| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
(15) 5. д̇иган̣д̣агийваг̇г̇о
(15) 5. Tikaṇḍakīvaggo
1. аваж̇аанаад̇исуд̇д̇аван̣н̣анаа
1. Avajānātisuttavaṇṇanā
141. бан̃жамасса батамз д̣̇ад̇ваа аваж̇аанаад̇ийд̇и зд̇т̇а зго бхигку махаабун̃н̃о жад̇убажжаяалаабхий ход̇и, со жийвараад̣̇ийни лабхид̇ваа ан̃н̃ам̣ аббабун̃н̃ам̣ аабужчад̇и. соби д̇асмим̣ бунаббунам̣ аабужчанд̇зби г̇ан̣хаад̇иязва. ат̇асса ид̇аро т̇огам̣ губид̇о худ̇ваа ман̇губхаавам̣ уббаад̣̇зд̇угаамо вад̣̇ад̇и ‘‘аяам̣ ад̇д̇ано д̇хаммад̇ааяа жийвараад̣̇ийни на лабхад̇и, амхз ниссааяа лабхад̇ий’’д̇и. звамби д̣̇ад̇ваа аваж̇аанаад̇и наама. зго бана згзна сад̣̇д̇хим̣ д̣̇вз д̇ийн̣и вассаани васанд̇о буб̣б̣з д̇ам̣ буг̇г̇алам̣ г̇арум̣ гад̇ваа г̇ажчанд̇з г̇ажчанд̇з гаалз жид̇д̇ийгаарам̣ на гарод̇и, аасананисиннадтаанамби на г̇ажчад̇и. аяамби буг̇г̇ало сам̣ваасзна аваж̇аанаад̇и наама. аад̇хзяяамукод̇и аад̣̇ид̇о д̇хзяяамуко, батамаважанасмим̣язва табид̇амукод̇и ад̇т̇о. д̇ад̇т̇ааяам̣ наяо – зго буг̇г̇ало сааруббам̣язва бхигкум̣ ‘‘асааруббо зсо’’д̇и гат̇зд̇и. д̇ам̣ суд̇ваа зса нидтам̣ г̇ажчад̇и, буна ан̃н̃зна сабхааг̇зна бхигкунаа ‘‘сааруббо аяа’’нд̇и вуд̇д̇зби д̇асса важанам̣ на г̇ан̣хаад̇и. асугзна наама ‘‘асааруббо аяа’’нд̇и амхаагам̣ гат̇ид̇анд̇и буримабхигкунова гат̇ам̣ г̇ан̣хаад̇и. абаробисса д̣̇уссийлам̣ ‘‘сийлаваа’’д̇и гат̇зд̇и. д̇асса важанам̣ сад̣̇д̣̇ахид̇ваа буна ан̃н̃зна ‘‘асааруббо зсо бхигку, нааяам̣ д̇умхаагам̣ санд̇игам̣ убасан̇гамид̇ум̣ яуд̇д̇о’’д̇и вуд̇д̇зби д̇асса важанам̣ аг̇г̇ахзд̇ваа буримам̣язва гат̇ам̣ г̇ан̣хаад̇и. абаро ван̣н̣амби гат̇ид̇ам̣ г̇ан̣хаад̇и, аван̣н̣амби гат̇ид̇ам̣ г̇ан̣хаад̇иязва. аяамби аад̇хзяяамукоязва наама аад̇хаад̇аб̣б̣амуко, яам̣ яам̣ сун̣аад̇и, д̇ад̇т̇а д̇ад̇т̇а табид̇амукод̇и ад̇т̇о.
