| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
(੧੫) ੫. ਤਿਕਣ੍ਡਕੀવਗ੍ਗੋ
(15) 5. Tikaṇḍakīvaggo
੧. ਅવਜਾਨਾਤਿਸੁਤ੍ਤવਣ੍ਣਨਾ
1. Avajānātisuttavaṇṇanā
੧੪੧. ਪਞ੍ਚਮਸ੍ਸ ਪਠਮੇ ਸਂવਾਸੇਨਾਤਿ ਏਕਤੋવਾਸੇਨ। ਆਦੇਯ੍ਯਮੁਖੋਤਿ ਆਦਿਯਨਮੁਖੋ, ਗਹਣਮੁਖੋਤਿ ਅਤ੍ਥੋ। ਤਮੇਨਂ ਦਤ੍વਾ ਅવਜਾਨਾਤੀਤਿ ‘‘ਅਯਂ ਦਿਨ੍ਨਂ ਪਟਿਗ੍ਗਹੇਤੁਮੇવ ਜਾਨਾਤੀ’’ਤਿ ਏવਂ ਅવਮਞ੍ਞਤਿ। ਤਮੇਨਂ ਸਂવਾਸੇਨ ਅવਜਾਨਾਤੀਤਿ ਅਪ੍ਪਮਤ੍ਤਕੇ ਕਿਸ੍ਮਿਞ੍ਚਿਦੇવ ਕੁਜ੍ਝਿਤ੍વਾ ‘‘ਜਾਨਾਮਹਂ ਤਯਾ ਕਤਕਮ੍ਮਂ, ਏਤ੍ਤਕਂ ਅਦ੍ਧਾਨਂ ਅਹਂ ਕਿਂ ਕਰੋਨ੍ਤੋ વਸਿਂ, ਨਨੁ ਤੁਯ੍ਹਮੇવ ਕਤਾਕਤਂ વੀਮਂਸਨ੍ਤੋ’’ਤਿਆਦੀਨਿ વਤ੍ਤਾ ਹੋਤਿ। ਅਥ ਇਤਰੋ ‘‘ਅਦ੍ਧਾ ਕੋਚਿ ਮਯ੍ਹਂ ਦੋਸੋ ਭવਿਸ੍ਸਤੀ’’ਤਿ ਕਿਞ੍ਚਿ ਪਟਿਪ੍ਫਰਿਤੁਂ ਨ ਸਕ੍ਕੋਤਿ। ਤਂ ਖਿਪ੍ਪਞ੍ਞੇવ ਅਧਿਮੁਚ੍ਚਿਤਾ ਹੋਤੀਤਿ ਤਂ વਣ੍ਣਂ વਾ ਅવਣ੍ਣਂ વਾ ਸੀਘਮੇવ ਸਦ੍ਦਹਤਿ। ਸਦ੍ਦਹਨਟ੍ਠੇਨ ਹਿ ਆਦਾਨੇਨ ਏਸ ਆਦਿਯਨਮੁਖੋਤਿ વੁਤ੍ਤੋ। ਆਧੇਯ੍ਯਮੁਖੋਤਿ ਪਾਲ਼ਿਯਾ ਪਨ ਠਪਿਤਮੁਖੋਤਿ ਅਤ੍ਥੋ। ਮਗ੍ਗੇ ਖਟਆવਾਟੋ વਿਯ ਆਗਤਾਗਤਂ ਉਦਕਂ વਣ੍ਣਂ વਾ ਅવਣ੍ਣਂ વਾ ਸਦ੍ਦਹਨવਸੇਨ ਸਮ੍ਪਟਿਚ੍ਛਿਤੁਂ ਠਪਿਤਮੁਖੋਤਿ વੁਤ੍ਤਂ ਹੋਤਿ।
141. Pañcamassa paṭhame saṃvāsenāti ekatovāsena. Ādeyyamukhoti ādiyanamukho, gahaṇamukhoti attho. Tamenaṃ datvā avajānātīti ‘‘ayaṃ dinnaṃ paṭiggahetumeva jānātī’’ti evaṃ avamaññati. Tamenaṃ saṃvāsena avajānātīti appamattake kismiñcideva kujjhitvā ‘‘jānāmahaṃ tayā katakammaṃ, ettakaṃ addhānaṃ ahaṃ kiṃ karonto vasiṃ, nanu tuyhameva katākataṃ vīmaṃsanto’’tiādīni vattā hoti. Atha itaro ‘‘addhā koci mayhaṃ doso bhavissatī’’ti kiñci paṭippharituṃ na sakkoti. Taṃ khippaññeva adhimuccitā hotīti taṃ vaṇṇaṃ vā avaṇṇaṃ vā sīghameva saddahati. Saddahanaṭṭhena hi ādānena esa ādiyanamukhoti vutto. Ādheyyamukhoti pāḷiyā pana ṭhapitamukhoti attho. Magge khaṭaāvāṭo viya āgatāgataṃ udakaṃ vaṇṇaṃ vā avaṇṇaṃ vā saddahanavasena sampaṭicchituṃ ṭhapitamukhoti vuttaṃ hoti.
