1. аваж̇аанаад̇исуд̇д̇ам̣

1. Avajānātisuttaṃ

141. ‘‘бан̃жимз , бхигкавз, буг̇г̇алаа санд̇о сам̣виж̇ж̇амаанаа логасмим̣. гад̇амз бан̃жа? д̣̇ад̇ваа аваж̇аанаад̇и, сам̣ваасзна аваж̇аанаад̇и, аад̇хзяяамуко ¹ ход̇и, лоло ход̇и, манд̣̇о момуухо ход̇и ².

141. ‘‘Pañcime , bhikkhave, puggalā santo saṃvijjamānā lokasmiṃ. Katame pañca? Datvā avajānāti, saṃvāsena avajānāti, ādheyyamukho ³ hoti, lolo hoti, mando momūho hoti ⁴.

‘‘гат̇ан̃жа, бхигкавз, буг̇г̇ало д̣̇ад̇ваа аваж̇аанаад̇и? ид̇ха, бхигкавз, буг̇г̇ало буг̇г̇аласса д̣̇зд̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарам̣. д̇асса звам̣ ход̇и – ‘ахам̣ д̣̇зми; аяам̣ бадиг̇г̇ан̣хаад̇ий’д̇и. д̇амзнам̣ д̣̇ад̇ваа аваж̇аанаад̇и. звам̣ ко, бхигкавз, буг̇г̇ало д̣̇ад̇ваа аваж̇аанаад̇и.

‘‘Kathañca, bhikkhave, puggalo datvā avajānāti? Idha, bhikkhave, puggalo puggalassa deti cīvarapiṇḍapātasenāsanagilānappaccayabhesajjaparikkhāraṃ. Tassa evaṃ hoti – ‘ahaṃ demi; ayaṃ paṭiggaṇhātī’ti. Tamenaṃ datvā avajānāti. Evaṃ kho, bhikkhave, puggalo datvā avajānāti.

‘‘гат̇ан̃жа , бхигкавз, буг̇г̇ало сам̣ваасзна аваж̇аанаад̇и? ид̇ха , бхигкавз, буг̇г̇ало буг̇г̇алзна сад̣̇д̇хим̣ сам̣васад̇и д̣̇вз ваа д̇ийн̣и ваа вассаани. д̇амзнам̣ сам̣ваасзна аваж̇аанаад̇и. звам̣ ко, бхигкавз, буг̇г̇ало сам̣ваасзна аваж̇аанаад̇и.

‘‘Kathañca , bhikkhave, puggalo saṃvāsena avajānāti? Idha , bhikkhave, puggalo puggalena saddhiṃ saṃvasati dve vā tīṇi vā vassāni. Tamenaṃ saṃvāsena avajānāti. Evaṃ kho, bhikkhave, puggalo saṃvāsena avajānāti.

‘‘гат̇ан̃жа, бхигкавз, буг̇г̇ало аад̇хзяяамуко ход̇и? ид̇ха, бхигкавз, згажжо буг̇г̇ало барасса ван̣н̣з ваа аван̣н̣з ваа бхаасияамаанз д̇ам̣ киббан̃н̃зва ад̇химужжид̇аа ⁵ ход̇и. звам̣ ко, бхигкавз, буг̇г̇ало аад̇хзяяамуко ход̇и.

‘‘Kathañca, bhikkhave, puggalo ādheyyamukho hoti? Idha, bhikkhave, ekacco puggalo parassa vaṇṇe vā avaṇṇe vā bhāsiyamāne taṃ khippaññeva adhimuccitā ⁶ hoti. Evaṃ kho, bhikkhave, puggalo ādheyyamukho hoti.

‘‘гат̇ан̃жа, бхигкавз, буг̇г̇ало лоло ход̇и? ид̇ха, бхигкавз, згажжо буг̇г̇ало ид̇д̇арасад̣̇д̇хо ход̇и ид̇д̇арабхад̇д̇ий ид̇д̇арабзмо ид̇д̇араббасаад̣̇о. звам̣ ко, бхигкавз, буг̇г̇ало лоло ход̇и.

‘‘Kathañca, bhikkhave, puggalo lolo hoti? Idha, bhikkhave, ekacco puggalo ittarasaddho hoti ittarabhattī ittarapemo ittarappasādo. Evaṃ kho, bhikkhave, puggalo lolo hoti.

‘‘гат̇ан̃жа, бхигкавз, буг̇г̇ало манд̣̇о момуухо ход̇и? ид̇ха, бхигкавз, згажжо буг̇г̇ало гусалаагусалз д̇хаммз на ж̇аанаад̇и, сааваж̇ж̇аанаваж̇ж̇з д̇хаммз на ж̇аанаад̇и, хийнаббан̣ийд̇з д̇хаммз на ж̇аанаад̇и , ган̣хасуггасаббадибхааг̇з д̇хаммз на ж̇аанаад̇и. звам̣ ко, бхигкавз, буг̇г̇ало манд̣̇о момуухо ход̇и. имз ко, бхигкавз, бан̃жа буг̇г̇алаа санд̇о сам̣виж̇ж̇амаанаа логасми’’нд̇и. батамам̣.

‘‘Kathañca, bhikkhave, puggalo mando momūho hoti? Idha, bhikkhave, ekacco puggalo kusalākusale dhamme na jānāti, sāvajjānavajje dhamme na jānāti, hīnappaṇīte dhamme na jānāti , kaṇhasukkasappaṭibhāge dhamme na jānāti. Evaṃ kho, bhikkhave, puggalo mando momūho hoti. Ime kho, bhikkhave, pañca puggalā santo saṃvijjamānā lokasmi’’nti. Paṭhamaṃ.

Next: 2. аарабхад̇исуд̇д̇ам̣ • 2. Ārabhatisuttaṃ

Footnotes:

1. аад̣̇ияяамуко (сий.), аад̣̇зяяамуко (сяаа. гам̣.), аад̣̇ияамуко (бий.) адтагат̇ааяа батамасам̣ван̣н̣анаануруубам̣. бу. ба. 193 бассид̇аб̣б̣ам̣

2. манд̣̇о ход̇и момуухо (сий.)

3. ādiyyamukho (sī.), ādeyyamukho (syā. kaṃ.), ādiyamukho (pī.) aṭṭhakathāya paṭhamasaṃvaṇṇanānurūpaṃ. pu. pa. 193 passitabbaṃ

4. mando hoti momūho (sī.)

5. ад̇химужжид̇о (сяаа.)

6. adhimuccito (syā.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. аваж̇аанаад̇исуд̇д̇аван̣н̣анаа • 1. Avajānātisuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. аваж̇аанаад̇исуд̇д̇аван̣н̣анаа • 1. Avajānātisuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact