནཱ ནིཊྛིཏཱ།
Atthipaccayaniddesavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / པཊྛཱནཔཱལི༹ • Paṭṭhānapāḷi / (༢) པཙྩཡནིདྡེསོ • (2) Paccayaniddeso
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༢༡. ཨཏྠིཔཙྩཡནིདྡེསཝཎྞནཱ • 21. Atthipaccayaniddesavaṇṇanā
