| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. ад̇т̇ирааг̇асуд̇д̇аван̣н̣анаа
4. Atthirāgasuttavaṇṇanā
64. жад̇уд̇т̇з сод̇и лобхо. ран̃ж̇анавасзнаад̇и ран̇г̇аж̇аад̇ам̣ вияа д̇асса жид̇д̇асса ануран̃ж̇анавасзна. нанд̣̇анавасзнаад̇и саббийд̇игад̇ааяа аарамман̣асса абхинанд̣̇анавасзна. д̇ан̣хааяанавасзнаад̇и висаяагад̇д̇угаамад̇ааяа васзна. зго зва хи лобхо бавад̇д̇иаагааравасзна д̇ат̇аа вуд̇д̇о. бад̇идтид̇анд̇и лад̣̇д̇хасабхаавам̣. д̇ад̇т̇аад̇и ваддз. аахаарзд̇и гзжи. вин̃н̃аан̣анд̇и абхисан̇кааравин̃н̃аан̣ам̣. вирул̣ханд̇и паланиб̣б̣ад̇д̇ияаа вирул̣хиббад̇д̇ам̣. д̇знааха ‘‘гаммам̣ ж̇аваабзд̇ваа’’д̇иаад̣̇и. д̇ад̇т̇а ж̇аваабзд̇ваад̇и палам̣ г̇аахаабзд̇ваа. абхисан̇кааравин̃н̃аан̣ан̃хи ад̇д̇анаа сахаж̇аад̇аанам̣ сахаж̇аад̇аад̣̇ибажжаязхи жзва аахаарабажжаязна жа бажжаяо худ̇ваа д̇асса ад̇д̇ано палуббаад̣̇анз саамад̇т̇ияад̇д̇аа вирул̣хиббад̇д̇ам̣. д̇знааха ‘‘гаммам̣ санд̇аанз лад̣̇д̇хабхаавам̣ вирул̣хиббад̇д̇ан̃жасса ход̇ий’’д̇и. ваддагат̇аа зсаад̇и гад̇ваа ‘‘яад̇т̇аад̇и д̇збхуумагаваддз бхумма’’нд̇и вуд̇д̇ам̣. саб̣б̣ад̇т̇аад̇и саб̣б̣зсу. буримабад̣̇з зд̇ам̣ бхумманд̇и ‘‘яад̇т̇а д̇ад̇т̇аа’’д̇и ааг̇ад̇ам̣ зд̇ам̣ бхуммаважанам̣ буримасмим̣ буримасмим̣ бад̣̇з висаяабхууд̇з. д̇ан̃хи аараб̣бха зд̇ам̣ ‘‘яад̇т̇а д̇ад̇т̇аа’’д̇и бхуммаважанам̣ вуд̇д̇ам̣. имасмим̣ вибаагаваддзд̇и бажжуббаннз вибаагаваддз. ааяад̇им̣ ваддахзд̇угз сан̇каарз санд̇хааяа вуд̇д̇ам̣ ‘‘яад̇т̇а ад̇т̇и ааяад̇им̣ бунаб̣бхаваабхиниб̣б̣ад̇д̇ий’’д̇и важанад̇о . бунаб̣бхаваабхиниб̣б̣ад̇д̇ийд̇и жа бадисанд̇хи ад̇хиббзд̇аад̇и вуд̇д̇ам̣ ‘‘яад̇т̇а ад̇т̇и ааяад̇им̣ бунаб̣бхаваабхиниб̣б̣ад̇д̇и, ад̇т̇и д̇ад̇т̇а ааяад̇им̣ ж̇аад̇иж̇араамаран̣а’’нд̇и. ж̇аад̇ийд̇и жзд̇т̇а маад̇угужчид̇о нигкаманам̣ ад̇хиббзд̇ам̣. яасмим̣ таанзд̇и яасмим̣ гааран̣з сад̇и.
