| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[403] 8. адтисзнаж̇аад̇агаван̣н̣анаа
[403] 8. Aṭṭhisenajātakavaṇṇanā
язмз ахам̣ на ж̇аанаамийд̇и ид̣̇ам̣ сад̇т̇аа аал̣авим̣ ниссааяа аг̇г̇аал̣авз жзд̇ияз вихаранд̇о гудигаарасигкаабад̣̇ам̣ аараб̣бха гат̇зси. бажжуббаннавад̇т̇у хздтаа ман̣иган̣таж̇аад̇агз (ж̇аа. 1.3.7 аад̣̇аяо) гат̇ид̇амзва. сад̇т̇аа бана д̇з бхигкуу ааманд̇зд̇ваа ‘‘бхигкавз, бораан̣агабан̣д̣ид̇аа буб̣б̣з ануббаннз б̣уд̣̇д̇хз б̣аахирагабаб̣б̣аж̇ж̇ааяа баб̣б̣аж̇ид̇ваа рааж̇уухи баваарид̇ааби ‘яаажанаа наама барзсам̣ аббияаа аманаабаа’д̇и на яаажим̣суу’’д̇и вад̇ваа ад̇ийд̇ам̣ аахари.
Yeme ahaṃ na jānāmīti idaṃ satthā āḷaviṃ nissāya aggāḷave cetiye viharanto kuṭikārasikkhāpadaṃ ārabbha kathesi. Paccuppannavatthu heṭṭhā maṇikaṇṭhajātake (jā. 1.3.7 ādayo) kathitameva. Satthā pana te bhikkhū āmantetvā ‘‘bhikkhave, porāṇakapaṇḍitā pubbe anuppanne buddhe bāhirakapabbajjāya pabbajitvā rājūhi pavāritāpi ‘yācanā nāma paresaṃ appiyā amanāpā’ti na yāciṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ ниг̇амз б̣раахман̣агулз ниб̣б̣ад̇д̇и, адтисзнагумаарод̇исса наамам̣ гарим̣су. со ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа абарабхааг̇з гаамзсу аад̣̇ийнавам̣ д̣̇исваа гхарааваасад̇о нигкамид̇ваа исибаб̣б̣аж̇ж̇ам̣ баб̣б̣аж̇ид̇ваа жхаанаабхин̃н̃аасамаабад̇д̇ияо ниб̣б̣ад̇д̇зд̇ваа химаванд̇абад̣̇зсз жирам̣ васид̇ваа лон̣амб̣иласзванад̇т̇ааяа мануссабат̇ам̣ од̇арид̇ваа анубуб̣б̣зна б̣аараан̣асим̣ бад̇ваа рааж̇уяяаанз васид̇ваа бунад̣̇ивасз бхигкааяа жаранд̇о рааж̇ан̇г̇ан̣ам̣ аг̇амааси. рааж̇аа д̇ассаажааравихаарз басийд̣̇ид̇ваа д̇ам̣ ниманд̇аабзд̇ваа баасаад̣̇ад̇алз баллан̇гз нисийд̣̇аабзд̇ваа субхож̇анам̣ бхож̇зд̇ваа бхож̇анаавасаанз анумод̣̇анам̣ суд̇ваа басанно бадин̃н̃ам̣ г̇ахзд̇ваа махаасад̇д̇ам̣ рааж̇уяяаанз васаабзси, д̣̇ивасасса жа д̣̇вз д̇аяо ваарз убадтаанам̣ аг̇амааси. со згад̣̇ивасам̣ д̇хаммагат̇ааяа басанно раж̇ж̇ам̣ аад̣̇им̣ гад̇ваа ‘‘язна во ад̇т̇о, д̇ам̣ вад̣̇зяяаат̇аа’’д̇и баваарзси. б̣од̇хисад̇д̇о ‘‘ид̣̇ам̣ наама мз д̣̇зхий’’д̇и на