| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. ад̇т̇ирааг̇асуд̇д̇аван̣н̣анаа
4. Atthirāgasuttavaṇṇanā
64. жад̇уд̇т̇з рааг̇од̇иаад̣̇ийни лобхассзва наамаани. со хи ран̃ж̇анавасзна рааг̇о, нанд̣̇анавасзна нанд̣̇ий, д̇ан̣хааяанавасзна д̇ан̣хаад̇и вужжад̇и. бад̇идтид̇ам̣ д̇ад̇т̇а вин̃н̃аан̣ам̣ вируул̣ханд̇и гаммам̣ ж̇аваабзд̇ваа бадисанд̇хиаагад̣дханасамад̇т̇ад̇ааяа бад̇идтид̇ан̃жзва вируул̣хан̃жа. яад̇т̇аад̇и д̇збхуумагаваддз бхуммам̣, саб̣б̣ад̇т̇а ваа буримабуримабад̣̇з зд̇ам̣ бхуммам̣. ад̇т̇и д̇ад̇т̇а сан̇каараанам̣ вуд̣̇д̇хийд̇и ид̣̇ам̣ имасмим̣ вибаагаваддз тид̇асса ааяад̇иваддахзд̇угз сан̇каарз санд̇хааяа вуд̇д̇ам̣. яад̇т̇а ад̇т̇и ааяад̇им̣ бунаб̣бхаваабхиниб̣б̣ад̇д̇ийд̇и яасмим̣ таанз ааяад̇им̣ бунаб̣бхаваабхиниб̣б̣ад̇д̇и ад̇т̇и.
64. Catutthe rāgotiādīni lobhasseva nāmāni. So hi rañjanavasena rāgo, nandanavasena nandī, taṇhāyanavasena taṇhāti vuccati. Patiṭṭhitaṃ tattha viññāṇaṃ virūḷhanti kammaṃ javāpetvā paṭisandhiākaḍḍhanasamatthatāya patiṭṭhitañceva virūḷhañca. Yatthāti tebhūmakavaṭṭe bhummaṃ, sabbattha vā purimapurimapade etaṃ bhummaṃ. Atthi tattha saṅkhārānaṃ vuddhīti idaṃ imasmiṃ vipākavaṭṭe ṭhitassa āyativaṭṭahetuke saṅkhāre sandhāya vuttaṃ. Yattha atthi āyatiṃ punabbhavābhinibbattīti yasmiṃ ṭhāne āyatiṃ punabbhavābhinibbatti atthi.
звамзва код̇и зд̇т̇а ид̣̇ам̣ обаммасам̣санд̣̇анам̣ – раж̇агажид̇д̇агаараа вияа хи сахагаммасамбхаарам̣ гаммам̣, палагабхид̇д̇ид̣̇уссабадаа вияа д̇збхуумагаваддам̣. яат̇аа раж̇агажид̇д̇агаараа барисуд̣̇д̇хзсу палагаад̣̇ийсу руубам̣ самудтаабзнд̇и, звамзва сасамбхаарагагаммам̣ бхавзсу руубам̣ самудтаабзд̇и. д̇ад̇т̇а яат̇аа агусалзна жид̇д̇агаарзна самудтаабид̇ам̣ руубам̣ вируубам̣ ход̇и д̣̇уссан̣тид̇ам̣ аманаабам̣, звамзва згажжо гаммам̣ гаронд̇о н̃аан̣авиббаяуд̇д̇зна жид̇д̇зна гарод̇и, д̇ам̣ гаммам̣ руубам̣ самудтаабзнд̇ам̣ жагкаад̣̇ийнам̣ самбад̇д̇им̣ ад̣̇ад̇ваа д̣̇уб̣б̣ан̣н̣ам̣ д̣̇уссан̣тид̇ам̣ маад̇аабид̇уунамби аманаабам̣ руубам̣ самудтаабзд̇и. яат̇аа бана гусалзна жид̇д̇агаарзна самудтаабид̇ам̣ руубам̣ суруубам̣ ход̇и сусан̣тид̇ам̣ манаабам̣, звамзва згажжо гаммам̣ гаронд̇о н̃аан̣асамбаяуд̇д̇зна жид̇д̇зна гарод̇и, д̇ам̣ гаммам̣ руубам̣ самудтаабзнд̇ам̣ жагкаад̣̇ийнам̣ самбад̇д̇им̣ д̣̇ад̇ваа суван̣н̣ам̣ сусан̣тид̇ам̣ алан̇гад̇абадияад̇д̇ам̣ вияа руубам̣ самудтаабзд̇и.