64. Catutthe soti lobho. Rañjanavasenāti raṅgajātaṃ viya tassa cittassa anurañjanavasena. Nandanavasenāti sappītikatāya ārammaṇassa abhinandanavasena. Taṇhāyanavasenāti visayakattukāmatāya vasena. Eko eva hi lobho pavattiākāravasena tathā vutto. Patiṭṭhitanti laddhasabhāvaṃ. Tatthāti vaṭṭe. Āhāreti keci. Viññāṇanti abhisaṅkhāraviññāṇaṃ. Viruḷhanti phalanibbattiyā viruḷhippattaṃ. Tenāha ‘‘kammaṃ javāpetvā’’tiādi. Tattha javāpetvāti phalaṃ gāhāpetvā. Abhisaṅkhāraviññāṇañhi attanā sahajātānaṃ sahajātādipaccayehi ceva āhārapaccayena ca paccayo hutvā tassa attano phaluppādane sāmatthiyattā viruḷhippattaṃ. Tenāha ‘‘kammaṃ santāne laddhabhāvaṃ viruḷhippattañcassa hotī’’ti. Vaṭṭakathā esāti katvā ‘‘yatthāti tebhūmakavaṭṭe bhumma’’nti vuttaṃ. Sabbatthāti sabbesu. Purimapade etaṃ bhummanti ‘‘yattha tatthā’’ti āgataṃ etaṃ bhummavacanaṃ purimasmiṃ purimasmiṃ pade visayabhūte. Tañhi ārabbha etaṃ ‘‘yattha tatthā’’ti bhummavacanaṃ vuttaṃ. Imasmiṃ vipākavaṭṭeti paccuppanne vipākavaṭṭe. Āyatiṃ vaṭṭahetuke saṅkhāre sandhāya vuttaṃ ‘‘yattha atthi āyatiṃ punabbhavābhinibbattī’’ti vacanato . Punabbhavābhinibbattīti ca paṭisandhi adhippetāti vuttaṃ ‘‘yattha atthi āyatiṃ punabbhavābhinibbatti, atthi tattha āyatiṃ jātijarāmaraṇa’’nti. Jātīti cettha mātukucchito nikkhamanaṃ adhippetaṃ. Yasmiṃ ṭhāneti yasmiṃ kāraṇe sati.
гааран̣ан̃жзд̇т̇а сан̇каараа взд̣̇ид̇аб̣б̣аа. д̇з хи ааяад̇им̣ бунаб̣бхаваабхиниб̣б̣ад̇д̇ияаа хзд̇уу, д̇ан̣хааавиж̇ж̇ааяо, гаалаг̇ад̇иаад̣̇аяо жа гаммасса самбхаараа. гзжи бана гилзсаваддагаммаг̇ад̇игаалаа жаад̇и ад̇хиббааязна ‘‘гаалаг̇ад̇иаад̣̇аяо жа гаммасса самбхаараа’’д̇и вад̣̇анд̇и. д̇ам̣д̇ам̣бхавабад̇т̇анааяа д̇ат̇аа д̇ат̇аа г̇ад̇о д̇ивид̇хо бхавова д̇збхуумагаваддам̣. д̇знааха ‘‘яад̇т̇аад̇и д̇збхуумагаваддз’’д̇и. д̇ат̇аа жааха ‘‘сасамбхаарагагаммам̣ бхавзсу руубам̣ самудтаабзд̇ий’’д̇и. руубанд̇и ад̇д̇абхаавам̣.
Kāraṇañcettha saṅkhārā veditabbā. Te hi āyatiṃ punabbhavābhinibbattiyā hetū, taṇhāavijjāyo, kālagatiādayo ca kammassa sambhārā. Keci pana kilesavaṭṭakammagatikālā cāti adhippāyena ‘‘kālagatiādayo ca kammassa sambhārā’’ti vadanti. Taṃtaṃbhavapatthanāya tathā tathā gato tividho bhavova tebhūmakavaṭṭaṃ. Tenāha ‘‘yatthāti tebhūmakavaṭṭe’’ti. Tathā cāha ‘‘sasambhārakakammaṃ bhavesu rūpaṃ samuṭṭhāpetī’’ti. Rūpanti attabhāvaṃ.