вад̣̇ад̇и. ан̃н̃з яаажагаа ‘‘ид̣̇ам̣ д̣̇зхи, ид̣̇ам̣ д̣̇зхий’’д̇и ижчид̇ижчид̇ам̣ яаажанд̇и, рааж̇аа асаж̇ж̇амаано д̣̇зд̇иязва. со згад̣̇ивасам̣ жинд̇зси ‘‘ан̃н̃з яаажанагаваниб̣б̣агаа ‘ид̣̇ан̃жид̣̇ан̃жа амхаагам̣ д̣̇зхий’д̇и мам̣ яаажанд̇и, аяяо бана адтисзно баваарид̇агаалад̇о бадтааяа на гин̃жи яаажад̇и, бан̃н̃аваа ко банзса убааяагусало, бужчиссаами на’’нд̇и. со згад̣̇ивасам̣ бхуд̇д̇абаад̇араасо г̇анд̇ваа ванд̣̇ид̇ваа згаманд̇ам̣ нисинно ан̃н̃зсам̣ яаажанагааран̣ам̣ д̇асса жа аяаажанагааран̣ам̣ бужчанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto ekasmiṃ nigame brāhmaṇakule nibbatti, aṭṭhisenakumārotissa nāmaṃ kariṃsu. So vayappatto takkasilāyaṃ sabbasippāni uggaṇhitvā aparabhāge kāmesu ādīnavaṃ disvā gharāvāsato nikkhamitvā isipabbajjaṃ pabbajitvā jhānābhiññāsamāpattiyo nibbattetvā himavantapadese ciraṃ vasitvā loṇambilasevanatthāya manussapathaṃ otaritvā anupubbena bārāṇasiṃ patvā rājuyyāne vasitvā punadivase bhikkhāya caranto rājaṅgaṇaṃ agamāsi. Rājā tassācāravihāre pasīditvā taṃ nimantāpetvā pāsādatale pallaṅke nisīdāpetvā subhojanaṃ bhojetvā bhojanāvasāne anumodanaṃ sutvā pasanno paṭiññaṃ gahetvā mahāsattaṃ rājuyyāne vasāpesi, divasassa ca dve tayo vāre upaṭṭhānaṃ agamāsi. So ekadivasaṃ dhammakathāya pasanno rajjaṃ ādiṃ katvā ‘‘yena vo attho, taṃ vadeyyāthā’’ti pavāresi. Bodhisatto ‘‘idaṃ nāma me dehī’’ti na vadati. Aññe yācakā ‘‘idaṃ dehi, idaṃ dehī’’ti icchiticchitaṃ yācanti, rājā asajjamāno detiyeva. So ekadivasaṃ cintesi ‘‘aññe yācanakavanibbakā ‘idañcidañca amhākaṃ dehī’ti maṃ yācanti, ayyo pana aṭṭhiseno pavāritakālato paṭṭhāya na kiñci yācati, paññavā kho panesa upāyakusalo, pucchissāmi na’’nti. So ekadivasaṃ bhuttapātarāso gantvā vanditvā ekamantaṃ nisinno aññesaṃ yācanakāraṇaṃ tassa ca ayācanakāraṇaṃ pucchanto paṭhamaṃ gāthamāha –
54.
54.
‘‘язмз ахам̣ на ж̇аанаами, адтисзна ваниб̣б̣агз;
‘‘Yeme ahaṃ na jānāmi, aṭṭhisena vanibbake;
д̇з мам̣ сан̇г̇амма яаажанд̇и, гасмаа мам̣ д̇вам̣ на яаажасий’’д̇и.
Te maṃ saṅgamma yācanti, kasmā maṃ tvaṃ na yācasī’’ti.
д̇ад̇т̇а ваниб̣б̣агзд̇и яаажанагз. сан̇г̇аммаад̇и самааг̇анд̇ваа. ид̣̇ам̣ вуд̇д̇ам̣ ход̇и – аяяа, адтисзна, язмз ваниб̣б̣агз ахам̣ наамаг̇од̇д̇аж̇аад̇игулаббад̣̇зсзна ‘‘имз наамзд̇з’’д̇иби на ж̇аанаами, д̇з мам̣ самааг̇анд̇ваа ижчид̇ижчид̇ам̣ яаажанд̇и, д̇вам̣ бана гасмаа мам̣ гин̃жи на яаажасийд̇и.
Tattha vanibbaketi yācanake. Saṅgammāti samāgantvā. Idaṃ vuttaṃ hoti – ayya, aṭṭhisena, yeme vanibbake ahaṃ nāmagottajātikulappadesena ‘‘ime nāmete’’tipi na jānāmi, te maṃ samāgantvā icchiticchitaṃ yācanti, tvaṃ pana kasmā maṃ kiñci na yācasīti.
д̇ам̣ суд̇ваа б̣од̇хисад̇д̇о д̣̇уд̇ияам̣ г̇аат̇амааха –
Taṃ sutvā bodhisatto dutiyaṃ gāthamāha –
55.
55.
‘‘яаажаго аббияо ход̇и, яаажам̣ ад̣̇ад̣̇амаббияо;
‘‘Yācako appiyo hoti, yācaṃ adadamappiyo;
д̇асмаахам̣ д̇ам̣ на яаажаами, маа мз вид̣̇зссанаа ахуу’’д̇и.
Tasmāhaṃ taṃ na yācāmi, mā me videssanā ahū’’ti.
д̇ад̇т̇а яаажаго аббияо ход̇ийд̇и яо хи, махаарааж̇а, буг̇г̇ало ‘‘ид̣̇ам̣ мз д̣̇зхий’’д̇и яаажаго, со маад̇аабид̇уунамби мид̇д̇аамажжаад̣̇ийнамби аббияо ход̇и аманаабо. д̇асса аббияабхааво ман̣иган̣таж̇аад̇агзна д̣̇ийбзд̇аб̣б̣о. яаажанд̇и яаажид̇абхан̣д̣ам̣. ад̣̇ад̣̇анд̇и ад̣̇ад̣̇амаано. ид̣̇ам̣ вуд̇д̇ам̣ ход̇и – яоби яаажид̇ам̣ на д̣̇зд̇и, со маад̇аабид̇аро аад̣̇им̣ гад̇ваа ад̣̇ад̣̇амаано буг̇г̇ало яаажагасса аббияо ход̇ийд̇и. д̇асмаад̇и яасмаа яаажагоби д̣̇ааяагасса, яаажид̇ам̣ бхан̣д̣ам̣ ад̣̇ад̣̇анд̇оби яаажагасса аббияо ход̇и, д̇асмаа ахам̣ д̇ам̣ на яаажаами. маа мз вид̣̇зссанаа ахууд̇и сажз хи ахам̣ яаажзяяамзва, д̇ава вид̣̇зссо бхавзяяа, саа мз д̇ава санд̇игаа уббаннаа вид̣̇зссанаа, сажз бана д̇вам̣ на д̣̇ад̣̇зяяааси, мама вид̣̇зссо бхавзяяааси, саа жа мама д̇аяи вид̣̇зссанаа, звам̣ саб̣б̣ат̇ааби маа мз вид̣̇зссанаа аху, маа но убхиннамби мзд̇д̇аа бхиж̇ж̇ийд̇и зд̇амад̇т̇ам̣ самбассанд̇о ахам̣ д̇ам̣ на гин̃жи яаажаамийд̇и.