141. Pañcamassa paṭhame datvā avajānātīti ettha eko bhikkhu mahāpuñño catupaccayalābhī hoti, so cīvarādīni labhitvā aññaṃ appapuññaṃ āpucchati. Sopi tasmiṃ punappunaṃ āpucchantepi gaṇhātiyeva. Athassa itaro thokaṃ kupito hutvā maṅkubhāvaṃ uppādetukāmo vadati ‘‘ayaṃ attano dhammatāya cīvarādīni na labhati, amhe nissāya labhatī’’ti. Evampi datvā avajānāti nāma. Eko pana ekena saddhiṃ dve tīṇi vassāni vasanto pubbe taṃ puggalaṃ garuṃ katvā gacchante gacchante kāle cittīkāraṃ na karoti, āsananisinnaṭṭhānampi na gacchati. Ayampi puggalo saṃvāsena avajānāti nāma. Ādheyyamukhoti ādito dheyyamukho, paṭhamavacanasmiṃyeva ṭhapitamukhoti attho. Tatthāyaṃ nayo – eko puggalo sāruppaṃyeva bhikkhuṃ ‘‘asāruppo eso’’ti katheti. Taṃ sutvā esa niṭṭhaṃ gacchati, puna aññena sabhāgena bhikkhunā ‘‘sāruppo aya’’nti vuttepi tassa vacanaṃ na gaṇhāti. Asukena nāma ‘‘asāruppo aya’’nti amhākaṃ kathitanti purimabhikkhunova kathaṃ gaṇhāti. Aparopissa dussīlaṃ ‘‘sīlavā’’ti katheti. Tassa vacanaṃ saddahitvā puna aññena ‘‘asāruppo eso bhikkhu, nāyaṃ tumhākaṃ santikaṃ upasaṅkamituṃ yutto’’ti vuttepi tassa vacanaṃ aggahetvā purimaṃyeva kathaṃ gaṇhāti. Aparo vaṇṇampi kathitaṃ gaṇhāti, avaṇṇampi kathitaṃ gaṇhātiyeva. Ayampi ādheyyamukhoyeva nāma ādhātabbamukho, yaṃ yaṃ suṇāti, tattha tattha ṭhapitamukhoti attho.
лолод̇и сад̣̇д̇хаад̣̇ийнам̣ ид̇д̇арагаалаббад̇ид̇ад̇д̇аа ассад̣̇д̇хияаад̣̇ийхи лулид̇абхаавзна лоло. ид̇д̇арабхад̇д̇ийд̇иаад̣̇ийсу бунаббунам̣ бхаж̇анзна сад̣̇д̇хаава бхад̇д̇ибзмам̣. сад̣̇д̇хаабзмамби г̇зхассид̇абзмамби ваддад̇и, басаад̣̇о сад̣̇д̇хаабасаад̣̇о. звам̣ буг̇г̇ало лоло ход̇ийд̇и звам̣ ид̇д̇арасад̣̇д̇хаад̣̇ид̇ааяа буг̇г̇ало лоло наама ход̇и. халид̣̇д̣̇ирааг̇о вияа, т̇усараасимхи годдид̇акаануго вияа, ассабидтияам̣ табид̇агумбхан̣д̣ам̣ вияа жа аниб̣ад̣̇д̇хадтаанз мухуд̇д̇зна губбад̇и. манд̣̇о момууход̇и ан̃н̃аан̣абхаавзна манд̣̇о, ависаяад̇ааяа момуухо, махаамуул̣ход̇и ад̇т̇о.
Loloti saddhādīnaṃ ittarakālappatitattā assaddhiyādīhi lulitabhāvena lolo. Ittarabhattītiādīsu punappunaṃ bhajanena saddhāva bhattipemaṃ. Saddhāpemampi gehassitapemampi vaṭṭati, pasādo saddhāpasādo. Evaṃ puggalo lolo hotīti evaṃ ittarasaddhāditāya puggalo lolo nāma hoti. Haliddirāgo viya, thusarāsimhi koṭṭitakhānuko viya, assapiṭṭhiyaṃ ṭhapitakumbhaṇḍaṃ viya ca anibaddhaṭṭhāne muhuttena kuppati. Mando momūhoti aññāṇabhāvena mando, avisayatāya momūho, mahāmūḷhoti attho.
аваж̇аанаад̇исуд̇д̇аван̣н̣анаа нидтид̇аа.
Avajānātisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. аваж̇аанаад̇исуд̇д̇ам̣ • 1. Avajānātisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. аваж̇аанаад̇исуд̇д̇аван̣н̣анаа • 1. Avajānātisuttavaṇṇanā
