| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
(൧൫) ൫. തികണ്ഡകീവഗ്ഗോ
(15) 5. Tikaṇḍakīvaggo
൧. അവജാനാതിസുത്തം
1. Avajānātisuttaṃ
‘‘കഥഞ്ച, ഭിക്ഖവേ, പുഗ്ഗലോ ദത്വാ അവജാനാതി? ഇധ, ഭിക്ഖവേ, പുഗ്ഗലോ പുഗ്ഗലസ്സ ദേതി ചീവരപിണ്ഡപാതസേനാസനഗിലാനപ്പച്ചയഭേസജ്ജപരിക്ഖാരം. തസ്സ ഏവം ഹോതി – ‘അഹം ദേമി; അയം പടിഗ്ഗണ്ഹാതീ’തി. തമേനം ദത്വാ അവജാനാതി. ഏവം ഖോ, ഭിക്ഖവേ, പുഗ്ഗലോ ദത്വാ അവജാനാതി.
‘‘Kathañca, bhikkhave, puggalo datvā avajānāti? Idha, bhikkhave, puggalo puggalassa deti cīvarapiṇḍapātasenāsanagilānappaccayabhesajjaparikkhāraṃ. Tassa evaṃ hoti – ‘ahaṃ demi; ayaṃ paṭiggaṇhātī’ti. Tamenaṃ datvā avajānāti. Evaṃ kho, bhikkhave, puggalo datvā avajānāti.
‘‘കഥഞ്ച , ഭിക്ഖവേ, പുഗ്ഗലോ സംവാസേന അവജാനാതി? ഇധ , ഭിക്ഖവേ, പുഗ്ഗലോ പുഗ്ഗലേന സദ്ധിം സംവസതി ദ്വേ വാ തീണി വാ വസ്സാനി. തമേനം സംവാസേന അവജാനാതി. ഏവം ഖോ, ഭിക്ഖവേ, പുഗ്ഗലോ സംവാസേന അവജാനാതി.
‘‘Kathañca , bhikkhave, puggalo saṃvāsena avajānāti? Idha , bhikkhave, puggalo puggalena saddhiṃ saṃvasati dve vā tīṇi vā vassāni. Tamenaṃ saṃvāsena avajānāti. Evaṃ kho, bhikkhave, puggalo saṃvāsena avajānāti.
‘‘കഥഞ്ച, ഭിക്ഖവേ, പുഗ്ഗലോ ആധേയ്യമുഖോ ഹോതി? ഇധ, ഭിക്ഖവേ, ഏകച്ചോ പുഗ്ഗലോ പരസ്സ വണ്ണേ വാ അവണ്ണേ വാ ഭാസിയമാനേ തം ഖിപ്പഞ്ഞേവ അധിമുച്ചിതാ 5 ഹോതി. ഏവം ഖോ, ഭിക്ഖവേ, പുഗ്ഗലോ ആധേയ്യമുഖോ ഹോതി.
‘‘Kathañca, bhikkhave, puggalo ādheyyamukho hoti? Idha, bhikkhave, ekacco puggalo parassa vaṇṇe vā avaṇṇe vā bhāsiyamāne taṃ khippaññeva adhimuccitā 6 hoti. Evaṃ kho, bhikkhave, puggalo ādheyyamukho hoti.
‘‘കഥഞ്ച, ഭിക്ഖവേ, പുഗ്ഗലോ ലോലോ ഹോതി? ഇധ, ഭിക്ഖവേ, ഏകച്ചോ പുഗ്ഗലോ ഇത്തരസദ്ധോ ഹോതി ഇത്തരഭത്തീ ഇത്തരപേമോ ഇത്തരപ്പസാദോ. ഏവം ഖോ, ഭിക്ഖവേ, പുഗ്ഗലോ ലോലോ ഹോതി.
‘‘Kathañca, bhikkhave, puggalo lolo hoti? Idha, bhikkhave, ekacco puggalo ittarasaddho hoti ittarabhattī ittarapemo ittarappasādo. Evaṃ kho, bhikkhave, puggalo lolo hoti.
‘‘കഥഞ്ച, ഭിക്ഖവേ, പുഗ്ഗലോ മന്ദോ മോമൂഹോ ഹോതി? ഇധ, ഭിക്ഖവേ, ഏകച്ചോ പുഗ്ഗലോ കുസലാകുസലേ ധമ്മേ ന ജാനാതി, സാവജ്ജാനവജ്ജേ ധമ്മേ ന ജാനാതി, ഹീനപ്പണീതേ ധമ്മേ ന ജാനാതി , കണ്ഹസുക്കസപ്പടിഭാഗേ ധമ്മേ ന ജാനാതി. ഏവം ഖോ, ഭിക്ഖവേ, പുഗ്ഗലോ മന്ദോ മോമൂഹോ ഹോതി. ഇമേ ഖോ, ഭിക്ഖവേ, പഞ്ച പുഗ്ഗലാ സന്തോ സംവിജ്ജമാനാ ലോകസ്മി’’ന്തി. പഠമം.
‘‘Kathañca, bhikkhave, puggalo mando momūho hoti? Idha, bhikkhave, ekacco puggalo kusalākusale dhamme na jānāti, sāvajjānavajje dhamme na jānāti, hīnappaṇīte dhamme na jānāti , kaṇhasukkasappaṭibhāge dhamme na jānāti. Evaṃ kho, bhikkhave, puggalo mando momūho hoti. Ime kho, bhikkhave, pañca puggalā santo saṃvijjamānā lokasmi’’nti. Paṭhamaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൧. അവജാനാതിസുത്തവണ്ണനാ • 1. Avajānātisuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧. അവജാനാതിസുത്തവണ്ണനാ • 1. Avajānātisuttavaṇṇanā