Tattha yācako appiyo hotīti yo hi, mahārāja, puggalo ‘‘idaṃ me dehī’’ti yācako, so mātāpitūnampi mittāmaccādīnampi appiyo hoti amanāpo. Tassa appiyabhāvo maṇikaṇṭhajātakena dīpetabbo. Yācanti yācitabhaṇḍaṃ. Adadanti adadamāno. Idaṃ vuttaṃ hoti – yopi yācitaṃ na deti, so mātāpitaro ādiṃ katvā adadamāno puggalo yācakassa appiyo hotīti. Tasmāti yasmā yācakopi dāyakassa, yācitaṃ bhaṇḍaṃ adadantopi yācakassa appiyo hoti, tasmā ahaṃ taṃ na yācāmi. Mā me videssanā ahūti sace hi ahaṃ yāceyyameva, tava videsso bhaveyya, sā me tava santikā uppannā videssanā, sace pana tvaṃ na dadeyyāsi, mama videsso bhaveyyāsi, sā ca mama tayi videssanā, evaṃ sabbathāpi mā me videssanā ahu, mā no ubhinnampi mettā bhijjīti etamatthaṃ sampassanto ahaṃ taṃ na kiñci yācāmīti.
ат̇асса важанам̣ суд̇ваа рааж̇аа д̇иссо г̇аат̇аа абхааси –
Athassa vacanaṃ sutvā rājā tisso gāthā abhāsi –
56.
56.
‘‘яо вз яаажанаж̇ийваано, гаалз яаажам̣ на яаажад̇и;
‘‘Yo ve yācanajīvāno, kāle yācaṃ na yācati;
баран̃жа бун̃н̃аа д̇хам̣сзд̇и, ад̇д̇анааби на ж̇ийвад̇и.
Parañca puññā dhaṃseti, attanāpi na jīvati.
57.
57.
‘‘яо жа яаажанаж̇ийваано, гаалз яаажан̃хи яаажад̇и;
‘‘Yo ca yācanajīvāno, kāle yācañhi yācati;
баран̃жа бун̃н̃ам̣ лаб̣бхзд̇и, ад̇д̇анааби жа ж̇ийвад̇и.
Parañca puññaṃ labbheti, attanāpi ca jīvati.
58.
58.
‘‘на взд̣̇зссанд̇и саббан̃н̃аа, д̣̇исваа яаажагамааг̇ад̇з;
‘‘Na vedessanti sappaññā, disvā yācakamāgate;
б̣рахмажаари бияо мзси, вад̣̇а д̇вам̣ бхан̃н̃амижчасий’’д̇и.
Brahmacāri piyo mesi, vada tvaṃ bhaññamicchasī’’ti.
д̇ад̇т̇а яаажанаж̇ийваанод̇и яаажанаж̇ийвамаано, аяамзва ваа баато. ид̣̇ам̣ вуд̇д̇ам̣ ход̇и – аяяа, адтисзна яо яаажанзна ж̇ийвамаано д̇хаммиго саман̣о ваа б̣раахман̣о ваа яаажид̇аб̣б̣аяуд̇д̇абад̇д̇агаалз гин̃жид̣̇зва яаажид̇аб̣б̣ам̣ на яаажад̇и, со баран̃жа д̣̇ааяагам̣ бун̃н̃аа д̇хам̣сзд̇и барихаабзд̇и, ад̇д̇анааби жа сукам̣ на ж̇ийвад̇и. бун̃н̃ам̣ лаб̣бхзд̇ийд̇и гаалз бана яаажид̇аб̣б̣ам̣ яаажанд̇о баран̃жа бун̃н̃ам̣ ад̇хиг̇амзд̇и, ад̇д̇анааби жа сукам̣ ж̇ийвад̇и. на взд̣̇зссанд̇ийд̇и яам̣ д̇вам̣ вад̣̇зси ‘‘маа мз вид̣̇зссанаа ахуу’’д̇и, д̇ам̣ гасмаа вад̣̇аси. саббан̃н̃аа хи д̣̇аанан̃жа д̣̇аанапалан̃жа ж̇аананд̇аа бан̣д̣ид̇аа яаажагз ааг̇ад̇з д̣̇исваа на д̣̇зссанд̇и на гуж̇жханд̇и, ан̃н̃ад̣̇ад̇т̇у бана бамуд̣̇ид̇аава хонд̇ийд̇и д̣̇ийбзд̇и. яаажагамааг̇ад̇зд̇и ма-гааро б̣яан̃ж̇анасанд̇хивасзна вуд̇д̇о, яаажагз ааг̇ад̇зд̇и ад̇т̇о. б̣рахмажаари бияо мзсийд̇и аяяа адтисзна, барисуд̣̇д̇хажаари махаабун̃н̃а, д̇вам̣ маяхам̣ ад̇ивияа бияо, д̇асмаа варам̣ д̇вам̣ мам̣ вад̣̇зхи яаажаахиязва. бхан̃н̃амижчасийд̇и яам̣гин̃жи вад̇д̇аб̣б̣ам̣ ижчаси, саб̣б̣ам̣ вад̣̇а, раж̇ж̇амби д̇з д̣̇ассаамиязваад̇и.