сан̇кибид̇ваад̇и д̇ийсу агад̇ваа вин̃н̃аан̣зна згасан̇кзбам̣ гад̇ваад̇и ад̇т̇о. зго санд̇хийд̇и зго хзд̇упаласанд̇хи. вибаагавид̇хинд̇и сал̣ааяад̇анаад̣̇игам̣ взд̣̇анаавасаанам̣ вибаагавид̇хим̣. ‘‘наамаруубзна сад̣̇д̇хи’’нд̇и бад̣̇ам̣ аанзд̇ваа самб̣анд̇хо. наамаруубзнаад̇и ваа сахаяог̇з гаран̣аважанам̣. ид̇ха зго санд̇хийд̇и зго хзд̇упаласанд̇хи. ааяад̇ибхавассаад̇и ааяад̇им̣ убабад̇д̇ибхавасса. д̇зна жзд̇т̇а зго санд̇хи хзд̇упаласанд̇хи взд̣̇ид̇аб̣б̣о.
Saṅkhipitvāti tīsu akatvā viññāṇena ekasaṅkhepaṃ katvāti attho. Eko sandhīti eko hetuphalasandhi. Vipākavidhinti saḷāyatanādikaṃ vedanāvasānaṃ vipākavidhiṃ. ‘‘Nāmarūpena saddhi’’nti padaṃ ānetvā sambandho. Nāmarūpenāti vā sahayoge karaṇavacanaṃ. Idha eko sandhīti eko hetuphalasandhi. Āyatibhavassāti āyatiṃ upapattibhavassa. Tena cettha eko sandhi hetuphalasandhi veditabbo.
кийн̣аасавасса аг̇г̇амаг̇г̇аад̇хиг̇аманад̇ова бавад̇д̇агаммасса маг̇г̇зна сахааяавзгалласса гад̇ад̇д̇аа авиж̇ж̇амаанам̣. суурияарасмисаманд̇и д̇ад̇о зва вуд̇д̇анаязнзва аббад̇идтид̇асуурияарасмисамам̣. саад̇и расми. гааяаад̣̇аяод̇и гааяад̣̇ваараад̣̇аяо. гад̇агамманд̇и бажжаязхи гад̇абхаавам̣ убаад̣̇ааяа вуд̇д̇ам̣, на гаммалагкан̣абад̇д̇ад̇о. д̇знааха ‘‘гусалаагусалам̣ наама на ход̇ий’’д̇и. гирияамад̇д̇зд̇и авибаагад̇хаммад̇д̇аа гааяигаад̣̇ибаяог̇амад̇д̇з тад̇ваа. авибаагам̣ ход̇и д̇зсам̣ авибаагад̇хаммад̇д̇аа.
Khīṇāsavassa aggamaggādhigamanatova pavattakammassa maggena sahāyavekallassa katattā avijjamānaṃ. Sūriyarasmisamanti tato eva vuttanayeneva appatiṭṭhitasūriyarasmisamaṃ. Sāti rasmi. Kāyādayoti kāyadvārādayo. Katakammanti paccayehi katabhāvaṃ upādāya vuttaṃ, na kammalakkhaṇapattato. Tenāha ‘‘kusalākusalaṃ nāma na hotī’’ti. Kiriyamatteti avipākadhammattā kāyikādipayogamatte ṭhatvā. Avipākaṃ hoti tesaṃ avipākadhammattā.
ад̇т̇ирааг̇асуд̇д̇аван̣н̣анаа нидтид̇аа.
Atthirāgasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. ад̇т̇ирааг̇асуд̇д̇ам̣ • 4. Atthirāgasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. ад̇т̇ирааг̇асуд̇д̇аван̣н̣анаа • 4. Atthirāgasuttavaṇṇanā