Evameva khoti ettha idaṃ opammasaṃsandanaṃ – rajakacittakārā viya hi sahakammasambhāraṃ kammaṃ, phalakabhittidussapaṭā viya tebhūmakavaṭṭaṃ. Yathā rajakacittakārā parisuddhesu phalakādīsu rūpaṃ samuṭṭhāpenti, evameva sasambhārakakammaṃ bhavesu rūpaṃ samuṭṭhāpeti. Tattha yathā akusalena cittakārena samuṭṭhāpitaṃ rūpaṃ virūpaṃ hoti dussaṇṭhitaṃ amanāpaṃ, evameva ekacco kammaṃ karonto ñāṇavippayuttena cittena karoti, taṃ kammaṃ rūpaṃ samuṭṭhāpentaṃ cakkhādīnaṃ sampattiṃ adatvā dubbaṇṇaṃ dussaṇṭhitaṃ mātāpitūnampi amanāpaṃ rūpaṃ samuṭṭhāpeti. Yathā pana kusalena cittakārena samuṭṭhāpitaṃ rūpaṃ surūpaṃ hoti susaṇṭhitaṃ manāpaṃ, evameva ekacco kammaṃ karonto ñāṇasampayuttena cittena karoti, taṃ kammaṃ rūpaṃ samuṭṭhāpentaṃ cakkhādīnaṃ sampattiṃ datvā suvaṇṇaṃ susaṇṭhitaṃ alaṅkatapaṭiyattaṃ viya rūpaṃ samuṭṭhāpeti.
зд̇т̇а жа аахаарам̣ вин̃н̃аан̣зна сад̣̇д̇хим̣ сан̇кибид̇ваа аахааранаамаруубаанам̣ анд̇арз зго санд̇хи, вибаагавид̇хим̣ наамаруубзна сан̇кибид̇ваа наамаруубасан̇каараанам̣ анд̇арз зго санд̇хи, сан̇каараанан̃жа ааяад̇ибхавасса жа анд̇арз зго санд̇хийд̇и взд̣̇ид̇аб̣б̣о.
Ettha ca āhāraṃ viññāṇena saddhiṃ saṅkhipitvā āhāranāmarūpānaṃ antare eko sandhi, vipākavidhiṃ nāmarūpena saṅkhipitvā nāmarūpasaṅkhārānaṃ antare eko sandhi, saṅkhārānañca āyatibhavassa ca antare eko sandhīti veditabbo.
гуудааг̇ааранд̇и згаган̣н̣игам̣ г̇аахаабзд̇ваа гад̇ам̣ аг̇аарам̣. гуудааг̇аарасаалаад̇и д̣̇вз ган̣н̣игз г̇ахзд̇ваа гад̇асаалаа. звамзва код̇и зд̇т̇а кийн̣аасавасса гаммам̣ суурияарасмисамам̣ взд̣̇ид̇аб̣б̣ам̣. суурияарасми бана ад̇т̇и, саа гзвалам̣ бад̇идтааяа абхаавзна аббад̇идтаа наама ж̇аад̇аа, кийн̣аасавасса гаммам̣ над̇т̇ид̇ааяа зва аббад̇идтам̣. д̇асса хи гааяаад̣̇аяо ад̇т̇и, д̇зхи бана гад̇агаммам̣ гусалаагусалам̣ наама на ход̇и, гирияамад̇д̇з тад̇ваа авибаагам̣ ход̇и. звамасса гаммам̣ над̇т̇ид̇ааяа зва аббад̇идтам̣ наама ж̇аад̇анд̇и. жад̇уд̇т̇ам̣.
Kūṭāgāranti ekakaṇṇikaṃ gāhāpetvā kataṃ agāraṃ. Kūṭāgārasālāti dve kaṇṇike gahetvā katasālā. Evameva khoti ettha khīṇāsavassa kammaṃ sūriyarasmisamaṃ veditabbaṃ. Sūriyarasmi pana atthi, sā kevalaṃ patiṭṭhāya abhāvena appatiṭṭhā nāma jātā, khīṇāsavassa kammaṃ natthitāya eva appatiṭṭhaṃ. Tassa hi kāyādayo atthi, tehi pana katakammaṃ kusalākusalaṃ nāma na hoti, kiriyamatte ṭhatvā avipākaṃ hoti. Evamassa kammaṃ natthitāya eva appatiṭṭhaṃ nāma jātanti. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. ад̇т̇ирааг̇асуд̇д̇ам̣ • 4. Atthirāgasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. ад̇т̇ирааг̇асуд̇д̇аван̣н̣анаа • 4. Atthirāgasuttavaṇṇanā