Tattha yācanajīvānoti yācanajīvamāno, ayameva vā pāṭho. Idaṃ vuttaṃ hoti – ayya, aṭṭhisena yo yācanena jīvamāno dhammiko samaṇo vā brāhmaṇo vā yācitabbayuttapattakāle kiñcideva yācitabbaṃ na yācati, so parañca dāyakaṃ puññā dhaṃseti parihāpeti, attanāpi ca sukhaṃ na jīvati. Puññaṃ labbhetīti kāle pana yācitabbaṃ yācanto parañca puññaṃ adhigameti, attanāpi ca sukhaṃ jīvati. Na vedessantīti yaṃ tvaṃ vadesi ‘‘mā me videssanā ahū’’ti, taṃ kasmā vadasi. Sappaññā hi dānañca dānaphalañca jānantā paṇḍitā yācake āgate disvā na dessanti na kujjhanti, aññadatthu pana pamuditāva hontīti dīpeti. Yācakamāgateti ma-kāro byañjanasandhivasena vutto, yācake āgateti attho. Brahmacāri piyo mesīti ayya aṭṭhisena, parisuddhacāri mahāpuñña, tvaṃ mayhaṃ ativiya piyo, tasmā varaṃ tvaṃ maṃ vadehi yācāhiyeva. Bhaññamicchasīti yaṃkiñci vattabbaṃ icchasi, sabbaṃ vada, rajjampi te dassāmiyevāti.
звам̣ б̣од̇хисад̇д̇о ран̃н̃аа раж̇ж̇знааби баваарид̇о нзва гин̃жи яаажи. ран̃н̃о бана звам̣ ад̇д̇ано аж̇жхаасаяз гат̇ид̇з махаасад̇д̇оби баб̣б̣аж̇ид̇абадибад̇д̇им̣ д̣̇ассзд̇ум̣ ‘‘махаарааж̇а, яаажанаа хи наамзсаа гаамабхог̇ийнам̣ г̇ихийнам̣ аажин̣н̣аа, на баб̣б̣аж̇ид̇аанам̣, баб̣б̣аж̇ид̇зна бана баб̣б̣аж̇ид̇агаалад̇о бадтааяа г̇ихийхи асамаанабарисуд̣̇д̇хааж̇ийвзна бхавид̇аб̣б̣а’’нд̇и баб̣б̣аж̇ид̇абадибад̣̇ам̣ д̣̇ассзнд̇о чадтам̣ г̇аат̇амааха –
Evaṃ bodhisatto raññā rajjenāpi pavārito neva kiñci yāci. Rañño pana evaṃ attano ajjhāsaye kathite mahāsattopi pabbajitapaṭipattiṃ dassetuṃ ‘‘mahārāja, yācanā hi nāmesā kāmabhogīnaṃ gihīnaṃ āciṇṇā, na pabbajitānaṃ, pabbajitena pana pabbajitakālato paṭṭhāya gihīhi asamānaparisuddhājīvena bhavitabba’’nti pabbajitapaṭipadaṃ dassento chaṭṭhaṃ gāthamāha –
59.
59.