ਇਤ੍ਤਰਸਦ੍ਧੋਤਿ ਪਰਿਤ੍ਤਕਸਦ੍ਧੋ। ਕੁਸਲਾਕੁਸਲੇ ਧਮ੍ਮੇ ਨ ਜਾਨਾਤੀਤਿਆਦੀਸੁ ਕੁਸਲੇ ਧਮ੍ਮੇ ‘‘ਇਮੇ ਕੁਸਲਾ’’ਤਿ ਨ ਜਾਨਾਤਿ, ਅਕੁਸਲੇ ਧਮ੍ਮੇ ‘‘ਇਮੇ ਅਕੁਸਲਾ’’ਤਿ ਨ ਜਾਨਾਤਿ। ਤਥਾ ਸਾવਜ੍ਜੇ ਸਦੋਸਧਮ੍ਮੇ ‘‘ਇਮੇ ਸਾવਜ੍ਜਾ’’ਤਿ, ਅਨવਜ੍ਜੇ ਚ ਨਿਦ੍ਦੋਸਧਮ੍ਮੇ ‘‘ਇਮੇ ਅਨવਜ੍ਜਾ’’ਤਿ, ਹੀਨੇ ਹੀਨਾਤਿ, ਪਣੀਤੇ ਪਣੀਤਾਤਿ। ਕਣ੍ਹਸੁਕ੍ਕਸਪ੍ਪਟਿਭਾਗੇਤਿ ‘‘ਇਮੇ ਕਣ੍ਹਾ ਸੁਕ੍ਕੇ ਪਟਿਬਾਹੇਤ੍વਾ ਠਿਤਤ੍ਤਾ ਸਪ੍ਪਟਿਭਾਗਾ ਨਾਮ, ਇਮੇ ਚ ਸੁਕ੍ਕਾ ਕਣ੍ਹੇ ਪਟਿਬਾਹਿਤ੍વਾ ਠਿਤਤ੍ਤਾ ਸਪ੍ਪਟਿਭਾਗਾ’’ਤਿ ਨ ਜਾਨਾਤਿ।
Ittarasaddhoti parittakasaddho. Kusalākusale dhamme na jānātītiādīsu kusale dhamme ‘‘ime kusalā’’ti na jānāti, akusale dhamme ‘‘ime akusalā’’ti na jānāti. Tathā sāvajje sadosadhamme ‘‘ime sāvajjā’’ti, anavajje ca niddosadhamme ‘‘ime anavajjā’’ti, hīne hīnāti, paṇīte paṇītāti. Kaṇhasukkasappaṭibhāgeti ‘‘ime kaṇhā sukke paṭibāhetvā ṭhitattā sappaṭibhāgā nāma, ime ca sukkā kaṇhe paṭibāhitvā ṭhitattā sappaṭibhāgā’’ti na jānāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਅવਜਾਨਾਤਿਸੁਤ੍ਤਂ • 1. Avajānātisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧. ਅવਜਾਨਾਤਿਸੁਤ੍ਤવਣ੍ਣਨਾ • 1. Avajānātisuttavaṇṇanā
