| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
(১৫) ৫. তিকণ্ডকীৰগ্গো
(15) 5. Tikaṇḍakīvaggo
১. অৰজানাতিসুত্তং
1. Avajānātisuttaṃ
‘‘কথঞ্চ, ভিক্খৰে, পুগ্গলো দত্ৰা অৰজানাতি? ইধ, ভিক্খৰে, পুগ্গলো পুগ্গলস্স দেতি চীৰরপিণ্ডপাতসেনাসনগিলানপ্পচ্চযভেসজ্জপরিক্খারং। তস্স এৰং হোতি – ‘অহং দেমি; অযং পটিগ্গণ্হাতী’তি। তমেনং দত্ৰা অৰজানাতি। এৰং খো, ভিক্খৰে, পুগ্গলো দত্ৰা অৰজানাতি।
‘‘Kathañca, bhikkhave, puggalo datvā avajānāti? Idha, bhikkhave, puggalo puggalassa deti cīvarapiṇḍapātasenāsanagilānappaccayabhesajjaparikkhāraṃ. Tassa evaṃ hoti – ‘ahaṃ demi; ayaṃ paṭiggaṇhātī’ti. Tamenaṃ datvā avajānāti. Evaṃ kho, bhikkhave, puggalo datvā avajānāti.
‘‘কথঞ্চ , ভিক্খৰে, পুগ্গলো সংৰাসেন অৰজানাতি? ইধ , ভিক্খৰে, পুগ্গলো পুগ্গলেন সদ্ধিং সংৰসতি দ্ৰে ৰা তীণি ৰা ৰস্সানি। তমেনং সংৰাসেন অৰজানাতি। এৰং খো, ভিক্খৰে, পুগ্গলো সংৰাসেন অৰজানাতি।
‘‘Kathañca , bhikkhave, puggalo saṃvāsena avajānāti? Idha , bhikkhave, puggalo puggalena saddhiṃ saṃvasati dve vā tīṇi vā vassāni. Tamenaṃ saṃvāsena avajānāti. Evaṃ kho, bhikkhave, puggalo saṃvāsena avajānāti.
‘‘কথঞ্চ, ভিক্খৰে, পুগ্গলো আধেয্যমুখো হোতি? ইধ, ভিক্খৰে, একচ্চো পুগ্গলো পরস্স ৰণ্ণে ৰা অৰণ্ণে ৰা ভাসিযমানে তং খিপ্পঞ্ঞেৰ অধিমুচ্চিতা 5 হোতি। এৰং খো, ভিক্খৰে, পুগ্গলো আধেয্যমুখো হোতি।
‘‘Kathañca, bhikkhave, puggalo ādheyyamukho hoti? Idha, bhikkhave, ekacco puggalo parassa vaṇṇe vā avaṇṇe vā bhāsiyamāne taṃ khippaññeva adhimuccitā 6 hoti. Evaṃ kho, bhikkhave, puggalo ādheyyamukho hoti.
‘‘কথঞ্চ, ভিক্খৰে, পুগ্গলো লোলো হোতি? ইধ, ভিক্খৰে, একচ্চো পুগ্গলো ইত্তরসদ্ধো হোতি ইত্তরভত্তী ইত্তরপেমো ইত্তরপ্পসাদো। এৰং খো, ভিক্খৰে, পুগ্গলো লোলো হোতি।
‘‘Kathañca, bhikkhave, puggalo lolo hoti? Idha, bhikkhave, ekacco puggalo ittarasaddho hoti ittarabhattī ittarapemo ittarappasādo. Evaṃ kho, bhikkhave, puggalo lolo hoti.
‘‘কথঞ্চ, ভিক্খৰে, পুগ্গলো মন্দো মোমূহো হোতি? ইধ, ভিক্খৰে, একচ্চো পুগ্গলো কুসলাকুসলে ধম্মে ন জানাতি, সাৰজ্জানৰজ্জে ধম্মে ন জানাতি, হীনপ্পণীতে ধম্মে ন জানাতি , কণ্হসুক্কসপ্পটিভাগে ধম্মে ন জানাতি। এৰং খো, ভিক্খৰে, পুগ্গলো মন্দো মোমূহো হোতি। ইমে খো, ভিক্খৰে, পঞ্চ পুগ্গলা সন্তো সংৰিজ্জমানা লোকস্মি’’ন্তি। পঠমং।
‘‘Kathañca, bhikkhave, puggalo mando momūho hoti? Idha, bhikkhave, ekacco puggalo kusalākusale dhamme na jānāti, sāvajjānavajje dhamme na jānāti, hīnappaṇīte dhamme na jānāti , kaṇhasukkasappaṭibhāge dhamme na jānāti. Evaṃ kho, bhikkhave, puggalo mando momūho hoti. Ime kho, bhikkhave, pañca puggalā santo saṃvijjamānā lokasmi’’nti. Paṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. অৰজানাতিসুত্তৰণ্ণনা • 1. Avajānātisuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১. অৰজানাতিসুত্তৰণ্ণনা • 1. Avajānātisuttavaṇṇanā