‘‘на вз яаажанд̇и саббан̃н̃аа, д̇хийро жа взд̣̇ид̇умарахад̇и;
‘‘Na ve yācanti sappaññā, dhīro ca veditumarahati;
уд̣̇д̣̇исса арияаа д̇идтанд̇и, зсаа арияаана яаажанаа’’д̇и.
Uddissa ariyā tiṭṭhanti, esā ariyāna yācanā’’ti.
д̇ад̇т̇а саббан̃н̃аад̇и б̣уд̣̇д̇хаа жа б̣уд̣̇д̣̇асаавагаа жа б̣од̇хияаа бадибаннаа исибаб̣б̣аж̇ж̇ам̣ баб̣б̣аж̇ид̇аа б̣од̇хисад̇д̇аа жа саб̣б̣зби саббан̃н̃аа жа сусийлаа жа, зд̇з зваруубаа саббан̃н̃аа ‘‘амхаагам̣ ид̣̇ан̃жид̣̇ан̃жа д̣̇зт̇аа’’д̇и на яаажанд̇и. д̇хийро жа взд̣̇ид̇умарахад̇ийд̇и убадтааго бана д̇хийро бан̣д̣ид̇о г̇илаанагаалз жа аг̇илаанагаалз жа язна язнад̇т̇о, д̇ам̣ саб̣б̣ам̣ саяамзва взд̣̇ид̇ум̣ ж̇аанид̇ум̣ арахад̇и. уд̣̇д̣̇исса арияаа д̇идтанд̇ийд̇и арияаа бана ваажам̣ абхинд̣̇ид̇ваа язнад̇т̇игаа хонд̇и, д̇ам̣ уд̣̇д̣̇исса гзвалам̣ бхигкаажааравад̇д̇зна д̇идтанд̇и, нзва гааяан̇г̇ам̣ ваа ваажан̇г̇ам̣ ваа гобзнд̇и. гааяавигаарам̣ д̣̇ассзд̇ваа нимид̇д̇ам̣ гаронд̇о хи гааяан̇г̇ам̣ гобзд̇и наама, важийбхзд̣̇ам̣ гаронд̇о ваажан̇г̇ам̣ гобзд̇и наама, д̇ад̣̇убхаяам̣ агад̇ваа б̣уд̣̇д̇хаад̣̇аяо арияаа д̇идтанд̇и. зсаа арияаана яаажанаад̇и зсаа гааяан̇г̇аваажан̇г̇ам̣ агобзд̇ваа бхигкааяа д̇идтамаанаа арияаанам̣ яаажанаа наама.
Tattha sappaññāti buddhā ca buddasāvakā ca bodhiyā paṭipannā isipabbajjaṃ pabbajitā bodhisattā ca sabbepi sappaññā ca susīlā ca, ete evarūpā sappaññā ‘‘amhākaṃ idañcidañca dethā’’ti na yācanti. Dhīro ca veditumarahatīti upaṭṭhāko pana dhīro paṇḍito gilānakāle ca agilānakāle ca yena yenattho, taṃ sabbaṃ sayameva vedituṃ jānituṃ arahati. Uddissa ariyā tiṭṭhantīti ariyā pana vācaṃ abhinditvā yenatthikā honti, taṃ uddissa kevalaṃ bhikkhācāravattena tiṭṭhanti, neva kāyaṅgaṃ vā vācaṅgaṃ vā kopenti. Kāyavikāraṃ dassetvā nimittaṃ karonto hi kāyaṅgaṃ kopeti nāma, vacībhedaṃ karonto vācaṅgaṃ kopeti nāma, tadubhayaṃ akatvā buddhādayo ariyā tiṭṭhanti. Esā ariyāna yācanāti esā kāyaṅgavācaṅgaṃ akopetvā bhikkhāya tiṭṭhamānā ariyānaṃ yācanā nāma.
рааж̇аа б̣од̇хисад̇д̇асса важанам̣ суд̇ваа ‘‘бханд̇з, яад̣̇и саббан̃н̃о убадтааго ад̇д̇анаава н̃ад̇ваа гулуубагасса д̣̇аад̇аб̣б̣ам̣ д̣̇зд̇и, ахамби д̇умхаагам̣ ид̣̇ан̃жид̣̇ан̃жа д̣̇аммий’’д̇и вад̣̇анд̇о сад̇д̇амам̣ г̇аат̇амааха –
Rājā bodhisattassa vacanaṃ sutvā ‘‘bhante, yadi sappañño upaṭṭhāko attanāva ñatvā kulūpakassa dātabbaṃ deti, ahampi tumhākaṃ idañcidañca dammī’’ti vadanto sattamaṃ gāthamāha –
60.
60.
‘‘д̣̇ад̣̇аами д̇з б̣раахман̣а рохин̣ийнам̣, г̇авам̣ сахассам̣ саха бун̇г̇авзна;
‘‘Dadāmi te brāhmaṇa rohiṇīnaṃ, gavaṃ sahassaṃ saha puṅgavena;
арияо хи арияасса гат̇ам̣ на д̣̇аж̇ж̇аа, суд̇ваана г̇аат̇аа д̇ава д̇хаммаяуд̇д̇аа’’д̇и.
Ariyo hi ariyassa kathaṃ na dajjā, sutvāna gāthā tava dhammayuttā’’ti.
д̇ад̇т̇а рохин̣ийнанд̇и рад̇д̇аван̣н̣аанам̣. г̇авам̣ сахассанд̇и кийрад̣̇ад̇хиаад̣̇имад̇хурарасабарибхог̇ад̇т̇ааяа зваруубаанам̣ г̇уннам̣ сахассам̣ д̇уяхам̣ д̣̇амми, д̇ам̣ мз бадиг̇г̇ан̣ха. арияод̇и аажаараарияо. арияассаад̇и аажаараарияасса. гат̇ам̣ на д̣̇аж̇ж̇аад̇и гзна гааран̣зна на д̣̇ад̣̇зяяа.
Tattha rohiṇīnanti rattavaṇṇānaṃ. Gavaṃ sahassanti khīradadhiādimadhurarasaparibhogatthāya evarūpānaṃ gunnaṃ sahassaṃ tuyhaṃ dammi, taṃ me paṭiggaṇha. Ariyoti ācāraariyo. Ariyassāti ācāraariyassa. Kathaṃ na dajjāti kena kāraṇena na dadeyya.
звам̣ вуд̇д̇з б̣од̇хисад̇д̇о ‘‘ахам̣ махаарааж̇а, агин̃жано баб̣б̣аж̇ид̇о, на мз г̇аавийхи ад̇т̇о’’д̇и бадигкиби. рааж̇аа д̇ассоваад̣̇з тад̇ваа д̣̇аанаад̣̇ийни бун̃н̃аани гад̇ваа саг̇г̇абарааяан̣о ахоси. соби абарихийнаж̇жхаано б̣рахмалогз уббаж̇ж̇и.
Evaṃ vutte bodhisatto ‘‘ahaṃ mahārāja, akiñcano pabbajito, na me gāvīhi attho’’ti paṭikkhipi. Rājā tassovāde ṭhatvā dānādīni puññāni katvā saggaparāyaṇo ahosi. Sopi aparihīnajjhāno brahmaloke uppajji.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз б̣ахуу сод̇аабад̇д̇ипалаад̣̇ийсу бад̇идтид̇аа. д̇ад̣̇аа рааж̇аа аананд̣̇о ахоси, адтисзно бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne bahū sotāpattiphalādīsu patiṭṭhitā. Tadā rājā ānando ahosi, aṭṭhiseno pana ahameva ahosinti.
адтисзнаж̇аад̇агаван̣н̣анаа адтамаа.
Aṭṭhisenajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 403. адтисзнагаж̇аад̇агам̣ • 403. Aṭṭhisenakajātakaṃ
